ព័ត៌មានអន្ដរជាតិ
មូលដ្ឋានទ័ពអាមេរិក នៅទូទាំងទ្វីបអឺរ៉ុប កំពុងប្រុងប្រយ័ត្នខ្ពស់
តាមការចុះផ្សាយរបស់ ABC News នៅថ្ងៃចន្ទទី១ខែកក្កដាឆ្នាំ២០២៤ មូលដ្ឋានយោធាអាមេរិកជាច្រើននៅទូទាំងទ្វីបអឺរ៉ុប ត្រូវបានដាក់ក្នុងស្ថានភាពប្រុងប្រយ័ត្នខ្ពស់កម្រិត២ ចំពេលមានក្តីព្រួយបារម្ភអំពីការវាយប្រហារភេរវកម្មលើបុគ្គលិក ឬគ្រឿងសឹកយោធាអាមេរិក។
![](https://www.kampucheathmey.com/wp-content/uploads/2024/07/image-1024x576.png)
មន្ត្រីអាមេរិកសុំមិនបញ្ចេញឈ្មោះបានបញ្ជាក់ថា មូលដ្ឋាននានា រួមទាំងយោធភូមិភាគកងទ័ពអាមេរិកនៅទីក្រុង Stuttgart នៃប្រទេសអាល្លឺម៉ង់ ដែលជាទីស្នាក់ការកណ្តាលអឺរ៉ុបរបស់សហរដ្ឋអាមេរិកផងនោះ គឺបានដាក់ការប្រកាសអាសន្នឡើងដល់កម្រិតខ្ពស់។
កម្រិតប្រកាសអាសន្នដែលគេឲ្យឈ្មោះថា “Charlie” គឺអនុវត្តនៅពេលមានឧបទ្ទវហេតុកើតឡើង ឬមន្ត្រីចារកម្មទទួលបានព័ត៌មាន ពាក់ព័ន្ធសកម្មភាពមិនស្រួលពីក្រុមភេរវករ ឬការកំណត់គោលដៅប្រឆាំងបុគ្គលិក ឬមធ្យោបាយនានារបស់ទីក្រុងវ៉ស៊ីនតោន។
ស្របពេលជាមួយគ្នានោះ មន្ត្រីដែលឈរជើងនៅមូលដ្ឋានអឺរ៉ុបបានប្រាប់ CNN ថា ពួកគេមិនធ្លាប់ឃើញកម្រិតគំរាមកំហែងបែបនេះ អស់រយៈពេលយ៉ាងហោចណាស់១០ឆ្នាំមកហើយ។
![](https://www.kampucheathmey.com/wp-content/uploads/2024/07/image-1.png)
នៅពេលសួរអំពីរឿងនេះ អ្នកនាំពាក្យទីបញ្ជាការអឺរ៉ុបរបស់អាមេរិក (USEUCOM) លោក Dan Day បានបដិសេធធ្វើអត្ថាធិប្បាយលើកម្លាំងជាក់លាក់ ប៉ុន្តែគាត់ប្រាប់ទៅ CNN ថា “USEUCOM កំពុងវាយតម្លៃជានិច្ចលើកត្តាជាច្រើនពាក់ព័ន្ធសុវត្ថិភាពរបស់សហគមន៍យោធាអាមេរិកនៅបរទេស។ ដូច្នេះហើយ ជារឿយៗ យើងតែងចាត់វិធានការបន្ថែម ដើម្បីធានាសុវត្ថិភាពកងទ័ពរបស់យើង។ យើងនៅតែមានការប្រុងប្រយ័ត្ន”។
ទោះបីជាយ៉ាងណាក៏ដោយ គេក៏មិនច្បាស់ដែរថា អាមេរិកទទួលបានព័ត៌មានចារកម្មអ្វីដែលនាំឲ្យពួកគេឈានដល់ការពង្រឹងសន្តិសុខខ្លាំងបែបនេះទេ ប៉ុន្តែអាជ្ញាធរអឺរ៉ុបបានព្រមានហើយព្រមានទៀត អំពីការគំរាមកំហែងភេរវកម្មក្នុងទ្វីបអឺរ៉ុប ជាពិសេសមុនព្រឹត្តិការណ៍កីឡាអូឡាំពិកទីក្រុងប៉ារីសក្នុងខែកក្កដា និងអំឡុងការប្រកួតបាល់ទាត់យូរ៉ូ នៅប្រទេសអាល្លឺម៉ង់តែម្តង៕
អត្ថបទ៖ សុខ សុវណ្ណ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ៣ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៥ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម៧ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៥ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា