ព័ត៌មានអន្ដរជាតិ

បក្សប្រឆាំងយកឈ្នះការបោះឆ្នោតនៅអង់គ្លេសជាលើកដំបូង ក្នុងរយៈពេល១៤ឆ្នាំ

បានផុស

៨ នាទី មុន

នៅ

ថ្ងៃសុក្រ ៥ កក្កដា ២០២៤

ដោយ

គណបក្សពលករ បានយកឈ្នះការបោះឆ្នោតជាតិនៅចក្រភពអង់គ្លេសឆ្នាំ២០២៤ ដែលទើបបញ្ចប់កាលពីថ្ងៃទី៤ ខែកក្កដាម្សិលមិញ។ លោក Keir Starmer ដែលជាបេក្ខភាពមកពីគណបក្សពលករ នឹងឡើងកាន់តំណែងថ្មីជានាយករដ្ឋមន្ត្រីចក្រភពអង់គ្លេស ក្រោយផ្តួលគូប្រជែងគឺលោក Rishi Sunak ដែលជាបេក្ខភាពមកពីគណបក្សអភិរក្ស និងជានាយករដ្ឋមន្ត្រីអង់គ្លេសបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាន់តែត្រឹមម៉ោង៥ព្រឹកថ្ងៃសុក្រនេះ គណបក្សពលករ ទទួលបាន ៣២៦អាសនៈ ដែលនេះគឺជាចំនួនគ្រប់គ្រាន់ហើយសម្រាប់ឲ្យលោក Starmer មិនចាំបាច់ត្រូវការការគាំទ្រពីគណបក្សនយោបាយផ្សេងទៀត ដើម្បីបង្កើតរដ្ឋាភិបាលនោះឡើយ។

ដោយឡែក លទ្ធផលបោះឆ្នោតអង់គ្លេស បើគិតត្រឹមរសៀលថ្ងៃនេះ គណបក្សពលករ ទទួលបានជាង ៤០០អាសនៈ ដែលនេះបង្ហាញពីការចាញ់ដ៏ស្ពឹកមុខជាទីបំផុតនៅក្នុងប្រវត្តិសាស្ត្ររបស់គណបក្សអភិរក្ស។

លោក Keir Starmer បាននិយាយថា លោកបានត្រៀមខ្លួនរួចរាល់ ដើម្បីបម្រើប្រទេសជាតិ ហើយនឹងស្ដារមុខមាត់ចក្រភពអង់គ្លេសឡើងវិញ។

សូមបញ្ជាក់ថា នេះគឺជាលើកដំបូងហើយក្នុងរយៈពេល១៤ឆ្នាំកន្លងទៅ ដែលគណបក្សប្រឆាំងអាចយកឈ្នះការបោះឆ្នោតនៅអង់គ្លេស ហើយទទួលបានសម្លេងគាំទ្រភ្លូកទឹកភ្លូកដីបែបនេះ៕

ដោយ៖ ឈាង

Related Topics:ចក្រភពអង់គ្លេស