ព័ត៌មានអន្ដរជាតិ
Adidas បណ្ដេញបុគ្គលិកពីរនាក់នៅចិន ដោយសារអំពើពុករលួយ
យោងតាមការចេញផ្សាយរបស់សារពត៌មាន CNN នៅថ្ងៃទី ២៨ ខែឧសភាបានឲ្យដឹងថា បុគ្គលិកពីរនាក់ ត្រូវបានបណ្ដេញចេញពីក្រុមហ៊ុន Adidas ប្រចាំនៅប្រទេសចិន ខណៈការស៊ើបអង្កេតកំពុងបន្តលើការចោទប្រកាន់អំពើពុករលួយ។
ក្រុមហ៊ុនម៉ាកយីហោសម្លៀកបំពាក់កីឡាដ៏ល្បីល្បាញរបស់អាល្លឺម៉ង់មួយនេះ បានប្រកាសថា ក្រុមហ៊ុនកំពុងស៊ើបអង្កេតការបំពានច្បាប់នៅក្នុងប្រទេសចិន ដែលជាទីផ្សារដ៏សំខាន់សម្រាប់សម្លៀកបំពាក់កីឡារបស់ខ្លួន បន្ទាប់ពីប្រព័ន្ធផ្សព្វផ្សាយរដ្ឋរាយការណ៍ថា នាយកប្រតិបត្តិរបស់ក្រុមហ៊ុននៅក្នុងប្រទេសនេះ ត្រូវបានចោទប្រកាន់ពីបទកេងបន្លំប្រាក់រាប់លានអឺរ៉ូ និងទទួលបានប្រាក់បៀវត្សរ៍យ៉ាងច្រើនសន្ធឹកសន្ធាប់។
ការចោទប្រកាន់នេះ ត្រូវបានមើលឃើញនៅក្នុងលិខិតដែលបុគ្គលិករបស់ Adidas China ផ្ញើដោយផ្ទាល់ទៅកាន់ទីស្នាក់ការកណ្តាលរបស់ក្រុមហ៊ុនអាល្លឺម៉ង់ មុនពេលត្រូវបានចែករំលែកនៅលើប្រព័ន្ធផ្សព្វផ្សាយសង្គម។
លិខិតនោះចោទប្រកាន់ថា នាយកប្រតិបត្តិជាន់ខ្ពស់នៅ Greater China ដែលគ្រប់គ្រងថវិកាទីផ្សាររបស់ Adidas បានកេងបន្លំប្រាក់រាប់លានអឺរ៉ូ ហើយបានយកលុយពីការផ្សាយពាណិជ្ជកម្មខាងក្រៅ និងភ្នាក់ងារតារាល្បី។ សមាជិកមួយចំនួននៃក្រុមនាយកប្រតិបត្តិ និងបុគ្គលិកផ្សេងទៀតក៏ជាប់ពាក់ព័ន្ធផងដែរ។ អ្នកសរសេរសំបុត្រនោះក៏បញ្ជាក់ដែរថា អ្នកគ្រប់គ្រងជាន់ខ្ពស់នោះប្រកាន់បក្ខពួកនិយមនិង មានការគំរាមកំហែងនៅកន្លែងធ្វើការ រួមទាំងដាក់បុគ្កលិកឱ្យនៅដាច់ដោយឡែកមួយចំនួន និងបង្ខំឱ្យពួកគេលាឈប់ បូករួមទាំងការស៊ីសំណូកផងដែរ។
ចំណែកយោងតាមប្រធានផ្នែកទំនាក់ទំនងប្រព័ន្ធផ្សព្វផ្សាយរបស់ក្រុមហ៊ុនសម្លៀកបំពាក់យក្សនេះបានឲ្យដឹងថា បុគ្គលិកទីពីរដែលត្រូវបានបណ្ដេញចេញដូចគ្នានោះ គឺមិនបានបំពេញតាមលក្ខខណ្ឌភាពជាអ្នកដឹកនាំរបស់ក្រុមហ៊ុនក្នុងការបង្ហាញពីការគោរព និងការជឿទុកចិត្តគ្នាទៅវិញទៅមកទេ។
គួរបញ្ជាក់ថា Adidas គឺជាក្រុមហ៊ុនលក់សម្លៀកបំពាក់កីឡាធំជាងគេលំដាប់ទីពីរលើពិភពលោក ខណៈGreater China គឺជាតំបន់គ្របដណ្តប់លើប្រទេសចិនដីគោក ហុងកុង និងតៃវ៉ាន់ដែលមានចំនួន១៥ ភាគរយនៃការលក់របស់ក្រុមហ៊ុន៕
អត្ថបទ៖ ប៊ុន សុភាព
-
ព័ត៌មានជាតិ១១ ម៉ោង ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ២ ម៉ោង ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៤ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សេដ្ឋកិច្ច១ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ២ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១ សប្តាហ៍ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ២ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
សន្តិសុខសង្គម១ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ