ព័ត៌មានអន្ដរជាតិ
លោក Netanyahu យល់ព្រមឲ្យគណៈប្រតិភូអ៊ីស្រាអែលទៅជួបក្រុមហាម៉ាស
លោក Benjamin Netanyahu នាយករដ្ឋមន្ត្រីអ៊ីស្រាអែល បានប្រាប់ទៅប្រធានាធិបតីអាមេរិក ថា លោកនឹងបញ្ជូនគណៈប្រតិភូ ដើម្បីធ្វើកិច្ចចរចារឿងដោះដូរចំណាប់ខ្មាំង និងបទឈប់បាញ់ជាមួយក្រុមហាម៉ា នៅតំបន់ហ្គាហ្សា។ នេះបើយោងតាមការចុះផ្សាយរបស់សារព័ត៌មានអ៊ីស្រាអែល Anadolu Agency កាលពីថ្ងៃទី៤ ខែកក្កដា ឆ្នាំ២០២៤។
គណៈរដ្ឋមន្ត្រីអ៊ីស្រាអែល បានចូលជួបប្រជុំគ្នាកាលពីរសៀលថ្ងៃព្រហស្បតិ៍ម្សិលមិញ ដើម្បីពិចារណាលើការឆ្លើយតបរបស់ក្រុមហាម៉ាស ចំពោះសំណើបទឈប់បាញ់នៅតំបន់ហ្គាហ្សា ព្រមទាំងការចរចាដោះដូរចំណាប់ខ្មាំងផងដែរ។ យ៉ាងណាមិញ ចំពោះពេលវេលាជាក់លាក់ដែលថា គណៈប្រតិភូអ៊ីស្រាអែលនឹងទៅចរចាជាមួយក្រុមហាម៉ាស នៅមិនទាន់បង្ហើបឲ្យដឹងនៅឡើយទេ។
ពាក់ព័ន្ធនឹងរឿងនេះ សេតវិមាន បានប្រកាសថា ប្រធានាធិបតីអាមេរិក លោក ចូ បៃដិន និងលោក Netanyahu ក៏បានពិភាក្សាគ្នាដែរតាមរយៈទូរសព្ទ កាលពីម្សិលមិញ ទាក់ទិននឹងការឆ្លើយតបរបស់ហាម៉ាស ដែលទំនងជាអាចធ្វើឲ្យកិច្ចព្រមព្រៀងដំណើរការទៅមុខបាន។ សេតវិមាន បានចេញសេចក្ដីថ្លែងការណ៍ថា “លោកប្រធានាធិបតី បានស្វាគមន៍ការសម្រេចចិត្តរបស់លោកនាយករដ្ឋមន្ត្រី ដែលអនុញ្ញាតឲ្យក្រុមអ្នកចរចារបស់គាត់ សហការជាមួយអ្នកសម្របសម្រួលអាមេរិក កាតា និងអេហ្ស៊ីប ក្នុងកិច្ចប្រឹងប្រែងធ្វើឲ្យសម្រេចបាននូវកិច្ចព្រមព្រៀង”។
ក្នុងការហៅទូរសព្ទជាមួយលោក ចូ បៃដិន, លោក Netanyahu បានសង្កត់ធ្ងន់ថា អ៊ីស្រាអែលយល់ព្រមបញ្ចប់សង្គ្រាមរបស់ខ្លួននៅតំបន់ហ្គាហ្សា លុះត្រាណាតែវត្ថុបំណងទាំងអស់របស់អ៊ីស្រាអែលអាចសម្រេចបានដោយជោគជ័យ។
គួរបញ្ជាក់ថា កាតា អេហ្ស៊ីប និងសហរដ្ឋអាមេរិក បានព្យាយាមជាច្រើនខែកន្លងទៅ ដើម្បីទទួលបានបទឈប់បាញ់ និងការដោះលែងចំណាប់ខ្មាំងប្រមាណ ១២០នាក់ ដែលនៅសេសសល់ក្នុងតំបន់ហ្គាហ្សា។ ប៉ុន្តែរាល់ការប្រឹងប្រែងទាំងនោះ ហាក់មិនទទួលបានផ្លែផ្កាសោះឡើយ។
ក្រុមហាម៉ាស បាននិយាយថា កិច្ចព្រមព្រៀង ត្រូវធ្វើដើម្បីបញ្ចប់សង្គ្រាម ហើយនាំមកនូវការដកទ័ពអ៊ីស្រាអែលចេញទាំងស្រុងពីហ្គាហ្សា។ យ៉ាងណាមិញ កន្លងមក អ៊ីស្រាអែល តែងបដិសេធថា ខ្លួនទទួលយកការផ្អាកប្រតិបត្តិការប្រយុទ្ធជាបណ្ដោះអាសន្នបាន តែមិនមែនបទឈប់បាញ់នោះទេ បើក្រុមហាម៉ាសមិនទាន់ត្រូវបានកម្ចាត់ចេញឲ្យអស់៕
ដោយ៖ ឈាង
ត្រឹម២០២៥ កម្ពុជាមានអាជ្ញាកណ្តាលបុរស៣នាក់ នារី១នាក់ទទួលស្គាល់ដោយ FIFA
ស្អែកនេះ ក្រសួង២ រួមគ្នារៀបចំពិធីលើកកម្ពស់វិស័យទេសចរណ៍ និងប្រយុទ្ធប្រឆាំងព័ត៌មានក្លែងក្លាយ
អាជ្ញាធរសង្កាត់ចោមចៅទី៣ ប្រកាសប្រើវិធានការរដ្ឋបាល លើអាជីវករណាដែលមិនស្ដាប់តាមការណែនាំ
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
ទូតអ៊ីរ៉ង់ ប្ដេជ្ញាធ្វើការជិតស្និទ្ធជាមួយភាគីកម្ពុជា ដើម្បីជំរុញលើវិស័យពាណិជ្ជកម្ម សេដ្ឋកិច្ច
គម្រោងកែលម្អសួនច្បារមាត់ទន្លេ ចំណាយថវិកាជិត ២០០ លានរៀល ផ្លាស់ប្តូរមុខមាត់ថ្មីស្រុកសំបូរទាក់ទាញទេសចរបន្ថែមទៀត
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
អ្នកនាំពាក្យ៖ ក្រសួងយុត្តិធម៌ មិនឱ្យមាន«ករណីបុកគេស្លាប់ហើយជនបង្កបង់លុយយករួចខ្លួន»កើតមានទៀតទេ
ពលរដ្ឋនៅបាត់ដំបងតវ៉ាបិទផ្លូវទាមទារឲ្យដោះបញ្ហាស្រូវធ្លាក់ថ្លៃ ក្រសួងកសិកម្មតបថា ថាមិនបានព្រងើយបញ្ហានេះឡើយ
រដ្ឋ Johor ភាគខាងត្បូងម៉ាឡេស៊ីប្រឈមទឹកជំនន់ ខណៈអ្នកប៉ះពាល់កើនជិត៤០០០នាក់
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ចរាចរណ៍១ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៤ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ