ព័ត៌មានអន្ដរជាតិ

ឡាវ រៀបគម្រោងកែប្រែវៀងចន្ទន៍ ឲ្យក្លាយជារដ្ឋធានីមានកាបូនទាបបំផុត

បានផុស

៧ ម៉ោង មុន

នៅ

ថ្ងៃចន្ទ ១ កក្កដា ២០២៤

ដោយ

រដ្ឋាភិបាលឡាវ បានប្រកាសពីគម្រោងរៀបចំកែប្រែរដ្ឋធានីវៀងចន្ទន៍ ឲ្យក្លាយជាទីក្រុងមួយ ដែលមានការបញ្ចេញកាបូនទាប ព្រមទាំងធន់នឹងបម្រែបម្រួលអាកាសធាតុ។ នេះបើយោងតាមការប្រកាសរបស់ក្រសួងសាធារណការ និងដឹកជញ្ជូនឡាវ កាលពីចុងសប្ដាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលឡាវ បានបញ្ជាក់ថា គម្រោងនេះ ធ្វើឡើងដើម្បីត្រៀមដោះស្រាយបញ្ហាតម្រូវការនៃហេដ្ឋារចនាសម្ព័ន្ធដែលកំពុងកើនឡើង ចំពេលមានកំណើននគរូបនីយកម្មយ៉ាងឆាប់រហ័ស។ គម្រោងនេះទៀតសោត មានការគាំទ្រពីសាជីវកម្មហិរញ្ញវត្ថុអន្តរជាតិនៃធនាគារពិភពលោក ដើម្បីកាត់បន្ថយការបំភាយកាបូន ក៏ដូចជាទប់ស្កាត់បម្រែបម្រួលអាកាសធាតុនៅក្នុងប្រទេសឡាវ។

ក្រសួងសាធារណការ និងដឹកជញ្ជូនឡាវ បានឲ្យដឹងថា នៅក្នុងគម្រោងទីក្រុងដែលមានកាបូនទាប នឹងត្រូវអនុវត្តតាមវិធានការចំនួន៣០។ យ៉ាងណាមិញ វិធានការទាំងនោះមានអ្វីខ្លះ មិនទាន់ត្រូវបានបញ្ជាក់ឲ្យដឹងនៅឡើយទេ តែដឹងត្រឹមថា នៅពេលអនុវត្តគម្រោង វិធានការទាំងនោះនឹងជួយឲ្យវៀងចន្ទន៍កាត់បន្ថយឥន្ធនៈហ្វូលស៊ីលនៅតាមបណ្ដុំអគារបានចំនួន ១៦%, កាត់បន្ថយកាកសំណល់នៅលើដីគោកបាន ៣៧% និងពង្រឹងកម្រិតសន្តិសុខទឹកស្អាតបាន ៩%។

សូមបញ្ជាក់ថា ក្រៅតែពីគម្រោងខាងលើ រដ្ឋាភិបាលឡាវ ក៏រៀបគម្រោងកាត់បន្ថយការបំភាយឧស្ម័នផ្ទះកញ្ចក់ឲ្យអស់ទាំងស្រុងផងដែរ នៅត្រឹមឆ្នាំ២០៥០ខាងមុខ៕

ដោយ៖ ឈាង

Related Topics:ប្រទេសឡាវ