ព័ត៌មានអន្ដរជាតិ
ជើងហោះហើរជាង១០០ ដឹកអ្នកដំណើរ ១ម៉ឺននាក់ ត្រូវជាប់គាំង ដោយសារប៉េងប៉ោងកូរ៉េខាងជើង
តាមការបញ្ជាក់ពីសមាជិកសភាកូរ៉េខាងត្បូងនៅថ្ងៃពុធទី៣ខែកក្កដាឆ្នាំ២០២៤, ប៉េងប៉ោងផ្ទុកសំរាម ដែលកូរ៉េខាងជើងបង្ហោះឆ្លងដែន បានរំខានដល់ជើងហោះហើរជាង១០០ ដឹកអ្នកដំណើរប្រមាណ ១០ ០០០នាក់។
![](https://www.kampucheathmey.com/wp-content/uploads/2024/07/image-206-1024x683.png)
សារព័ត៌មាន South China Morning Post រាយការណ៍ថា ទីក្រុងព្យុងយ៉ាង បានបង្ហោះប៉េងប៉ោងជាង១ ០០០ផ្ទុកជាមួយសំរាម ឆ្លងដែនចូលប្រទេសកូរ៉េខាងត្បូង ដើម្បីជាការសងសឹកចំពោះសកម្មជនកូរ៉េខាងត្បូង ដែលធ្វើទង្វើស្រដៀងគ្នានេះ ដើម្បីឃោសនាប្រឆាំងលោក គីម ជុងអ៊ុន។
ដោយដកស្រង់ទិន្នន័យថ្មីពីក្រសួងដឹកជញ្ជូន សមាជិកសភា Jeong Jun-ho បានឲ្យដឹងថា ប៉េងប៉ោងរបស់កូរ៉េខាងជើង បានបង្ខំឲ្យផ្អាកជើងហោះហើរចូលនិងចេញអាកាសយានដ្ឋាន Incheon របស់ប្រទេសកូរ៉េខាងត្បូង រយៈពេល៣ម៉ោង កាលពីថ្ងៃទី២៦ខែមិថុនា ហើយការបង្ហោះប៉េងប៉ោងច្រើនដងក្នុងរយៈពេលមួយខែកន្លងមកនេះបានតម្រូវឲ្យជើងហោះហើរផ្សេងទៀត ត្រូវពន្យារពេលហោះហើរ ឬចុះចត ថែមទាំងបង្វែរទិសដៅហោះទៀតផង។
![](https://www.kampucheathmey.com/wp-content/uploads/2024/07/image-207-1024x682.png)
សមាជិកសភាដដែលបន្តថា យន្តហោះពាណិជ្ជកម្មចំនួន១១៥គ្រឿង ត្រូវរំខានដោយការបង្ហោះប៉េងប៉ោង ដែលចាប់ផ្តើមនៅចុងខែឧសភា ធ្វើឲ្យប៉ះពាល់ដល់អ្នកដំណើរជាង ១០ ០០០នាក់។
ស្របពេលជាមួយគ្នានោះដែរ លោក Jeong បានជំរុញឲ្យអាជ្ញាធរទីក្រុងសេអ៊ូល ពន្លឿនការងារ ធ្វើយ៉ាងណារារាំងសកម្មជននៅកូរ៉េខាងត្បូង ឈប់ឲ្យបង្ហោះប៉េងប៉ោងចូលទៅដីកូរ៉េខាងជើងបន្តទៀត ព្រោះខ្លាចទីក្រុងព្យុងយ៉ាង សងសឹកវិញ បង្កផលលំបាក។
![](https://www.kampucheathmey.com/wp-content/uploads/2024/07/image-208-1024x448.png)
ទោះបីជាយ៉ាងណាក៏ដោយ កូរ៉េខាងត្បូងមិនអាចដាក់ទណ្ឌកម្មសកម្មជន ដែលបង្ហោះប៉េងប៉ោងឆ្លងព្រំដែនបានទេ ដោយសារតែសេចក្តីសម្រេចរបស់តុលាការឆ្នាំ២០២៣ ដែលថា បម្រាមលើរឿងនេះ គឺស្មើនឹងការរំលោភបំពានលើសេរីភាពនៃការបញ្ចេញមតិ។
សូមបញ្ជាក់ថា ទំនាក់ទំនងរវាងបងប្អូនកូរ៉េទាំងពីរ គឺស្ថិតនៅចំណុចទាបបំផុត ក្នុងរយៈពេលប៉ុន្មានឆ្នាំមកនេះ ដោយសារទីក្រុងព្យុងយ៉ាង បង្កើនការធ្វើតេស្តអាវុធ ហើយពង្រឹងចំណងទាក់ទងជាមួយរុស្ស៊ី ចំពេលមានការចោទប្រកាន់ថា ខ្លួនកំពុងផ្គត់ផ្គង់អាវុធដល់ទីក្រុងមូស្គូ ដើម្បីប្រើប្រាស់ក្នុងសង្គ្រាមនៅអ៊ុយក្រែន៕
អត្ថបទ៖ សុខ សុវណ្ណ
ចុចអាន៖ ប៉េងប៉ោងផ្ទុកសំរាមកូរ៉េខាងជើង ធ្លាក់នៅជាង ៧៧០ ទីតាំង ក្នុងប្រទេសកូរ៉េខាងត្បូង
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
កីឡា១ សប្តាហ៍ ago
U20បាល់ទះកម្ពុជា មិនអាចឡើងវគ្គចែកពូលជើងឯកអាស៊ីបានឡើយ បន្ទាប់ពីចាញ់វៀតណាម