ព័ត៌មានអន្ដរជាតិ
រុស្ស៊ី បង្ហាញកត្តា ២យ៉ាង ដែលខ្លួននឹងប្រកាសសង្គ្រាមជាមួយ លោកខាងលិច
តាមការចុះផ្សាយរបស់ RT អនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev បានបង្ហាញកត្តា២យ៉ាង ដែលរុស្ស៊ីអាចប្រកាសសង្គ្រាមជាមួយលោកខាងលិច នោះគឺបើសហរដ្ឋអាមេរិកនិងសម្ព័ន្ធមិត្តដាក់ទណ្ឌកម្ម និងកំណត់គោលដៅលើទ្រព្យសម្បត្តិរបស់រុស្ស៊ី។
![](https://www.kampucheathmey.com/wp-content/uploads/2024/06/image-1524.png)
ថ្លែងនៅឯវេទិកាច្បាប់អន្តរជាតិទីក្រុង St. Petersburg (SPILF) កាលពីថ្ងៃព្រហស្បតិ៍ទី២៧ខែមិថុនាឆ្នាំ២០២៤ អតីតប្រធានាធិបតីរុស្ស៊ីរូបនេះ ព្រមានថា កត្តាទាំង២យ៉ាងនេះ អាចចាត់ទុកថាជាសកម្មភាពឈ្លានពាននិងជាហេតុផលសម្រាប់ការប្រកាសសង្គ្រាម។
លោក Medvedev ប្រាប់កិច្ចប្រជុំ SPILF ថា “ការរឹបអូសទ្រព្យសម្បត្តិរដ្ឋ អាចជារឿងសមហេតុផលក្នុងកាលៈទេសៈជាក់លាក់ ដែលអាចចាត់ទុកជាទង្វើឈ្លានពាន ហើយថែមទាំងអាចចាត់ទុកថាជាមូលហេតុដើម្បីប្រកាសសង្គ្រាមបានទៀតផង។ គ្មានប្រទេសណាមួយមានសុវត្ថិភាពពីការរឹបអូសទ្រព្យសម្បត្តិរបស់ខ្លួនឡើយ។ ឧទាហរណ៍ អាហ្វហ្គានីស្ថាន វ៉េណេស៊ុយអេឡា និងអ៊ីរ៉ង់សុទ្ធតែត្រូវអាមេរិករឹបអូសយកមូលនិធិរបស់ពួកគេ មុនពេលលោកខាងលិចងាកមករុស្ស៊ី។
![](https://www.kampucheathmey.com/wp-content/uploads/2024/06/image-1523.png)
សូមបញ្ជាក់ថា សហរដ្ឋអាមេរិកនិងសហភាពអឺរ៉ុប បានបង្កកទ្រព្យសម្បត្តិអធិបតេយ្យរុស្ស៊ីប្រមាណ៣០០ពាន់លានដុល្លារក្នុងឆ្នាំ២០២២ ដោយចោទទីក្រុងមូស្គូថា ឈ្លានពានអ៊ុយក្រែន ហើយបច្ចុប្បន្ន EU ថែមទាំងយល់ព្រម ប្រគល់ប្រាក់នោះខ្លះយកទៅជួយអ៊ុយក្រែន ទៀតផង។
នេះមិនមែនជារឿងថ្មីឡើយដែលលោក Medvedev ព្រមានអំពីសង្គ្រាម, ជាក់ស្តែងកាលពីខែមុន លោកក៏គំរាម ផ្ទុះសង្គ្រាមលោកលើកទី៣ផងដែរ ប្រសិនបើសហរដ្ឋអាមេរិក ហ៊ានវាយប្រហារចំគោលដៅរុស្ស៊ីណាមួយនៅក្នុងប្រទេសអ៊ុយក្រែន។
![](https://www.kampucheathmey.com/wp-content/uploads/2024/06/image-1525-1024x576.png)
លោកព្រមានបែបនេះ ដើម្បីឆ្លើយតបទៅរដ្ឋមន្ត្រីការបរទេសប៉ូឡូញ Radoslaw Sikorski ដែលអះអាងថា ទីក្រុងវ៉ាស៊ីនតោននឹងវាយប្រហារគោលដៅទាំងនោះ ប្រសិនបើរុស្ស៊ី ប្រើអាវុធនុយក្លេអ៊ែរនៅអ៊ុយក្រែនមែន។
មិនត្រឹមប៉ុណ្ណឹង កាលពីឆ្នាំមុន អនុប្រធានក្រុមប្រឹក្សាសន្តិសុខរុស្ស៊ីរូបនេះក៏គំរាមដែរថា លោកខាងលិច កំពុងរុញពិភពលោកឲ្យខិតទៅជិតជម្លោះសកល ដែលមិនធ្លាប់ឃើញសោះ ចាប់តាំងពីសង្គ្រាមលោកលើកទី២មក ដោយសារការផ្គត់ផ្គង់អាវុធធុនធ្ងន់ដល់អ៊ុយក្រែន៕
អត្ថបទ៖ សុខ សុវណ្ណ
ចុចអាន៖ រុស្ស៊ី ប្រកាសបញ្ឆេះសង្គ្រាមលោក បើអាមេរិក វាយប្រហារគោលដៅរបស់ខ្លួន
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១៤ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ១ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ