ព័ត៌មានអន្ដរជាតិ
រុស្ស៊ី ប្តេជ្ញាកម្ទេចរាល់អាវុធ ដែលលោកខាងលិច បញ្ជូនទៅ អ៊ុយក្រែន
ថ្លែងក្នុងសន្និសីទសារព័ត៌មាននៅថ្ងៃអង្គារទី២ខែកក្កដា តំណាងអចិន្ត្រៃយ៍របស់រុស្ស៊ីប្រចាំអង្គការសហប្រជាជាតិ លោក Vasily Nebenzia បានប្តេជ្ញាថា រុស្ស៊ី នឹងកម្ទេចរាល់អាវុធដែលលោកខាងលិចបញ្ជូនទៅឲ្យអ៊ុយក្រែន។ នេះបើតាមការចុះផ្សាយរបស់គេហទំព័រ Anadolu។
![](https://www.kampucheathmey.com/wp-content/uploads/2024/07/image-75.png)
នៅពេលសួរអំពីរបាយការណ៍នៃកិច្ចពិភាក្សារបស់រដ្ឋបាលអាមេរិក ស្តីពីការបញ្ជូនមីស៊ីល Patriot ចាស់ៗទៅឲ្យអ៊ុយក្រែន, អ្នកការទូតវ័យ៦២ឆ្នាំរូបនេះនិយាយថា “យើងមិនលើកទឹកចិត្តប្រទេសទាំងអស់ ឲ្យផ្ដល់អាវុធទៅអ៊ុយក្រែនទេ។ អ្នកនឹងឃើញជោគវាសនាអាវុធទាំងនោះ វានឹងត្រូវកម្ទេចដូចអាវុធផ្សេងៗដែលលោកខាងលិចនិងអាមេរិក ផ្តល់ឲ្យអ៊ុយក្រែនដែរ”។
ជុំវិញបញ្ហាសង្គ្រាមអ៊ុយក្រែននេះដែរ លោក Nebenzia បានច្រានចោលការអួតអាងរបស់លោក ដូណាល់ ត្រាំ ដែលថា សង្គ្រាមរុស្ស៊ី-អ៊ុយក្រែន នឹងដោះស្រាយចប់ត្រឹមមួយថ្ងៃប៉ុណ្ណោះ បើលោកជាប់ឆ្នោតជាប្រធានាធិបតិអាមេរិក។
![](https://www.kampucheathmey.com/wp-content/uploads/2024/07/image-76.png)
លោកបញ្ជាក់ថា បញ្ហានេះប្រើពេលមួយថ្ងៃដោះស្រាយមិនបានទេ។ ប្រធានាធិបតីរុស្ស៊ី វ្ល៉ាឌីមៀរ ពូទីន បានដាក់ចេញដំណោះស្រាយកាលពីថ្ងៃទី១៤ខែមិថុនារួចហើយ ហើយតាមពិតទៅ ជាក់ស្តែង គឺអាស្រ័យលើស្ថានភាពនៅសមរភូមិជួរមុខប៉ុណ្ណោះ។
កាលពី២សប្តាហ៍មុន លោក ពូទីន ក៏បានបញ្ជាក់យ៉ាងច្បាស់ដែរថា លក្ខខណ្ឌតែមួយគត់ ដែលអាចឲ្យបទឈប់បាញ់នៅអ៊ុយក្រែន លេចចេញជារូបរាងបាននោះគឺ ទីក្រុង កៀវ ត្រូវតែដកទ័ពចេញពីទឹកដីដែលរុស្ស៊ីកាត់យក ជាមុនសិន។
![](https://www.kampucheathmey.com/wp-content/uploads/2024/07/image-77-1024x576.png)
លោក ពូទីន សង្កត់ធ្ងន់ថា បទឈប់បាញ់អាចកើតឡើងទៅបាន លុះត្រាតែរដ្ឋាភិបាលអ៊ុយក្រែន ដកកងកម្លាំងចេញពីតំបន់ទាំង៤ដែលរុស្ស៊ីកាត់យកដូចជា Donetsk, Luhansk, Kherson និង Zaporizhzhia ជាមុនសិន ហើយពេលណាទីក្រុងកៀវសម្រេចចិត្តធ្វើតាមហើយនោះ បទឈប់បាញ់នឹងកើតឡើងមួយរំពេចតែម្តង។
សូមបញ្ជាក់ថា ជាមួយនឹងសេចក្តីប្រកាសបើកប្រតិបត្តិការយោធាប្រឆាំងរដ្ឋាភិបាលទីក្រុងកៀវ ក្នុងខែកុម្ភៈឆ្នាំ ២០២២, លោក ពូទីន បញ្ជាក់ថា ទីក្រុងមូស្គូមានគោលបំណងចង់ឲ្យអ៊ុយក្រែនធ្វើវិយោធកម្ម និងការធានាថា ទីក្រុងកៀវ នឹងមិនចូលរួមជាមួយណាតូ ឬប្លុកយោធាប្រឆាំងរុស្ស៊ីណាមួយឡើយ៕
អត្ថបទ៖ សុខ សុវណ្ណ
ចុចអាន៖ ពូទីន ដាក់លក្ខខណ្ឌតែមួយគត់ បើអ៊ុយក្រែន ធ្វើបាន បទឈប់បាញ់នឹងកើតឡើងភ្លាម
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?