ព័ត៌មានអន្ដរជាតិ
ប្រជាជនស៊ូដង់ ជាង៧៥ម៉ឺននាក់ កំពុងប្រឈមនឹងភាពអត់ឃ្លាន
តំបន់ចំនួន ១៤ នៅទូទាំងប្រទេសស៊ូដង់ កំពុងរងគ្រោះទុរ្ភិក្ស ប្រសិនបើជម្លោះរវាងបក្សពួកយោធាបន្តកើនឡើង ខណៈអង្គការឃ្លាំមើលភាពអត់ឃ្លានជាសកលបានឲ្យដឹងថា ប្រជាជនរាប់ម៉ឺននាក់កំពុងប្រឈមមុខនឹងភាពអត់ឃ្លាន ធ្ងន់ធ្ងរបំផុតមិនធ្លាប់មានក្នុងប្រទេសនេះ។ នេះបើយោងតាមការចេញផ្សាយរបស់សារពត៌មាន Al Jazeera កាលពីថ្ងៃទី២៨ ខែមិថុនាឆ្នាំ២០២៤។
យោងតាមរបាយការណ៍វាយតម្លៃរបស់អង្គការ IPC កាលពីថ្ងៃព្រហស្បតិ៍, បន្ទាប់ពីសង្គ្រាមជាងមួយឆ្នាំ មនុស្សប្រហែល ៧៥៥ ០០០ នាក់កំពុងប្រឈមមុខនឹងគ្រោះមហន្តរាយនៃភាពអត់ឃ្លានខ្លាំងបំផុត ខណៈ ៨.៥លាននាក់ ឬស្មើនឹង ១៨ ភាគរយនៃចំនួនប្រជាជនសរុប គឺត្រូវប្រឈមនឹងកង្វះខាតស្បៀងអាហារ ឈានដល់ស្លាប់។
សូមបញ្ជាក់ថា ជម្លោះនៅក្នុងប្រទេសស៊ូដង់បានចាប់ផ្តើមកាលពីខែមេសាឆ្នាំ២០២៣ រវាងកងកម្លាំងប្រដាប់អាវុធស៊ូដង់ (SAF) ក្រោមការដឹកនាំរបស់លោកAbdel Fattah al-Burhan និងកងកម្លាំងគាំទ្ររហ័ស (RSF) ដែលដឹកនាំដោយលោកMohamed Hamdan Dagalo។
ការប្រយុទ្ធគ្នាកាន់តែខ្លាំង បានរាំងស្ទះការផ្តល់ជំនួយចូលទៅកាន់កន្លែងដែលរងការគំរាមកំហែងគ្រោះទុរ្ភិក្សនៅក្នុងតំបន់ជាច្រើនរួមទាំងផ្នែកខ្លះនៃរដ្ឋ Darfur, Khartoum, Kordofan និង Gezira ផងដែរ។
ស្របពេលជាមួយគ្នានោះ បើយោងតាមទិន្នន័យពីអង្គការអន្តរជាតិសម្រាប់ការធ្វើចំណាកស្រុក (IOM) បានឲ្យដឹងថា មនុស្សជាង ១០ លាននាក់ត្រូវផ្លាស់ទីលំនៅក្នុងប្រទេសស៊ូដង់ ហើយមនុស្ស ៧.២៦ លាននាក់បានភៀសខ្លួនចេញពីផ្ទះរបស់ពួកគេ បូករួមនឹងបុគ្គលចំនួន ២.៨៣ លាននាក់ដែលផ្លាស់ទីលំនៅដោយជម្លោះពីមុន ពោលគឺឥឡូវនេះ មានជាងមួយភាគបួនហើយនៃប្រជាជន៤៨លាននាក់របស់ប្រទេសស៊ូដង់ ដែលត្រូនបង្ខំចិត្តភៀសខ្លួនចេញពីផ្ទះរបស់ពួកគេ៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា