ព័ត៌មានអន្ដរជាតិ
ក្រុមជនប្រដាប់អាវុធ សម្រុកចូលភូមិកំពុងរៀបចំពិធីមង្គលការ បាញ់សម្លាប់មនុស្ស ៤០នាក់ នៅ ម៉ាលី
យោងតាមការចេញផ្សាយរបស់សារពត៌មាន Al Jazeera នៅថ្ងៃទី ០៤ ខែ កក្កដា, បុរសប្រដាប់អាវុធមិនស្គាល់អត្តសញ្ញាណមួយក្រុម បានសម្លាប់មនុស្សប្រហែល ៤០ នាក់នៅក្នុងភូមិមួយកណ្តាលប្រទេសម៉ាលី។
ការវាយប្រហារនេះបានកើតឡើងកាលពីថ្ងៃចន្ទក្នុងភូមិ Djiguibombo នៃតំបន់ Mopti ជាកន្លែងក្រុមមានទំនាក់ទំនងជាមួយចលនាអាល់កៃដា និង ISIS ធ្វើសកម្មភាពអស់រយៈពេលជាងមួយទសវត្សរ៍មកហើយ។
ក្រុមបុរសប្រដាប់អាវុធទាំងនោះ បានឡោមព័ទ្ធភូមិដែលកំពុងរៀបចំពិធីមង្គលការ បណ្ដាលឲ្យមានរត់គេចខ្លួនទាំងស្លន់ស្លោរ ខណៈមនុស្សប្រមាណ ៤០ នាក់ត្រូវបាញ់សម្លាប់ក្នុងការវាយប្រហាររយៈពេលប្រហែល៣ម៉ោង។ ក្នុងនោះមានអ្នកភូមិជាច្រើនបានភៀសខ្លួនទៅកាន់ទីក្រុង Bandiagara។
ទោះបីជាយ៉ាងណាក៏ដោយ មន្ត្រីម៉ាលី មិនបានកំណត់អត្តសញ្ញាណអ្នកវាយប្រហារទេ ហើយក៏គ្មានក្រុមណាមួយអះអាងទទួលខុសត្រូវដែរ ។
គួរបញ្ជាក់ថាអំពើហិង្សានៅភាគខាងជើងប្រទេសម៉ាលី បានរីករាលដាលជាខ្លាំងរវាងក្រុម Katiba Macina និងក្រុមជាគូប្រជែង។
រដ្ឋាភិបាលយោធាបានដណ្តើមអំណាចបន្ទាប់ពីរដ្ឋប្រហារឆ្នាំ ២០២០ដោយសន្យាថានឹងដោះស្រាយបញ្ហាអសន្តិសុខដែលកំពុងកើនឡើង ប៉ុន្តែការវាយប្រហារនៅតែបន្តកើតមាន។ ចាប់តាំងពីពេលនោះមក មេដឹកនាំយោធារបស់ប្រទេសម៉ាលីបានផ្តាច់សម្ព័ន្ធភាពជាមួយបារាំង និងដៃគូអឺរ៉ុប ហើយងាកទៅរករុស្ស៊ីខាងនយោបាយ និងយោធាវិញ៕
អត្ថបទ៖ ប៊ុន សុភាព
-
ព័ត៌មានអន្ដរជាតិ៣ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ១ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៧ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ២ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៣ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ