ព័ត៌មានអន្ដរជាតិ
តឹងសរសៃ.ក ដាក់គ្នាមួយម៉ោងកន្លះ តើ ត្រាំ ឬ បៃដិន ជាអ្នកឈ្នះ?
សារព័ត៌មានធំៗលើពិភពលោកសុទ្ធតែអះអាងដូចៗគ្នាថា លោក ដូណាល់ ត្រាំ បានយកឈ្នះលើលោក ចូ បៃដិន ក្នុងការជជែកដេញដោលគ្នាយ៉ាងក្តៅគគុកលើកដំបូង កាលពីថ្ងៃព្រហស្បតិ៍ទី២៧ខែមិថុនាឆ្នាំ២០២៤។
![](https://www.kampucheathmey.com/wp-content/uploads/2024/06/image-1574-1024x682.png)
ភ្លាមៗក្រោយមនុស្សរាប់លាននាក់បានទស្សនាព្រឹត្តិការនេះ តាមរយៈបណ្តាញអ៊ីនធើណិតនិងទូរទស្សន៍, CNN ដែលជាអ្នកសម្របសម្រួលកម្មវិធី ក៏បានចេញការស្ទង់មតិដើម្បីរកអ្នកឈ្នះក្នុងការតទល់គ្នានេះ ដោយលទ្ធផលបង្ហាញថា ក្នុងចំណោមអ្នកបានទស្សនា មាន៦៧% គាំទ្រលោក ត្រាំ ចំណែកលោក បៃដិន ទទួលបានសំឡេងត្រឹម ៣៣%ប៉ុណ្ណោះ។ នេះបានន័យថា បេក្ខជនមកពីខាងគណបក្សសាធារណរដ្ឋ បានយកឈ្នះបេក្ខជនខាងគណបក្សប្រជាធិបតេយ្យ ដាច់ភឹងតែម្តង។
ក្នុងការជជែកដេញដោលរយៈពេល៩០នាទី ដែលត្រូវបានរៀបចំឡើងនៅទីក្រុង Atlanta ក្នុងរដ្ឋ Georgia នេះ លោក បៃដិន ហាក់ត្រូវធ្ងន់បន្តិចហើយ ដោយលោក ត្រាំ បាននិយាយវាយប្រហារផាងៗ ជាពិសេសពាក់ព័ន្ធរឿងទោសទណ្ឌរបស់កូនប្រុសប្រធានាធិបតី សង្គ្រាមអ៊ុយក្រែន និងបញ្ហាអាយុរបស់លោក បៃដិន តែម្តង។
![](https://www.kampucheathmey.com/wp-content/uploads/2024/06/image-1578-1024x576.png)
លោក ត្រាំ បានព្រមានកាត់ទោសលោក បៃដិន ពីបទល្មើសព្រហ្មទណ្ឌ ប្រសិនបើឈ្នះតំណែងសេតវិមាន ក្នុងការបោះឆ្នោតខែវិច្ឆិកាហើយ រិះគន់យ៉ាងចាស់ដៃទៅលើគោលនយោបាយសេដ្ឋកិច្ចនិងអន្តោប្រវេសន៍របស់លោក បៃដិន ក៏ដូចជាការឆ្លើយតបរបស់គាត់ចំពោះជម្លោះអ៊ុយក្រែន និងការដកទ័ពអាមេរិកចេញពីអាហ្វហ្គានីស្ថានផងដែរ។
តាមការបញ្ជាក់ពីលោក ត្រាំ, “ឥឡូវនេះ អាមេរិក លែងសូវមានគេគោរពច្រើនទៀតហើយ។ ពួកគេលែងគោរពការដឹកនាំរបស់យើងដូចមុនទៀតហើយ យើងបានក្លាយជាប្រទេសពិភពទី៣”។
![](https://www.kampucheathmey.com/wp-content/uploads/2024/06/image-1579-1024x576.png)
មិនត្រឹមប៉ុណ្ណឹង អតីតប្រធានាធិបតីអាមេរិករូបនេះ ថែមប្រកាសថា លោកនឹងទទួលស្គាល់លទ្ធផលឆ្នោត តែក្នុងលក្ខខណ្ឌដែលការបោះឆ្នោតនោះល្អ យុត្តិធម៌និងស្របច្បាប់ប៉ុណ្ណោះ។
តាមពិតទៅ លោក ត្រាំ មិនដែលទទួលស្គាល់បរាជ័យក្រោមដៃលោក បៃដិន ក្នុងឆ្នាំ២០២០ទេ ដោយលោកតែងប្រកាសថា ការបោះឆ្នោតនោះ ត្រូវបានគេលួចយកពីខ្លួនទៅ ហើយថែមទាំងប្តឹងដល់តុលាការទៀតផង ប៉ុន្តែមិនទទួលជោគជ័យឡើយ។
សូមបញ្ជាក់ថា ការបោះឆ្នោតជ្រើសរើសប្រធានាធិបតីអាមេរិក នឹងប្រព្រឹត្តទៅនៅថ្ងៃអង្គារទី៥ ខែវិច្ឆិកា ឆ្នាំ២០២៤ ខណៈការជជែកដេញដោលលើកក្រោយ នឹងប្រព្រឹត្តទៅនៅថ្ងៃទី១០ខែកញ្ញា ដោយមានការសម្របសម្រួលពីសំណាក់ទូរទស្សន៍ ABC៕
អត្ថបទ៖ សុខ សុវណ្ណ
ចុចអាន៖ ខ្លឹមសារសំខាន់ៗ នៃការជជែកដេញដោលគ្នាបែកផ្សែង ៩០នាទី រវាង ត្រាំនិងបៃដិន
-
សេដ្ឋកិច្ច១ សប្តាហ៍ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៦ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ១ សប្តាហ៍ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៥ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៤ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ១ សប្តាហ៍ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានជាតិ៧ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ