ព័ត៌មានអន្ដរជាតិ
របបសឹកមីយ៉ាន់ម៉ា ចាប់ខ្លួនមនុស្ស១១នាក់ ដែលបំប៉ោងតម្លៃអង្ករ
មនុស្សចំនួន១១នាក់នៅមីយ៉ាន់ម៉ា ត្រូវបានឃាត់ខ្លួន ពាក់ព័ន្ធនឹងការបំប៉ោងតម្លៃអង្ករ ខណៈរបបសឹកដែលក្ដោបអំណាចនៅក្នុងប្រទេសកំពុងជួបប្រទះនឹងបញ្ហាអស្ថិរភាពសេដ្ឋកិច្ច។ នេះបើយោងតាមការចុះផ្សាយរបស់សារព័ត៌មានមីយ៉ាន់ម៉ា Global New Light of Myanmar នៅថ្ងៃទី១ ខែកក្កដា ឆ្នាំ២០២៤។
មន្ត្រីមីយ៉ាន់ម៉ា បានឲ្យដឹងថា អ្នកទាំង១១នាក់ដែលត្រូវចាប់ខ្លួន មានដូចជា ពាណិជ្ជករ មន្ត្រី និងអ្នកលក់រាយ ដែលបានបង្កើនតម្លៃអង្ករចន្លោះពី ៣១% ដល់ ៧០% លើសពីតម្លៃដែលរដ្ឋបានកំណត់។ ក្នុងចំណោមជនដែលត្រូវចាប់ខ្លួននោះ មានម្នាក់ជាជនជាតិជប៉ុន ហើយក៏ជានាយកប្រតិបត្តិក្រុមហ៊ុនផ្សារទំនើប Aeon Orange ផងដែរ។ លោកមានឈ្មោះថា Hiroshi Kasamatsu។ លោក Hiroshi រួមទាំងជនជាតិមីយ៉ាន់ម៉ា៣នាក់ទៀត ដែលជានាយកប្រតិបត្តិផ្សារទំនើបផងដែរនោះ ត្រូវបានឃាត់ខ្លួន ព្រោះតែលក់អង្ករនៅតម្លៃខ្ពស់ជាងការកំណត់ ដែលទង្វើនេះត្រូវរបបសឹកមីយ៉ាន់ម៉ាចាត់ទុកថាជាការធ្វើឲ្យសេដ្ឋកិច្ចមានភាពច្របូកច្របល់។
បើតាមម្ចាស់រោងកិនស្រូវម្នាក់នៅមីយ៉ាន់ម៉ា បានឲ្យដឹងថា ជំនួញជាច្រើននៅក្នុងវិស័យលក់ដូរស្រូវអង្ករ កំពុងជួបប្រទះបញ្ហាធ្ងន់ធ្ងរ ដោយសារតែអត្រាប្ដូរប្រាក់បរទេស និងអត្រាប្ដូរប្រាក់នៅតាមទីផ្សារងងឹត មានភាពខុសគ្នាច្រើន។ ម្ចាស់រោងកិនស្រូវ ដែលសុំមិនបញ្ចេញឈ្មោះរូបនេះ បាននិយាយទៀតថា “វាជាការខាតបង់សម្រាប់ពួកយើងដែលត្រូវលក់អង្ករ ក្នុងអត្រាស្ដង់ដាដែលបានកម្រិតដោយរដ្ឋាភិបាល”។
សូមបញ្ជាក់ថា មីយ៉ាន់ម៉ា បានធ្លាក់ចូលទៅក្នុងភាពចលាចល ចាប់តាំងពីរដ្ឋប្រហារកាលពីខែកុម្ភៈ ឆ្នាំ២០២១មកម៉្លេះ ដែលបង្កជាការតវ៉ាប្រឆាំងទូទាំងប្រទេស ហើយបណ្ដាលឲ្យកើតមានជាជម្លោះប្រដាប់អាវុធថែមទៀតផង។ ភាពក្រីក្រនៅមីយ៉ាន់ម៉ា បានកើនឡើងខ្ពស់បំផុតជាងឆ្នាំណាណាទាំងអស់ ក្នុងរយៈពេល៦ឆ្នាំចុងក្រោយនេះ។
កាលពីខែមិថុនាកន្លងទៅ របបសឹកមីយ៉ាន់ម៉ា បានឃាត់ខ្លួនមនុស្សយ៉ាងហោចណាស់ ៣៥នាក់ ពាក់ព័ន្ធនឹងការជួញដូរមាស អត្រាប្ដូរប្រាក់ និងអចលនទ្រព្យ។ ការបង្ក្រាបនេះ ធ្វើឡើងដើម្បីស្ដារនូវស្ថិរភាពរូបិយប័ណ្ណក្នុងស្រុកដែលកំពុងមានភាពត្រដាបត្រដួសជាខ្លាំង៕
ដោយ៖ ឈាង
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ