អាមេរិកបង្ហាញចំនួនករណីឆ្លងវីរុសបំប្លែងខ្លួនប្រភេទថ្មីទាំងបី

សហរដ្ឋអាមេរិកបានរាយការណ៍ថាយ៉ាងហោចណាស់មានករណីឆ្លងវីរុសបំប្លែងខ្លួនប្រភេទថ្មីចំនួន ២,៤៦៣ ករណី បន្ទាប់ពីវីរុសនេះត្រូវបានគេរកឃើញដំបូងនៅចក្រភពអង់គ្លេស អាហ្វ្រិកខាងត្បូង និងប្រេស៊ីល ។ នេះបើយោងតាមមជ្ឈមណ្ឌលគ្រប់គ្រង និងបង្ការជំងឺសហរដ្ឋអាមេរិក (CDC) ។

CDC បានព្រមានថា តួលេខទាំងនេះមិនតំណាងឲ្យចំនួនករណីឆ្លងសរុបដែលបានសាយភាយទូទាំងប្រទេសនោះទេគ្រាន់តែជាករណីដែលត្រូវបានរកឃើញដោយការវិភាគសំណាកតេស្តវិជ្ជមានប៉ុណ្ណោះ ។

ករណីដែលត្រូវបានរកឃើញពីវីរុសបំប្លែងខ្លួនប្រភេទថ្មីទាំងនោះរួមមាន ៖

វីរុសអង់គ្លេស ៖ ភាគច្រើននៃករណីចំនួន ២,៤០០ ករណីគឺស្ថិតក្នុងវីរុសបំប្លែងខ្លួនថ្មីប្រភេទ B.1.1.7 ដែលត្រូវបានរកឃើញដំបូងនៅក្នុងចក្រភពអង់គ្លេស ។ វីរុសថ្មីនេះត្រូវបានគេរកឃើញនៅក្នុងរដ្ឋចំនួន ៤៤ រួមទាំងទីក្រុង Puerto Rico និងទីក្រុងវ៉ាស៊ីនតោនឌីស៊ី ហើយប្រហែលមួយភាគបួនគឺនៅរដ្ឋផ្លរីដា ។

វីរុសអាហ្វ្រិកខាងត្បួង ៖ មានករណីឆ្លងវីរុសដែលគេស្គាល់ថា B.1.351 ចំនួន ៥៣ ករណី ។ វីរុសដែលរកឃើញដំបូងនៅអាហ្វ្រិកខាងត្បូងត្រូវបានគេរាយការណ៍ថាកើតមានឡើងនៅក្នុងរដ្ឋចំនួន ១៥ និងទីក្រុងវ៉ាស៊ីនតោនឌីស៊ី ។

វីរុសប្រេស៊ីល ៖ ករណីឆ្លងចំនួន ១០ ករណីនៃវីរុសដែលមានឈ្មោះថា P.1 របស់ប្រទេសប្រេស៊ីលត្រូវបានរកឃើញនៅក្នុងរដ្ឋចំនួន ៥ របស់សហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ CNN

ចុចអាន ៖ លោក Biden ព្រមានអ៊ីរ៉ង់ប្រយ័ត្នប្រយែងខ្លួន ក្រោយការវាយប្រហារលើកងកម្លាំងនៅស៊ីរី

ចុចអាន ៖ រដ្ឋបាលលោក Biden នឹងយកប្រាក់ពីអ្នកកាសែតសេតវិមាន ១៧០ដុល្លារសម្រាប់ការធ្វើតេស្តកូវីដមួយលើក