ព័ត៌មានអន្ដរជាតិ
អ៊ីស្រាអែល គំរាមនាំ លីបង់ វិលត្រឡប់ទៅសម័យយុគថ្ម វិញ
ប្រសិនបើសង្គ្រាមជាមួយក្រុមសកម្មប្រយុទ្ធ ហេសបូឡា ផ្ទុះឡើងមែន យោធាអ៊ីស្រាអែល នឹងនាំប្រទេសលីបង់ ឲ្យវិលត្រឡប់ទៅសម័យយុគថ្មវិញ។ នេះគឺជាការព្រមានចេញពីមាត់រដ្ឋមន្ត្រីការពារជាតិអ៊ីស្រាអែលលោក Yoav Gallant ផ្ទាល់ ក្នុងអំឡុងពេលលោកបំពេញទស្សនកិច្ចទីក្រុងវ៉ាស៊ីនតោន កាលពីថ្ងៃពុធទី២៦ខែមិថុនា។
ទោះបីជាយ៉ាងណាក៏ដោយ ប្រមុខការពារជាតិរូបនេះ នៅតែទទូចថា រដ្ឋាភិបាលរបស់លោក ចង់មានដំណោះស្រាយការទូតនៅព្រំដែនអ៊ីស្រាអែល-លីបង់ ជាងការប្រើកម្លាំងបាយ។
ថ្លែងទៅកាន់អ្នកសារព័ត៌មាន លោក Gallant ក៏និយាយដែរថា ពីមួយថ្ងៃទៅមួយថ្ងៃ លោកតែងពិភាក្សាជាមួយមន្ត្រីជាន់ខ្ពស់អាមេរិកជានិច្ច អំពីសំណើអភិបាលកិច្ចតំបន់ហ្គាហ្សាក្រោយសង្គ្រាម ប៉ុន្តែអះអាងថា សំណើទាំងនោះគឺពោរពេញទៅដោយភាពស្មុគស្មាញ។ លោកបន្តថា “””យើងមិនចង់បានសង្រ្គាមទេ ប៉ុន្តែយើងកំពុងរៀបចំសម្រាប់គ្រប់សេណារីយ៉ូ។ ក្រុមហេសបូឡា ត្រូវយល់ឲ្យច្បាស់ថា យើងអាចបង្កការខូចខាតដ៏ធំនៅក្នុងប្រទេសលីបង់ ប្រសិនបើសង្រ្គាមចាប់ផ្តើម មែន”។
ភាពតានតឹងឆ្លងដែនរវាងអ៊ីស្រាអែលនិងក្រុមហេសបូឡា របស់ប្រទេសលីបង់ បាននិងកំពុងកើនឡើងខ្ពស់ ក្នុងរយៈពេលប៉ុន្មានសប្តាហ៍ថ្មីៗនេះ ជាហេតុបង្កភាពភ័យខ្លាចផ្ទុះសង្គ្រាមទ្រង់ទ្រាយធំ និងនាំតំបន់មជ្ឈិមបូព៌ា ខិតកាន់តែជិតទៅនឹងមាត់ជ្រោះមរណៈ។
ស្របពេលជាមួយគ្នានោះ បើយោងតាមតួលេខរបស់ AFP, ជាង៨ខែ នៃការបាញ់គ្នាឆ្លងដែនរវាងភាគីទាំងពីរ បានបណ្តាលឲ្យមនុស្សយ៉ាងតិច ៤៨១នាក់បាត់បង់ជីវិតនៅក្នុងប្រទេសលីបង់ ដែលភាគច្រើនគឺជាយុទ្ធជន ប៉ុន្តែក៏មានជនស៊ីវិលចំនួន៩៤នាក់ផងដែរ។
ដោយឡែក រដ្ឋាភិបាលអាល្លឺម៉ង់ កាលពីថ្ងៃពុធ បានជំរុញពលរដ្ឋរបស់ខ្លួន ត្រូវចាកចេញពីប្រទេសលីបង់ឲ្យបានឆាប់តាមដែលអាចធ្វើទៅបាន ដោយសារតែហានិភ័យនៃការផ្ទុះអំពើហិង្សារវាងអ៊ីស្រាអែលនិងក្រុមហេសបូឡា។
សូមបញ្ជាក់ជាថ្មី អ៊ីស្រាអែលនិងក្រុមហេសបូឡា បានប្រយុទ្ធគ្នារាល់ថ្ងៃ ចាប់តាំងពីការវាយប្រហាររបស់ក្រុមហាម៉ាស កាលពីថ្ងៃទី៧ខែតុលាឆ្នាំ២០២៣ ទៅលើភាគខាងត្បូងប្រទេសអ៊ីស្រាអែល ដែលជាហេតុបង្កឲ្យមានសង្រ្គាមនៅតំបន់ហ្គាហ្សាស្ទ្រីប៕
អត្ថបទ៖ សុខ សុវណ្ណ
ចុចអាន៖ អ៊ីស្រាអែល ត្រៀមប្រើសព្វាវុធពិសេសៗ វាយក្រុមហេសបូឡា ដើម្បីបញ្ចប់សង្គ្រាមឲ្យបានឆាប់
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ