ព័ត៌មានអន្ដរជាតិ
របបសឹកមីយ៉ាន់ម៉ា ចាប់ថៅកែ១០នាក់ដាក់គុក ព្រោះដំឡើងប្រាក់ខែឲ្យបុគ្គលិក
របបសឹកនៅមីយ៉ាន់ម៉ា បានចាប់ខ្លួនមនុស្សយ៉ាងហោចណាស់ចំនួន ១០នាក់ ពាក់ព័ន្ធនឹងការដំឡើងប្រាក់ខែឲ្យបុគ្គលិក កាលពីពេលថ្មីៗកន្លងទៅ។ ករណីចុងក្រោយបំផុត ដែលទើបកើតឡើងនៅដើមខែកក្កដានេះ គឺការឃាត់ខ្លួនបុរសម្នាក់ឈ្មោះ Pyae Phyo Zaw បន្ទាប់ពីថៅកែហាងទូរសព្ទរូបនេះ បានប្រកាសដំឡើងប្រាក់ខែឲ្យបុគ្គលិកខ្លួន នៅលើបណ្ដាញសង្គម។
យោងតាមការចុះផ្សាយរបស់សារព័ត៌មាន The New York Times កាលពីថ្ងៃទី១ ខែកក្កដា ឆ្នាំ២០២៤ លោក Pyae Phyo Zaw ជាម្ចាស់ហាងទូរសព្ទចំនួន៣កន្លែង នៅទីក្រុង Mandalay ដែលបានបង្ហោះសារលើហ្វេសប៊ុកជូនដំណឹងល្អពីការដំឡើងប្រាក់ខែដល់បុគ្គលិក។ ផ្ទុយពីការសារទរ របបសឹកមីយ៉ាន់ម៉ាបែរជាបញ្ជាឲ្យចាប់ខ្លួនលោក Pyae ហើយថែមទាំងបិទហាងទូរសព្ទទាំងអស់របស់លោកទៀតផង។ របបសឹកមីយ៉ាន់ម៉ា បានចោទប្រកាន់លោក Pyae ពីបទញុះញង់ឲ្យមានចលាចល។
នៅខាងក្រៅហាងទូរសព្ទរបស់លោក Pyae ត្រូវទាហានបិទស្លាកមួយ សរសេរថា មូលហេតុនៃការបិទព្រោះរំខានដល់ “សន្តិភាព និងសណ្ដាប់ធ្នាប់សង្គម”។
លោក Pyae គឺជាបុគ្គលម្នាក់ក្នុងចំណោមមនុស្សយ៉ាងហោចណាស់១០នាក់ ដែលត្រូវបានចាប់ខ្លួននៅក្នុងប្រទេសមីយ៉ាន់ម៉ា ពាក់ព័ន្ធនឹងការដំឡើងប្រាក់ខែឲ្យបុគ្គលិក។ ការដំឡើងប្រាក់ខែ មិនខុសច្បាប់នោះទេ ប៉ុន្តែពួកគេត្រូវបានចោទប្រកាន់ពីបទបំផ្លាញរបបគ្រប់គ្រងយោធា ដែលធ្វើឲ្យប្រជាពលរដ្ឋជឿជាក់ថា អតិផរណាកំពុងកើនឡើងពិតមែន។ ទោសដែលអ្នកជំនួញទាំង១០រូបប្រឈម គឺអាចជាប់ពន្ធនាគាររយៈពេល៣ឆ្នាំ។
សូមបញ្ជាក់ថា មីយ៉ាន់ម៉ា បានធ្លាក់ចូលទៅក្នុងភាពចលាចល ចាប់តាំងពីរដ្ឋប្រហារកាលពីខែកុម្ភៈ ឆ្នាំ២០២១មកម៉្លេះ ដែលបង្កជាការតវ៉ាប្រឆាំងទូទាំងប្រទេស ហើយបណ្ដាលឲ្យកើតមានជាជម្លោះប្រដាប់អាវុធថែមទៀតផង។ ភាពក្រីក្រនៅមីយ៉ាន់ម៉ា បានកើនឡើងខ្ពស់បំផុតជាងឆ្នាំណាណាទាំងអស់ ក្នុងរយៈពេល៦ឆ្នាំចុងក្រោយនេះ៕
ដោយ៖ ឈាង
របបសឹកមីយ៉ាន់ម៉ា ចាប់ថៅកែ១០នាក់ដាក់គុក ព្រោះដំឡើងប្រាក់ខែឲ្យបុគ្គលិក
ក្រសួងការងារ ដំណើរការ App ២ ផ្តោតលើកម្មវិធីបណ្តុះបណ្តាលបច្ចេកទេស និងវិជ្ជាជីវៈ ដល់គ្រួសារក្រីក្រ
ប្រធានគណៈកម្មការផ្សារអូរឬស្សី នឹងចាត់វិធានការលើភ្នាក់ងារភាស៊ីរូបណាទារលុយផ្ញើកង់ម៉ូតូលើសសៀវភៅបន្ទុក
កម្ពុជាជំរុញចរចារបើកទីផ្សារ នាំចេញទុរេនទៅប្រទេសចិននៅឆ្នាំនេះ
ខេត្តបាត់ដំបងរៀបចំធ្វើសួនច្បារថ្មី រក្សាទុកខ្លោងទ្វារចាស់កណ្ដាលទ្រូងផ្លូវ ដោយសារជឿមានបារមី
រថយន្តដឹកទំនិញមួយគ្រឿងបើកខ្វះការប្រុងប្រយ័ត្ន បុកអ្នកលក់ទឹកបាក់ជើង
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
ព្យុះភ្លៀងវាយប្រហារខេត្តភាគខាងកើតប្រទេសចិន បង្ខំឲ្យជម្លៀសមនុស្សជាង ១៩ម៉ឺននាក់
អ្នកដំណើរព្រលឹងចុងសក់! យន្តហោះមួយគ្រឿងទៀតហើយ ញ័ររលាក់ របួសមនុស្ស ៣០នាក់
ក្រុមហ៊ុនកាណាដាមួយ ចង់វិនិយោគនៅកម្ពុជា លើវិស័យឧស្ម័ន និងប្រេង មជ្ឈមណ្ឌលវាយតម្លៃទទួលស្គាល់សម្រាប់ការនាំចេញ
-
ព័ត៌មានជាតិ២ ថ្ងៃ agoរថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១ សប្តាហ៍ agoព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
សន្តិសុខសង្គម១ សប្តាហ៍ agoនគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ agoចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ agoស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
ព័ត៌មានជាតិ១ សប្តាហ៍ agoបញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ agoក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ agoសម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា