ព័ត៌មានអន្ដរជាតិ

ស្លាប់ទាហាននិងជនស៊ីវិលជាង ២០នាក់ ក្នុងការវាយប្រហារដោយក្រុមឧទ្ទាម នៅប្រទេសនីហ្សេ

បានផុស

២ ម៉ោង មុន

នៅ

ថ្ងៃព្រហស្បតិ៍ ២៧ មិថុនា ២០២៤

ដោយ

ទាហាន ២០ នាក់ និងជនស៊ីវិលម្នាក់ ត្រូវសម្លាប់ក្នុងការវាយប្រហារដោយក្រុមឧទ្ទាមនៅភាគខាងលិចប្រទេសនីហ្សេ។ នេះបើយោងតាមការចេញផ្សាយរបស់សារពត៌មាន Al Jazeera នៅថ្ងៃទី ២៧ ខែ មិថុនាឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នីហ្សេរីយ៉ា ក៏បានប្រកាសកាន់ទុក្ខថ្នាក់ជាតិរយៈពេលបីថ្ងៃផងដែរ បន្ទាប់ពីការស្លាប់ទាហានដ៏ច្រើននេះ នៅក្នុងការវាយឆ្មក់របស់ក្រុមឧទ្ទាមជិតភូមិ Tassia នៃតំបន់ Tillaberi។

យ៉ាងណាមិញទាហានក៏បានសម្លាប់ក្រុមឧទ្ទាមរាប់សិបនាក់វិញផងដែរ ហើយបង្កើនការវាយប្រហារពីលើអាកាស និងជើងគោក ដើម្បីតាមប្រមាញ់អ្នកដែលនៅសេសសល់។

តំបន់ដែលត្រូវបានវាយឆ្មក់នេះគឺស្ថិតនៅជាប់ព្រំដែនប្រទេសម៉ាលី និងប្រទេស បួគីណាហ្វាសូ ជាកន្លែងដែលក្រុមឧទ្ទាមមានទំនាក់ទំនងជាមួយអាល់កៃដា និង ISIL (ISIS) ធ្វើសកម្មភាពអស់រយៈពេលជិតមួយទសវត្សរ៍មកហើយ។

គួរបញ្ជាក់ថា រដ្ឋាភិបាលនីហ្សេ បានឡើងកាន់អំណាចកាលពីឆ្នាំមុនក្នុងរដ្ឋប្រហារយោធា ដោយផ្ដួលរំលំរដ្ឋាភិបាលជាប់ឆ្នោតតាមបែបប្រជាធិបតេយ្យ និងបានបណ្តេញកងកម្លាំងបារាំង និងសហរដ្ឋអាមេរិកចេញពីប្រទេស ដោយងាកទៅរកទាហានស៊ីឈ្នួលរុស្ស៊ីវិញ។

នីហ្សេ គឺជាប្រទេសមួយក្នុងចំណោមប្រទេសអាហ្រ្វិកខាងលិចជាច្រើន ដែលកំពុងប្រយុទ្ធនឹងការបះបោរប្រដាប់អាវុធជាច្រើនដែលបានរីករាលដាលចេញពីប្រទេសម៉ាលីក្នុងរយៈពេល ១២ ឆ្នាំចុងក្រោយនេះ ដោយសម្លាប់មនុស្សរាប់ពាន់នាក់ ។ កាលពីខែមីនា ទាហាននីហ្សេយ៉ាងតិច ២៣ នាក់ត្រូវបានសម្លាប់ក្នុងការវាយប្រហារមួយផ្សេងទៀតនៅ Tillaberi ក្រោមដៃក្រុម ISIL។

កាលពីសប្តាហ៍មុន ក្រុមឧទ្ទាមក៏បានវាយប្រហារបំពង់បង្ហូរប្រេងដែលគាំទ្រដោយប្រទេសចិនផងដែរ ហើយគំរាមវាយប្រហារបន្ថែមទៀត ប្រសិនបើកិច្ចព្រមព្រៀងតម្លៃ ៤០០លានដុល្លារជាមួយទីក្រុងប៉េកាំង មិនត្រូវបានលុបចោលទេនោះ៕