ព័ត៌មានអន្ដរជាតិ
អ៊ីរ៉ង់ គំរាមធ្វើសង្គ្រាមរំលាយប្រទេសចោល ជាមួយ អ៊ីស្រាអែល
តាមសេចក្តីរាយការណ៍របស់ RT កាលពីថ្ងៃអាទិត្យទី៣០ខែមិថុនាឆ្នាំ២០២៤, បន្ទាប់ពីមានការបាញ់គ្នាឆ្លងដែនកាន់តែខ្លាំងឡើងរវាងកងកម្លាំងការពារអ៊ីស្រាអែល (IDF) ជាមួយក្រុមប្រដាប់អាវុធលីបង់ ហេសបូឡា, ប្រទេសអ៊ីរ៉ង់ បានចេញមុខព្រមានបែបខ្លាំងៗថា អ៊ីស្រាអែលនឹងត្រូវប្រឈមមុខជាមួយសង្រ្គាមដ៏មហន្តរាយបំផុតនិងរំលាយប្រទេសចោលតែម្តង ប្រសិនបើកម្លាំងរបស់ខ្លួនចូលឈ្លានពានលីបង់មែន។
ការព្រមាននេះកើតឡើង ក្រោយពេលនាយករដ្ឋមន្ត្រីអ៊ីស្រាអែលលោក Benjamin Netanyahu ប្រកាសកាលពីដើមខែមិថុនាថា ទីក្រុងហ្ស៊េរុយសាឡិម ត្រៀមខ្លួនរួចជាស្រេចសម្រាប់ប្រតិបត្តិការដ៏ខ្លាំងក្លា នៅតាមបណ្តោយព្រំដែនជាមួយប្រទេសលីបង់។
ជាការឆ្លើយតប បេសកកម្មអ៊ីរ៉ង់ប្រចាំអង្គការសហប្រជាជាតិ បានចាត់ទុកសម្តីរបស់លោក Netanyahu ថាជាសង្គ្រាមផ្លូវចិត្តនិងការឃោសនា ប៉ុន្តែបានព្រមានថា “សង្រ្គាមនឹងកើតឡើងមិនខានឡើយ ប្រសិនបើអ៊ីស្រាអែល បើកការវាយប្រហារពេញទំហឹងលើទឹកដីលីបង់ មែន”។
ជុំវិញការព្រមានអំពីរឿងសង្គ្រាមនេះដែរ រដ្ឋមន្ត្រីការពារជាតិអ៊ីស្រាអែលលោក Yoav Gallant កាលពីថ្ងៃពុធទី២៦ខែមិថុនា បានគំរាមថា ប្រសិនបើសង្គ្រាមជាមួយក្រុម ហេសបូឡា ផ្ទុះឡើងមែន អ៊ីស្រាអែលនឹងនាំប្រទេសលីបង់ ឲ្យវិលត្រឡប់ទៅសម័យយុគថ្មវិញ។ ទោះបីជាយ៉ាងណាក៏ដោយ ប្រមុខការពារជាតិរូបនេះ នៅតែទទូចថា រដ្ឋាភិបាលរបស់លោក ចង់មានដំណោះស្រាយការទូតនៅព្រំដែនអ៊ីស្រាអែល-លីបង់ ជាជាងការប្រើកម្លាំងបាយ។
ភាពតានតឹងឆ្លងដែនរវាងអ៊ីស្រាអែលនិងក្រុមហេសបូឡា បាននិងកំពុងកើនឡើងខ្ពស់ ក្នុងរយៈពេលប៉ុន្មានសប្តាហ៍ថ្មីៗនេះ ជាហេតុបង្កភាពភ័យខ្លាចផ្ទុះសង្គ្រាមទ្រង់ទ្រាយធំ និងនាំតំបន់មជ្ឈិមបូព៌ា ខិតកាន់តែជិតទៅនឹងមាត់ជ្រោះមរណៈ។
ស្របពេលជាមួយគ្នានោះ បើយោងតាមតួលេខរបស់ AFP, ជាង៨ខែ នៃការបាញ់គ្នាឆ្លងដែនរវាងភាគីទាំងពីរ បានបណ្តាលឲ្យមនុស្សយ៉ាងតិច ៤៨១នាក់បាត់បង់ជីវិតនៅក្នុងប្រទេសលីបង់ ដែលភាគច្រើនគឺជាយុទ្ធជន ប៉ុន្តែក៏មានជនស៊ីវិលចំនួន៩៤នាក់ផងដែរ។
សូមបញ្ជាក់ជាថ្មី អ៊ីស្រាអែលនិងក្រុមហេសបូឡា បានប្រយុទ្ធគ្នារាល់ថ្ងៃ ចាប់តាំងពីការវាយប្រហាររបស់ក្រុមហាម៉ាស កាលពីថ្ងៃទី៧ខែតុលាឆ្នាំ២០២៣ ទៅលើភាគខាងត្បូងប្រទេសអ៊ីស្រាអែល ដែលជាហេតុបង្កឲ្យមានសង្រ្គាមនៅតំបន់ហ្គាហ្សាស្ទ្រីប៕
អត្ថបទ៖ សុខ សុវណ្ណ
-
ព័ត៌មានជាតិ៦ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១៧ ម៉ោង ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៧ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ១ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ