ព័ត៌មានអន្ដរជាតិ
វៀតណាម សរសើររបាយការណ៍ ជួញដូរមនុស្សរបស់អាមេរិក
ឆ្លើយតបទៅនឹងសំណួរទាក់ទងរបាយការណ៍ស្តីពីការជួញដូរមនុស្សឆ្នាំ២០២៤ ដែលចេញផ្សាយដោយក្រសួងការបរទេសសហរដ្ឋអាមេរិកនៅថ្ងៃទី២៤ខែមិថុនាឆ្នាំ២០២៤ ប្រទេសវៀតណាម បានសរសើររដ្ឋាភិបាលទីក្រុងវ៉ាស៊ីនតោន ដែលវាយតម្លៃយ៉ាងល្អលើកិច្ចខិតខំប្រឹងប្រែងរបស់វៀតណាម ប្រយុទ្ធប្រឆាំងនឹងការជួញដូរមនុស្ស ហើយប្រជាជាតិអាស៊ីអាគ្នេយ៍មួយនេះ ស្នើសុំបន្តកិច្ចសហប្រតិបត្តិការលើបញ្ហានេះតទៅទៀត។
![](https://www.kampucheathmey.com/wp-content/uploads/2024/07/image-338.png)
តាមការចុះផ្សាយរបស់ VN Express កាលពីថ្ងៃព្រហស្បតិ៍ទី៤ខែកក្កដាឆ្នាំ២០២៤, អ្នកនាំពាក្យក្រសួងការបរទេសវៀតណាម លោកស្រី Pham Thu Hang បាននិយាយនៅក្នុងសន្និសីទសារព័ត៌មានថា “វៀតណាម សូមកោតសរសើរ ដែលសហរដ្ឋអាមេរិកបានធ្វើការវាយតម្លៃប្រកបដោយលទ្ធផលវិជ្ជមានលើវៀតណាម ក្នុងការប្រយុទ្ធប្រឆាំងនិងទប់ស្កាត់ការជួញដូរមនុស្ស”។
លោកស្រីបន្ថែមថា “យើងបានកំណត់និងផ្តល់ការគាំទ្រដល់ជនរងគ្រោះនៃការជួញដូរមនុស្ស ហើយយើងបានសម្របខ្លួនយ៉ាងល្អ ទៅនឹងបញ្ហាប្រឈមថ្មីៗទាក់ទងនឹងស្ថានភាពជួញដូរមនុស្សនៅលើសកលលោក។ វៀតណាមនិងអាមេរិក នឹងបន្តធ្វើការទៀតទាត់និងជិតស្និទ្ធជាមួយគ្នា ដើម្បីវាយតម្លៃយ៉ាងសកម្មនិងគ្រប់ជ្រុងជ្រោយ អំពីសមិទ្ធិផលនិងកិច្ចខិតខំប្រឹងប្រែងរបស់វៀតណាមក្នុងការប្រយុទ្ធប្រឆាំងនិងទប់ស្កាត់ការជួញដូរមនុស្ស ក្នុងស្មារតីនៃទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ”។
![](https://www.kampucheathmey.com/wp-content/uploads/2024/07/image-339.png)
សូមបញ្ជាក់ ក្នុងឆ្នាំ២០១១ ប្រទេសវៀតណាម បានកែតម្រូវច្បាប់របស់ខ្លួនស្តីពីការប្រយុទ្ធ និងទប់ស្កាត់ការជួញដូរមនុស្ស ហើយការកែប្រែកាលនោះ បាននាំឲ្យប្រទេសនេះ បង្កើនការស៊ើបអង្កេតលើករណីជួញដូរមនុស្សទាំងឡាយ។
ចាប់តាំងពីពេលនោះមក វៀតណាម បានបន្តពង្រឹងបេសកកម្មទប់ស្កាត់និង ដំណោះស្រាយលើបញ្ហាជួញដូរមនុស្ស ជាមួយនឹងផែនការផ្លូវការចាប់ពីឆ្នាំ២០២១-២០២៥និងចក្ខុវិស័យដល់ឆ្នាំ២០៣០៕
អត្ថបទ៖ សុខ សុវណ្ណ
ចុចអាន៖ ប៉ូលិស វៀតណាម តាមចាប់មេអណ្ដើកជួញដូរមនុស្ស ៥ នាក់ចូលទឹកដី ឡាវ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៤ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សេដ្ឋកិច្ច១ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ១ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៤ ម៉ោង ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៧ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ២ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៦ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៣ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ