ព័ត៌មានអន្ដរជាតិ
សិង្ហបុរី ថា គ្មានអ្វីជំនួសអាស៊ានបានទេ បើទោះសមាជិកមួយចំនួនចង់ចូល BRICS ក៏ដោយ
លោក Vivian Balakrishnan រដ្ឋមន្ត្រីក្រសួងការបរទេសសិង្ហបុរី បានប្រកាសកាលពីថ្ងៃទី២៦ ខែមិថុនា ឆ្នាំ២០២៤ ថា អាស៊ាននៅតែដើរតួនាទីសំខាន់ ហើយគ្មានអ្វីដែលអាចជំនួសសមាគមប្រជាជាតិអាស៊ីអាគ្នេយ៍មួយនេះបាននោះឡើយ ថ្វីត្បិតបណ្ដាប្រទេសមួយចំនួននៅក្នុងអាស៊ាន កំពុងបង្ហាញពីចំណាប់អារម្មណ៍ចង់ចូលរួមជាសមាជិក BRICS ក៏ដោយ។
មន្ត្រីជាន់ខ្ពស់សិង្ហបុរី បានបញ្ជាក់ថា អាស៊ានគឺជាតំបន់ប្រកួតប្រជែង និងជាកន្លែងវិនិយោគដ៏សម្បូរបែប ដែលមានប្រជាជនសរុបចំនួន ៦៨០លាននាក់ និង GDP ប្រមាណ ៣,៥ទ្រីលានដុល្លារ ហើយអាចនឹងកើនឡើងបាន ២ ឬក៏ ៣ដង នៅក្នុងរយៈពេល២០ទៅ៣០ឆ្នាំខាងមុខ។ លោក Balakrishnan បានបន្ថែមថា អាស៊ានបានចុះកិច្ចព្រមព្រៀងពាណិជ្ជកម្មជាច្រើនជាមួយប្រទេសចិន កូរ៉េខាងត្បូង និង ជប៉ុន។
ការលើកឡើងរបស់រដ្ឋមន្ត្រីការបរទេសសិង្ហបុរីនេះ ធ្វើឡើងបន្ទាប់ពីប្រទេសថៃ និងម៉ាឡេស៊ី កាលពីដើមខែមិថុនា បានបង្ហើបពីគម្រោងចង់ចូលជាសមាជិក BRICS ដែលជាក្រុមប្រទេសអភិវឌ្ឍខាងសេដ្ឋកិច្ច ដឹកនាំដោយប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង។ មុនថៃ និងម៉ាឡេស៊ី, ប្រទេសមីយ៉ាន់ម៉ា និងឡាវ ក៏ធ្លាប់បានប្រកាសពីចំណាប់អារម្មណ៍ចង់ចូល BRICS ផងដែរ។
សូមបញ្ជាក់ថា ប្រេស៊ីល រុស្ស៊ី ឥណ្ឌា និងចិន បានបង្កើតក្រុមប្រទេស BRIC ឡើងកាលពីឆ្នាំ២០០៦។ ឈ្មោះ BRIC នេះបានមកពីអក្សរផ្ដើមនៃឈ្មោះប្រទេសជាសមាជិក ដែលអក្សរ B បានន័យថា Brazil, អក្សរ R បានន័យថា Russia, អក្សរ I បានន័យថា India និងអក្សរ C បានន័យថា China។ លុះដល់ឆ្នាំ២០១០ អាហ្វ្រិកខាងត្បូង បានចូលរួមជាសមាជិកបន្ថែម ដែលនាំឲ្យមានការបន្ថែមអក្សរ S នៅខាងចុង ហើយក៏នាំឲ្យឈ្មោះផ្លូវការនៃក្រុមប្រទេសទាំងនេះត្រូវគេហៅថា BRICS។ ក្រោយៗមកទៀត ក៏មានការចូលរួមពីបណ្ដាប្រទេសមួយចំនួនទៀត ដូចជា អេហ្ស៊ីប អេត្យូពី អ៉ឺរ៉ង់ អារ៉ាប៊ីសាអូឌីត និងសហព័ន្ធអារ៉ាប់រួម។ បច្ចុប្បន្ន មានប្រទេសច្រើនជាង ៤០ កំពុងប្រកាសចង់ចូលរួមជាមួយ BRICS។
គោលបំណងធំរបស់ BRICS គឺស្វែងរកការបង្កើនចំណងសម្ព័ន្ធមិត្តឲ្យកាន់តែជិតស្និទ្ធ និងធ្វើកិច្ចសហប្រតិបត្តិការពង្រីកវិស័យសេដ្ឋកិច្ច ដើម្បីកាត់បន្ថយការទទួលរងឥទ្ធិពលពីលោកខាងលិច៕
ដោយ៖ ឈាង
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ