ព័ត៌មានអន្ដរជាតិ
ស្ថាប័នរដ្ឋាភិបាលជាង៤០របស់ឥណ្ឌូណេស៊ី រងការវាយប្រហារតាមប្រព័ន្ធអ៊ីនធឺណិត
មជ្ឈមណ្ឌលទិន្នន័យរបស់ទីភ្នាក់ងាររដ្ឋាភិបាលជាង៤០ស្ថាប័ន របស់ប្រទេសឥណ្ឌូណេស៊ី ត្រូវបានទទួលរងការវាយប្រហារតាមរយៈប្រព័ន្ធអ៊ីនធឺណិត។ នេះបើយោងតាមការប្រកាសរបស់ក្រសួងទំនាក់ទំនងឥណ្ឌូណេស៊ី កាលពីថ្ងៃទី២៦ ខែមិថុនា ឆ្នាំ២០២៤។
ការវាយប្រហារថ្មីនេះ គឺជាបទពិសោធន៍ដ៏អាក្រក់បំផុតរបស់ឥណ្ឌូណេស៊ី ដែលមិនធ្លាប់ជួបប្រទះ ក្នុងរយៈពេលប៉ុន្មានឆ្នាំចុងក្រោយ ដែលបានបង្អាក់ដំណើរការសេវាកម្មសំខាន់ៗជាច្រើន ដូចជា សេវាកម្មអន្តោប្រវេសន៍ និងប្រតិបត្តិការមួយចំនួននៅតាមអាកាសយានដ្ឋានធំៗរបស់ឥណ្ឌូណេស៊ី។ ក្រុមអ្នកវាយប្រហារ បានទាមទារប្រាក់ចំនួន ៨លានដុល្លារ ជាថ្នូរដោះដូរនឹងទិន្នន័យរដ្ឋាភិបាល ប៉ុន្តែត្រូវឥណ្ឌូណេស៊ីបដិសេធ។
លោក Usman Kansong មន្ត្រីក្រសួងទំនាក់ទំនងឥណ្ឌូណេស៊ី បានឲ្យដឹងថា ស្ថាប័នរដ្ឋាភិបាលចំនួន ៤៤ ក្នុងនោះមានក្រសួងសំខាន់ៗមួយចំនួន បានក្លាយជាមុខសញ្ញារបស់ក្រុមវាយប្រហារតាមអ៊ីនធឺណិត តាមរយៈការប្រើប្រាស់មេរោគប្រភេទ Ransomware បង្កក់នៅក្នុងកម្មវិធីកុំព្យូទ័រមួយហៅថា Lockbit 3.0។ យ៉ាងណាមិញ បច្ចុប្បន្ន ទិន្នន័យនៅស្ថាប័នចំនួន៥ ដោយក្នុងនោះមានសេវាកម្មអន្តោប្រវេសន៍ និងក្រសួងសម្របសម្រួលផ្នែកវិនិយោគ ត្រូវបានជួយសង្គ្រោះបានវិញ ខណៈនៅសល់ទិន្នន័យក្នុងស្ថាប័នចំនួន៣៩ផ្សេងទៀត កំពុងស្ថិតនៅក្នុងដំណើរការជួយសង្គ្រោះដោយក្រុមអ្នកជំនាញ។ ក្នុងនោះ ទិន្នន័យនៅស្ថាប័នរដ្ឋាភិបាលចំនួន១៨ សង្ឃឹមថានឹងអាចទាញយកមកវិញបាន នៅត្រឹមចុងខែមិថុនា នេះ។
ពាក់ព័ន្ធនឹងបញ្ហាខាងលើ លោក Harlan Wijanarko នាយកក្រុមហ៊ុនរដ្ឋ Telkom Group បានធ្វើសន្និសីទកាសែតមួយរួមគ្នាជាមួយក្រសួងទំនាក់ទំនង ក្នុងគោលបំណងព្យាយាមបកស្រាយឲ្យប្រជាជនឥណ្ឌូណេស៊ីស្ងប់ចិត្ត និងធានាថា ទិន្នន័យរបស់ពួកគេមានសុវត្ថិភាព។ លោកបានពន្យល់ថា ប្រព័ន្ធនៃមជ្ឈមណ្ឌលទិន្នន័យជាតិ ត្រូវបានបិទ និងកាត់ផ្ដាច់ពីប្រភពខាងក្រៅហើយ ដែលគ្មាននរណាអាចលួចចូលទៅបាននោះទេ។
សូមបញ្ជាក់ថា ក្រុមហ៊ុន Telkom Group មានមជ្ឈមណ្ឌលទិន្នន័យសំខាន់ចំនួន២នៅឥណ្ឌូណេស៊ី ដោយមួយស្ថិតនៅរដ្ឋធានីហ្សាការតា និងមួយទៀតនៅទីក្រុងស៊ូរ៉ាបាយ៉ា។ ស្ថាប័នរដ្ឋាភិបាលឥណ្ឌូណេស៊ីទាំងអស់ បានផ្ទុកទិន្នន័យនៅក្នុងមជ្ឈមណ្ឌលទាំង២នេះ។ មជ្ឈមណ្ឌលទិន្នន័យដែលរងការវាយប្រហារថ្មីៗនេះ គឺមជ្ឈមណ្ឌលទិន្នន័យដែលស្ថិតនៅទីក្រុងស៊ូរ៉ាបាយ៉ា៕
ដោយ៖ ឈាង
វិស័យដឹកជញ្ជូននៅកម្ពុជាបន្តរក្សាបានកំណើន ទោះបីជាការឡើងកំដៅនៃបញ្ហាភូមិសាស្រ្តនយោបាយ
ស្ថាប័នរដ្ឋាភិបាលជាង៤០របស់ឥណ្ឌូណេស៊ី រងការវាយប្រហារតាមប្រព័ន្ធអ៊ីនធឺណិត
រដ្ឋមន្ត្រីសុខាភិបាល ក្រើនរំលឹកមន្ត្រី ត្រូវខិតខំយកចិត្តទុកដាក់ផ្តល់សេវាជូនពលរដ្ឋ ប្រកបដោយក្រមសីលធម៌វិជ្ជាជីវៈ
ការសិក្សា៖ កាហ្វេ ជួយកាត់បន្ថយការស្លាប់ ជំងឺដាច់សរសៃឈាមខួរក្បាល និងបេះដូង
គណៈប្រតិភូ ប.ស.ស ចូលរួមកិច្ចប្រជុំក្រុមប្រឹក្សាភិបាល នៃសមាគមសំណងគ្រោះថ្នាក់ការងារអាស៊ីនៅប្រទេសកូរ៉េ
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
ក្រុមហ៊ុន ខេមបូឌា អ៊ែរផត ចុះកុងត្រា ១២ ឆ្នាំឱ្យក្រុមហ៊ុន គ្រប់គ្រងសេវាលក់រាយ មុនពេលព្រលានយន្តហោះអន្តរជាតិតេជោបើកដំណើរការ
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
មហាសេដ្ឋី Warren ថា ទ្រព្យនឹងបាត់បង់ តែវត្ថុ ៣ អាចធ្វើឲ្យមនុស្សមានតម្លៃក្នុងសម័យបច្ចុប្បន្ន
សម្តេចតេជោ ហាមកុំឱ្យចូលតំណ (link) ថាទទួលបានប្រាក់រង្វាន់ $500 ព្រោះជារឿងមិនពិត
-
សេដ្ឋកិច្ច៦ ថ្ងៃ agoការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ agoអ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ agoក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ agoលោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ agoតើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ agoបុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ agoក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ