ព័ត៌មានអន្ដរជាតិ
ទីបំផុត ផ្សារបង្គាផ្ទុះកូវីដក្នុងខេត្ត សាមុត សាខន បានបើកឡើងវិញក្រោយបិទជាង២ខែ
ផ្សារបង្គាក្នុងខេត្ត សាមុត សាខន បានបើកដំណើរការវិញហើយនៅថ្ងៃចន្ទនេះ បន្ទាប់ពីត្រូវបានបិទចាប់តាំងពីថ្ងៃទី១៩ខែធ្នូមក នៅពេលរលកនៃជំងឺកូវីដ១៩ បានចាប់ផ្តើមផ្ទុះចេញពីទីនោះ។

ផ្សារនេះមានសភាពអ៊ូអរមុនពេលថ្ងៃរះ ដោយសម្បូរទៅដោយអ្នកទិញនិងពលករចំណាកស្រុក។
ពួកគេទាំងអស់ ត្រូវតែអនុវត្តឲ្យបានតឹងរ៉ឹងនូវវិធានការ ការពារការរីករាលដាលនៃវីរុស។

ឡានដឹកគ្រឿងសមុទ្រទៅកាន់ទីផ្សារ ហើយយានយន្តរបស់អ្នកលក់និងអ្នកទិញ ត្រូវតែឆ្លងកាត់ចំណុចត្រួតពិនិត្យ។ កម្តៅរបស់មនុស្ស ត្រូវបានវាស់ហើយពួកគេត្រូវតែបង្ហាញភស្តុតាងថា ពួកគេបានធ្វើតេស្តរកជំងឺកូវីដ១៩រួចហើយ។
ករណីលើកលែងគឺបុគ្គលិកទីផ្សារ។ រដ្ឋបាលទីផ្សារបានចេញលិខិតបញ្ជាក់ថា ពួកគេបានឆ្លងកាត់ការពិនិត្យសុខភាពរួចហើយ។

កម្មករចំណាកស្រុកទាំងអស់នៅតាមផែត្រីនិងបង្គា ត្រូវតែពាក់ម៉ាស់និងឧបករណ៍ការពារដូចជាស្រោមដៃ ស្បែកជើងកៅស៊ូនិងអៀមកៅស៊ូ ស្របតាមស្តង់ដារដែលកំណត់ដោយក្រសួងសុខាភិបាល។
អ្នកទិញឬអ្នកនេសាទ ដែលនាំបង្គានិងត្រីពីកសិដ្ឋានរបស់ពួកគេមកលក់នៅលើទីផ្សារ ម្នាក់ៗទទួលបានប័ណ្ណតម្រង់ជួរ ហើយត្រូវរង់ចាំនៅកន្លែងដែលមានកន្លែងអង្គុយជាជួរ ស្របនឹងគោលការណ៍គម្លាតសង្គម។

អាហារសមុទ្រ ត្រូវបានតម្រៀបដោយកម្មករនៅតាមទីតាំងដែលមានអនាម័យត្រឹមត្រូវ។
អាជីវករនិងម្ចាស់តូបត្រីនិងបង្គា សុទ្ធតែបានសម្តែងនូវក្តីរីករាយដែលនៅទីបំផុត ផ្សារនេះបានបើកដំណើរការឡើងវិញបន្ទាប់ពី បិទអស់រយៈពេលជាង១០សប្តាហ៍។

ពួកគេធានាថា ពួកគេនឹងអនុវត្តយ៉ាងតឹងរ៉ឹងនូវរាល់វិធានការប្រឆាំងជំងឺកូវីដ១៩ ហើយសង្ឃឹមថា សេដ្ឋកិច្ចរបស់ខេត្ត សាមុត សាខន នឹងងើបឡើងវិញក្នុងពេលឆាប់ៗនេះ៕
ប្រែសម្រួលដោយ៖ Vann Vann
ប្រភព៖ Bangkok Post

-
ព័ត៌មានអន្ដរជាតិ៦ ថ្ងៃ ago
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
សន្តិសុខសង្គម២១ ម៉ោង ago
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានជាតិ៦ ថ្ងៃ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម១ សប្តាហ៍ ago
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ជីវិតកម្សាន្ដ១ ថ្ងៃ ago
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម៤ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ជីវិតកម្សាន្ដ១១ ម៉ោង ago
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានជាតិ១ សប្តាហ៍ ago
ឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ