ព័ត៌មានអន្ដរជាតិ

ដឹងប្រាក់ខែមេប៉ូលិសវៀតណាម ទទួលបានប៉ុន្មានអត់?

បានផុស

៣១ នាទី មុន

នៅ

ថ្ងៃអង្គារ ២ កក្កដា ២០២៤

ដោយ

ចាប់ពីថ្ងៃទី១ ខែកក្កដា ឆ្នាំ២០២៤ ប្រាក់ខែគោលនៃមន្ត្រីរដ្ឋាភិបាលវៀតណាម ត្រូវបានដំឡើងចំនួន ៣០% ដែលជាមធ្យមស្មើនឹងប្រមាណជា ៩២ដុល្លារ។ ក្នុងនោះ ប្រាក់ខែកងកម្លាំងប៉ូលិស ដែលខ្ពស់ជាងគេ ទទួលបានចំនួនប្រហែល ៩៥៥ដុល្លារ សម្រាប់មុខងារជានាយឧត្ដមសេនីយ៍ (ផ្កាយ៤) ដោយមិនរាប់បញ្ចូលប្រាក់ឧបត្ថម្ភផ្សេងៗនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយរបស់សារព័ត៌មាន VN Express នៅថ្ងៃទី២ ខែកក្កដា ប្រាក់ខែទាបបំផុតសម្រាប់កងកម្លាំងប៉ូលិសវៀតណាម គឺទទួលបានជិត ៣០០ដុល្លារ ចំពោះតំណែងជាពលបាល។ ចំណែកឯតំណែងជាឧត្ដមសេនីយ៍ឯក (ផ្កាយ៣) ទទួលបានចន្លោះពី ៨៤៤ដុល្លារ ដល់ ៩០០ដុល្លារ និងមុខងារជាឧត្ដមសេនីយ៍ទោ (ផ្កាយ២) ទទួលបានប្រហែល ៧៩០ដុល្លារ។

បន្ថែមពីលើប្រាក់បៀវត្សរ៍ប្រចាំខែ កម្លាំងប៉ូលិសវៀតណាម ក៏នឹងទទួលបានប្រាក់បំណាច់អតីតភាពការងារ ដោយផ្អែកតាមកម្រិតបៀវត្សរ៍បច្ចុប្បន្ន និងរយៈពេលចូលបម្រើការងារ ព្រមទាំងប្រាក់ឧបត្ថម្ភកាតព្វកិច្ច និងប្រាក់ឧបត្ថម្ភមុខតំណែង ជាដើម។

សូមបញ្ជាក់ថា បើតាមច្បាប់ស្តីពីកងកម្លាំងសន្តិសុខសាធារណៈរបស់ប្រជាជនវៀតណាម ក្នុងជួរប៉ូលិស តម្រូវឲ្យមាននាយឧត្ដមសេនីយ៍ចំនួនម្នាក់ ឧត្ដមសេនីយ៍ឯកចំនួន៧នាក់ និងឧត្ដមសេនីយ៍ទោ មិនឲ្យលើសពី ១៦២នាក់៕

ដោយ៖ ឈាង

Related Topics:ប្រទេសវៀតណាម