ព័ត៌មានអន្ដរជាតិ
ចិន ហាត់សមបាញ់កម្ទេចយន្តហោះចម្បាំងអាមេរិក ដើម្បីគំរាម កុំឲ្យហ៊ានចេះដឹងរឿងតៃវ៉ាន់
តាមសេចក្តីរាយការណ៍របស់ Daily Mail, នៅសប្តាហ៍នេះ ប្រទេសចិន បានចាប់ផ្តើមសមយុទ្ធហាត់សម ធ្វើដូចជាបាញ់កម្ទេចយន្តហោះចម្បាំងអាមេរិក ក្នុងអ្វីដែលត្រូវបានគេយល់ឃើញថា ជាការកំញើញនិងគំរាមទីក្រុងវ៉ាស៊ីនតោន កុំចេះតែហ៊ានមកអន្តរាគមន៍លើបញ្ហាកោះតៃវ៉ាន់។

រូបភាពផ្កាយរណបដែលថតដោយ Planet Labs លើតំបន់វាលខ្សាច់ដាច់ស្រយ៉ាល Taklamakan ក្នុងខេត្ត Xinjiang ភាគពាយព្យប្រទេសចិន បានបង្ហាញឲ្យឃើញ ភ្លើងឆេះយ៉ាងសន្ធោសន្ធៅនៅជាប់នឹងយន្តហោះដូច F-35 និង F-22 ដែលជាប្រភេទយន្តហោះទំនើបបំផុត ប្រើប្រាស់ដោយកងទ័ពអាមេរិក។
ទោះបីជាយ៉ាងណាក៏ដោយ ភ្លាមៗ គេមិនដឹងទេថាតើ ចិនប្រើអាវុធអ្វីដើម្បីបាញ់យន្តហោះទាំងនោះ ប៉ុន្តែសារព័ត៌មាន The Times រាយការណ៍ថា បើវិភាគអំពីទំហំនៃការខូចខាត គឺគេអាចសន្មត់បានថា នោះជាការបាញ់ដោយមីស៊ីល។

នេះមិនមែនទើបលើកដំបូងឡើយ ដែលចិន ហាត់បាញ់កម្ទេចអាវុធធ្វើសង្គ្រាមរបស់អាមេរិក ពោលគឺកាលពី៣ឆ្នាំមុន ទីក្រុងប៉េកាំង ក៏ហាត់បាញ់កម្ទេចនាវាដឹកយន្តហោះថ្នាក់ Ford របស់អាមេរិក និងនាវាចម្បាំងថ្នាក់ Burke ឈ្មោះ Arleigh ២គ្រឿងផងដែរ។
សមយុទ្ធនេះកើតឡើង ចំពេលដ្រូនយោធាចិន ហោះឆ្វែលក្បែរអាកាសយានដ្ឋានលើកោះតៃវ៉ាន់ ធ្វើឲ្យជើងហោះហើរមួយចំនួន ត្រូវពន្យាពេល។

តាមការចុះផ្សាយរបស់សារព័ត៌មាន Liberty Times, ដ្រូននេះ ត្រូវបានគេប្រទះឃើញនៅចម្ងាយប្រហែល៨គីឡូម៉ែត្រ ពីអាកាសយានដ្ឋាន Nangan លើកោះ Matsu ហើយវាស្ថិតនៅជុំវិញនោះប្រហែល២០នាទី។
សូមបញ្ជាក់ជាថ្មី ទីក្រុងប៉េកាំងអះអាងថា កោះតៃវ៉ាន់គឺជាទឹកដីរបស់ខ្លួន ហើយមិនដែលចោលគំនិតប្រើប្រាស់កម្លាំងបាយ ដើម្បីនាំយកកោះនេះមកគ្រប់គ្រងឡើយ។ ជាក់ស្តែងយន្តហោះចម្បាំង និងនាវារបស់ចិន តែងបង្ហាញវត្តមានស្ទើរតែរាល់ថ្ងៃនៅជុំវិញកោះនេះ៕
អត្ថបទ៖ សុខ សុវណ្ណ
ចុចអាន៖ តៃវ៉ាន់ ថា ចិនរឹបអូសទូកនេសាទ អាចជាសកម្មភាពសង្គ្រាមចិត្តសាស្ត្រ

-
ព័ត៌មានអន្ដរជាតិ៥ ថ្ងៃ ago
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ ago
ចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ ago
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៧ ថ្ងៃ ago
ហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ ago
ឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ ago
គ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ