ព័ត៌មានអន្ដរជាតិ
អ្នកដំណើរព្រលឹងចុងសក់! យន្តហោះមួយគ្រឿងទៀតហើយ ញ័ររលាក់ របួសមនុស្ស ៣០នាក់
មួយរយៈចុងក្រោយនេះ គេមើលឃើញថា វិស័យអាកាសចរណ៍អន្តរជាតិបានជួបប្រទះបញ្ហាញឹកញាប់មែនទែន ជាពិសេសទាក់ទងនឹងយន្តហោះញ័ររលាក់ពេលកំពុងហោះលើអាកាសតែម្តង។ ជាក់ស្តែង បើតាមការចុះផ្សាយរបស់ CNN កាលពីថ្ងៃចន្ទទី១ខែកក្កដាឆ្នាំ២០២៤, Boeing 787-9 Dreamliner បានក្លាយជាយន្តហោះចុងក្រោយបង្អស់ ដែលជួបបញ្ហានេះ ខណៈហោះចេញពីទីក្រុងម៉ាឌ្រីដនៃប្រទេសអេស្ប៉ាញ ឆ្ពោះទៅកាន់ប្រទេស អ៊ុយរូហ្គាយ។
![](https://www.kampucheathmey.com/wp-content/uploads/2024/07/image-119.png)
ក្រុមហ៊ុនអាកាសចរណ៍អេស្ប៉ាញ Air Europa ដែលជាម្ចាស់យន្តហោះខាងលើ បានចេញសេចក្តីថ្លែងការណ៍ថា “ជើងហោះហើរ UX045 ផ្ទុកអ្នកដំណើរ៣៣៩នាក់ ដែលឆ្ពោះដំណើរទៅកាន់ទីក្រុង ម៉ុងតេវីដេអូ ត្រូវបង្វែរការហោះហើរទៅចុះចតជាបន្ទាន់នៅអាកាសយានដ្ឋាន Natal ក្នុងប្រទេសប្រេស៊ីលវិញ ដោយសារតែយន្តហោះជួបបញ្ហារលាក់ខ្លាំង បណ្តាលឲ្យអ្នកដំណើរ៣០នាក់ រងរបួស”។
អ្នកដំណើរម្នាក់ឈ្មោះ Stevan បានប្រាប់ CNN ថា “អ្នកដំណើរព្រលឹងចុងសក់អស់ហើយ ព្រោះយន្តហោះដាំក្បាលចុះ! អ្នកខ្លះបាក់ឆ្អឹង ខ្លះរបួសដៃ ខ្លះរបួសជើង និងខ្លះរបួសមុខ។ មានមនុស្សប្រហែល៣០នាក់រងរបួស យើងគិតថាយើងប្រហែលជាមិនរស់ទេ ប៉ុន្តែអរគុណព្រះ ដែលរឿងអាក្រក់មិនកើតឡើង”។
![](https://www.kampucheathmey.com/wp-content/uploads/2024/07/image-121-1024x496.png)
សូមបញ្ជាក់ ឧបទ្ទវហេតុនេះកើតឡើងមួយសប្តាហ៍ បន្ទាប់ពីមានបុគ្គលម្នាក់ ចេញមុខទម្លាយរឿងសម្ងាត់ថា យន្តហោះ 787 Dreamliner ជាច្រើនគ្រឿង ត្រូវបានផលិតឡើងដោយគ្មានការត្រួតពិនិត្យសុវត្ថិភាពត្រឹមត្រូវ អាចប្រឈមមុខនឹងហានិភ័យគ្រោះមហន្តរាយធំធេង។
ទោះបីជាយ៉ាងណាក៏ដោយ ក្រុមហ៊ុន Boeing បានចេញមុខបដិសេធ ថា ទាំងនេះគឺជាការចោទប្រកាន់ខុសទំនង និងគ្មានមូលដ្ឋានច្បាស់លាស់ទាល់តែសោះ៕
អត្ថបទ៖ សុខ សុវណ្ណ
ចុចអាន៖ យន្តហោះដឹកអ្នកដំណើរមួយគ្រឿងទៀតហើយ ជួបបញ្ហា លើកនេះភ្លើងឆេះម៉ាស៊ីន
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៧ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា