ព័ត៌មានអន្ដរជាតិ
ហេសបូឡា បាញ់ស្រោចរ៉ុកកែតដូចភ្លៀងធ្លាក់ ក្រោយអ៊ីស្រាអែលសម្លាប់មេបញ្ជាការម្នាក់
មេបញ្ជាការកំពូលម្នាក់របស់ក្រុមហេសបូឡានៅភាគខាងត្បូងប្រទេសលីបង់ ត្រូវបានយោធាអ៊ីស្រាអែលសម្លាប់ កាលពីថ្ងៃពុធទី៤ ខែកក្កដា ហើយជាការសងសឹក ក្រុមហេសបូឡាបានបាញ់ស្រោចគ្រាប់រ៉ុកកែត និងមីស៊ីលជាច្រើនគ្រាប់ទៅកាន់ប្រទេសអ៊ីស្រាអែល ដែលនេះគឺជាការកើនឡើងកម្ដៅជម្លោះរវាងភាគីទាំង២ក្នុងកម្រិតដ៏គ្រោះថ្នាក់បន្ថែមទៀត។
យោធាអ៊ីស្រាអែល បាននិយាយថា ខ្លួនបានសម្លាប់លោក Mohammed Nasser ក្នុងការវាយប្រហារតាមដែនអាកាសនៅក្បែរទីក្រុង Tyre។ លោក Nasser គឺជាមេបញ្ជាការនៃអង្គភាពមួយ ដែលមានតួនាទីបាញ់ប្រហារអ៊ីស្រាអែលចេញពីតំបន់ភាគខាងត្បូងប្រទេសលីបង់។
ក្រុមហេសបូឡា បានប្រកាសថា ក្រុមរបស់ខ្លួនបានវាយប្រហារយ៉ាងហោចណាស់ចំនួន២លើក ដែលជាការឆ្លើយតបចំពោះការបាត់បង់មេបញ្ជាការជាន់ខ្ពស់របស់ខ្លួនមួយរូប។ ក្រុមដែលមានការគាំទ្រពីអ៊ីរ៉ង់មួយនេះ បាននិយាយថា មានការបាញ់រ៉ុកកែតចំនួន១០០គ្រាប់សំដៅចំមូលដ្ឋានយោធាអ៊ីស្រាអែល និងមានការបាញ់មីស៊ីលប៉ុន្មានគ្រាប់ផ្សេងទៀតនៅមូលដ្ឋានទ័ពនៃទីក្រុង Kiryat Shmona ក្បែរព្រំប្រទល់អ៊ីស្រាអែលនិងលីបង់។
ទូរទស្សន៍ប៉ុស្ដិ៍លេខ១២ របស់អ៊ីស្រាអែល បានរាយការណ៍ថា មានរ៉ុកកែតរាប់សិបគ្រាប់ត្រូវបានបាញ់ចូលក្នុងភាគខាងជើងប្រទេស ដែលការបាញ់នេះមានប្រភពចេញពីលីបង់។ យ៉ាងណាមិញ មិនទាន់មានរបាយការណ៍អំពីចំនួនមនុស្សស្លាប់ និងរងរបួសឡើយ។ ចំណែកក្រសួងការពារជាតិអ៊ីស្រាអែល បានប្រកាសថា ស៊ីរ៉ែនប្រកាសអាសន្នត្រូវបានបន្លឺឡើងនៅក្នុងតំបន់ជាច្រើនកន្លែងស្ថិតនៅភាគខាងជើងប្រទេស។
យោធាអ៊ីស្រាអែល មិនបានបញ្ជាក់អំពីចំនួនគ្រាប់រ៉ុកកែតថាមានប៉ុន្មានគ្រាប់នោះទេ ដែលក្រុមហេសបូឡាធ្វើការវាយប្រហារ។ ប៉ុន្តែអ៊ីស្រាអែល អះអាងថា គ្រាប់ទាំងនោះភាគច្រើនបានធ្លាក់នៅតំបន់វាលលំហ ហើយខ្លះត្រូវបានស្ទាក់ចាប់បានដោយប្រព័ន្ធខែលការពារដែនអាកាសរបស់ខ្លួន។
សូមបញ្ជាក់ថា លោក Mohammed Nasser គឺជាបុគ្គលម្នាក់ក្នុងចំណោមមេបញ្ជាការជាន់ខ្ពស់មួយចំនួនរបស់ក្រុមហេសបូឡា ដែលត្រូវបានសម្លាប់នៅក្នុងភ្លើងសង្គ្រាមជាមួយអ៊ីស្រាអែល។ មុនការស្លាប់លោក Nasser ក្រុមយោធាអ៊ីស្រាអែល បានសម្លាប់មេបញ្ជាការហេសបូឡាមួយរូបឈ្មោះថា Taleb Abdallah កាលពីដើមខែមិថុនាកន្លងទៅ។ បុគ្គលទាំង២រូប សុទ្ធតែមានតួនាទីខ្ពស់ និងសំខាន់ដូចគ្នាសម្រាប់កងកម្លាំងហេសបូឡា។
ភាពតានតឹងរវាងអ៊ីស្រាអែល និងហេសបូឡា បានចាប់ផ្ដើមឡើងកាលពីថ្ងៃទី៨ ខែតុលា ឆ្នាំ២០២៣ ក្រោយពីក្រុមហេសបូឡា ដែលមានការគាំទ្រដោយអ៊ីរ៉ង់ បានបើកការវាយប្រហារដោយរ៉ុកកែតជាច្រើនគ្រាប់ទៅលើអ៊ីស្រាអែល មួយថ្ងៃបន្ទាប់ពីការវាយប្រហាររបស់ក្រុមហាម៉ាស។ ជាការសងសឹក អ៊ីស្រាអែល បានបាញ់កាំភ្លើងធំសំដៅទៅភាគអាគ្នេយ៍ប្រទេសលីបង់។ ចាប់តាំងពីពេលនោះមក ជម្លោះប្រដាប់អាវុធបាននិងកំពុងកើតឡើងស្ទើរជារៀងរាល់ថ្ងៃរវាងភាគីទាំងសងខាង៕
ដោយ៖ ឈាង
[អត្ថបទវិភាគ] ការបោះឆ្នោតរបស់មីយ៉ាន់ម៉ា គឺជាច្រកចេញរបបសឹកយោធាដើម្បីត្រួសត្រាយផ្លូវបង្កើតរដ្ឋាភិបាលចម្រុះ និងការទទួលស្គាល់
សម្តេច ទៀ បាញ់ ចែកវិញ្ញាបនប័ត្រសម្គាល់ម្ចាស់អចលនវត្ថុជាង៤ម៉ឺនប័ណ្ណ ដល់ពលរដ្ឋខេត្តសៀមរាប
កម្ពុជា-ថៃ នឹងពង្រឹងបន្ថែមលើកិច្ចសហប្រតិបត្តិការក្នុងវិស័យការងារ និងបណ្ដុះបណ្ដាលវិជ្ជាជីវៈ
មន្ទីរបរិស្ថានខេត្តមណ្ឌលគិរី បើកយុទ្ធនាការ «ផ្លូវជាតិស្អាតគ្មានសំរាម និងសំណល់ប្លាស្ទិក» នៅស្រុកអូររាំង
លើកដំបូង មន្ត្រីការបរទេសរុស្ស៊ីថា «គ្មានឡើយវត្តមានយោធាចិនជួយកងទ័ពខ្លួន»
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
បេសកជនអាមរិក ស្នើផែនការកាត់តំបន់ចំនួន៤ឲ្យរុស្ស៊ី ជាថ្នូរនឹងបទឈប់បាញ់
ពលរដ្ឋខេត្តក្រចេះនិងកំពង់ធំ នឹងភ្ជាប់និស្ស័យគ្នា តាមរយៈគម្រោងស្ថាបនាផ្លូវជាតិលេខ ៦០បេ
កុំភ្លេចទស្សនា! ជើងខ្លាំងកម្ពុជា ៤រូបប្រកួតនៅសហរដ្ឋអាមេរិកស្អែកនេះហើយ
ហ្សេលេនស្គី៖ រុស្ស៊ី ប្រើបណ្ដាញសង្គម និងលុយទាក់ទាញទាហានចិនឲ្យចូលច្បាំង
-
សន្តិសុខសង្គម៦ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៥ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៥ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៧ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៤ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ២ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៣ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ១ សប្តាហ៍ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល