ព័ត៌មានអន្ដរជាតិ
លោក បៃដិន ទម្លាយមូលហេតុ និយាយចាញ់លោក ត្រាំ
លោក ចូ បៃដិន បានបញ្ជាក់ច្បាស់ថា មូលហេតុដែលគាត់ត្រូវចាញ់ក្រោមថ្វីមាត់លោក ដូណាល់ ត្រាំ ក្នុងការជជែកដេញដោលគ្នាលើកដំបូង កាលពីសប្តាហ៍មុន គឺដោយសារតែគាត់ធ្វើដំណើរចេញក្រៅប្រទេសញឹកញាប់ពេក នាំឲ្យខ្លួនឯងហត់នឿយខ្លាំង។
![](https://www.kampucheathmey.com/wp-content/uploads/2024/07/image-152-1024x683.png)
ប្រធានាធិបតីសហរដ្ឋអាមេរិករូបនេះ បានប្រាប់ម្ចាស់ជំនួយនៅឯកម្មវិធីរៃអង្គាសប្រាក់ក្នុងរដ្ឋ Virginia កាលពីថ្ងៃអង្គារទី២ខែកក្កដាឆ្នាំ២០២៤ថា “ត្រូវហើយ! ខ្ញុំមិនឆ្លាតទេ ដែលសម្រេចចិត្តធ្វើដំណើរចេញទៅក្រៅប្រទេសច្រើនលើកច្រើនសា មុនការជជែកដេញដោលគ្នានោះ។ នេះជាការពន្យល់ពីមូលហេតុ មិនមែនជាលេសឡើយ”។
ស្របពេលជាមួយគ្នានោះ មេដឹកនាំប្រទេសមហាអំណាចវ័យ៨១ឆ្នាំរូបនេះ ក៏បានសុំទោសចំពោះម្ចាស់ឧបត្ថម្ភកម្មវិធីជជែកដេញដោលនោះដែរ ប៉ុន្តែគាត់បានសង្កត់អំពីសារៈសំខាន់ ក្នុងការឈ្នះឆ្នោតនាពេលខាងមុខ។
![](https://www.kampucheathmey.com/wp-content/uploads/2024/07/image-150.png)
តាមកម្មវិធី លោក បៃដិន បានធ្វើដំណើរទៅប្រទេសបារាំងនៅថ្ងៃទី៦ខែមិថុនា ដើម្បីចូលរួមពិធីរំលឹកខួបនៃប្រតិបត្តិការឡើងគោករបស់សម្ព័ន្ធមិត្តនៅ Normandy ក្នុងខែមិថុនាឆ្នាំ១៩៤៤ហើយបន្ទាប់មក ក៏ទៅប្រទេសអ៊ីតាលីទៀត ដើម្បីចូលរួមកិច្ចប្រជុំកំពូល G7 នៅថ្ងៃទី១៤ខែមិថុនា។
ក្រោយត្រលប់មកប្រទេសវិញ លោក បៃដិន បានបន្តទៅ Camp David នៅថ្ងៃទី២០ខែមិថុនា ដើម្បីត្រៀមខ្លួនរយៈពេលមួយសប្តាហ៍សម្រាប់ការជជែកដេញដោល ហើយក៏ចាកចេញទៅទីក្រុង Atlanta នៃរដ្ឋ Georgia ដើម្បីចូលរួមព្រឹត្តិការណ៍ជាមួយគូប្រជែងគឺលោក ដូណាល់ ត្រាំ តែម្តង។
![](https://www.kampucheathmey.com/wp-content/uploads/2024/07/image-151-1024x576.png)
សូមបញ្ជាក់ជាថ្មី លោក ត្រាំ ធ្វើឲ្យលោក បៃដិន បាក់មុខក្នុងការជជែកដេញដោលគ្នាយ៉ាងបែកផ្សែងរយៈពេល៩០នាទី ដែលមានការសម្របសម្រួលដោយ CNN។
ក្រោយធ្វើមិនបានល្អ អ្នកគាំទ្រគណបក្សប្រជាធិបតេយ្យមួយចំនួន បានជំរុញឲ្យដកឈ្មោះលោកបៃដិនចេញ ប្តូរវិញជាមួយបេក្ខជនថ្មីដែលក្មេងជាងនេះ ដើម្បីទៅប្រជែងជាមួយ អ្នកខាងគណបក្សសាធារណរដ្ឋក្នុងការបោះឆ្នោតនៅខែវិច្ឆិកា ព្រោះមើលឃើញថា លោក បៃដិន មានឱកាសឈ្នះលោក ត្រាំ តិចតួចណាស់។
![](https://www.kampucheathmey.com/wp-content/uploads/2024/07/image-153.png)
កុំថាឡើយអ្នកគាំទ្រ សូម្បីប្រព័ន្ធផ្សព្វផ្សាយធំៗមួយចំនួន ក៏បានចុះផ្សាយព័ត៌មាននិយាយអំពីអនាគតរបស់លោក បៃដិន ផងដែរ ដោយពួកគេជឿថា បើប្រធានាធិបតីរូបនេះ មិនមានអ្វីដែលទាក់ទាញនិងថ្មី ដើម្បីវាយបកទៅលោក ត្រាំ ឬអ្វីដែលពិសេសជាងនេះ ក្នុងការជជែកដេញដោលគ្នាលើកទីពីរទេនោះ គណបក្សប្រជាធិបតេយ្យ ប្រហែលបាត់តំណែងសេតវិមាន ទៅដៃគណបក្សសាធារណរដ្ឋហើយ។
ការបោះឆ្នោតជ្រើសរើសប្រធានាធិបតីអាមេរិក នឹងប្រព្រឹត្តទៅនៅថ្ងៃទី៥ ខែវិច្ឆិកា ឆ្នាំ២០២៤ ខណៈការជជែកដេញដោលលើកក្រោយ នឹងប្រព្រឹត្តទៅនៅថ្ងៃទី១០ខែកញ្ញា ដោយមានការសម្របសម្រួលពីសំណាក់ទូរទស្សន៍ ABC៕
អត្ថបទ៖ សុខ សុវណ្ណ
ចុចអាន៖ លោក បៃដិន ព្រមានថា ត្រាំ ជាមនុស្សគ្រោះថ្នាក់ មិនអាចឲ្យកាន់តំណែងអាណត្តិទី២បានឡើយ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៧ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះផ្ទះពលរដ្ឋនៅខណ្ឌទួលគោក
-
ព័ត៌មានជាតិ៧ ថ្ងៃ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់