ព័ត៌មានអន្ដរជាតិ
ដោយសារជម្លោះ ស្រ្តី វៀតណាម ប្រើថ្នាំ Cyanide បំពុលក្មួយប្រុស និងសាច់ញាតិ ៥ នាក់ទៀត
យោងតាមការចុះផ្សាយពីកាសែត VnExpress កាលពីថ្ងៃទី ០៥ ខែកក្កដា បញ្ចាក់ថា ស្ត្រីម្នាក់នៅក្នុងខេត្ត Dong Nai ត្រូវបានចាប់ខ្លួនភ្លាមៗ បន្ទាប់ពីក្មួយប្រុសអាយុ១៨ឆ្នាំ ត្រូវបានបំពុលដោយ Cyanide ដែលជាសារធាតុថ្នាំពុលកម្រិតខ្លាំង សូម្បីតែបរិមាណតិចតួចនៅក្នុងខ្លួនក៏អាចស្លាប់ដែរ។
យោងតាមប៉ូលិសបាននិយាយកាលពីថ្ងៃសុក្រថា Nguyen Thi Hong Bich អាយុ ៣៦ ឆ្នាំ កំពុងប្រឈមមុខនឹងការចោទប្រកាន់ពីបទមនុស្សឃាត។ ក្មេងប្រុសជំទង់នៅស្រុក Nhon Trach នៃខេត្ត Dong Nai ត្រូវបានបញ្ជូនទៅកាន់មន្ទីរពេទ្យក្នុងទីក្រុងហូជីមិញ ក្នុងស្ថានភាពសន្លប់កាលពីថ្ងៃទី ២២ ខែមិថុនា មកម៉្លេះ។
![](https://www.kampucheathmey.com/wp-content/uploads/2024/07/image-396.png)
បន្ទាប់ពីបញ្ចូនទៅកាន់មន្ទីពេទ្យ គ្រូពេទ្យបានធ្វើតេស្ត និងរកឃើញសារធាតុ Cyanide ក្នុងខ្លួនអ្នកជំងឺ។ ក្រោយពីប្រឹងប្រែងព្យាបាលយ៉ាងយកចិត្តទុកដាក់ ឥឡូវនេះអ្នកជំងឺបានចេញពីស្ថានភាពធ្ងន់ធ្ងរ ហើយកំពុងសម្រាកនៅមន្ទីរពេទ្យនៅឡើយ។
ក្រោយមកទើបគ្រួសាររបស់ជនរងគ្រោះបានរាយការណ៍ករណីនេះទៅប៉ូលិស ហើយការស៊ើបអង្កេតបាននាំទៅដល់ ការចាប់ខ្លួនជនសង្ស័យ Hong Bich ។ នាងក៏បានសារភាពពីបទឧក្រិដ្ឋថា ដោយសារជម្លោះជាមួយសមាជិកគ្រួសារ នាងបានទិញថ្នាំ Cyanide មកបំពុលក្មួយប្រុសអាយុ១៨ឆ្នាំ រស់នៅក្នុងផ្ទះជាមួយគ្នា។
រាយការណ៍ជូនសមត្ថកិច្ច ក្រុមគ្រួសារអ្នកជំងឺបានបញ្ជាក់ថា ចាប់ពីខែតុលា ឆ្នាំ២០២៣ ដល់ខែមិថុនា ឆ្នាំនេះ សមាជិកគ្រួសារចំនួន៥នាក់បានស្លាប់ទាំងអស់ក្នុងស្ថានភាពមិនធម្មតា ដោយរោគសញ្ញាទាក់ទងនឹងការគាំងបេះដូង និងចង្វាក់បេះដូងលោតខុសប្រក្រតី។ បុគ្គលទាំងប្រាំនាក់នោះមាន Nguyen Van Hai ដែលជាជីតារបស់ក្មេងប្រុសជំទង់និងជាឪពុកជនសង្ស័យ រួមទាំងចៅពីរនាក់ ចៅទួតម្នាក់ ព្រមទាំងកូនប្រសារ។
ទោះយ៉ាងណាក៏ដោយ មានរឿងរ៉ាវឃាតកម្មស្រដៀងគ្នានេះដែលធ្លាប់បានកើតឡើងក្នុងប្រទេសថៃកាលពី១ឆ្នាំមុន ទាក់ទិននឹងករណីស្រ្តីម្នាក់ឈ្មោះ Sararat ឬ Am បានបំពុលម្ចាស់បំណុលជាច្រើននាក់ដោយសារធាតុ Cyanide ដូចគ្នា។ ក្នុងពេលជាមួយគ្នានោះថែមទៀត សូម្បីតែតារាថៃនាង Ice Preechaya ក៏ជាប់ពាក់ព័ន្ធធ្លាប់បានបញ្ចាទិញថ្នាំបំពុលប្រភេទនេះនៅហាងតែដូចគ្នានឹងជនសង្ស័យសម្លាប់មនុស្សយ៉ាងកក្រើកក្នុងប្រទេសផងដែរ៕
![](https://www.kampucheathmey.com/wp-content/uploads/2024/07/image-397-1024x428.png)
អត្ថបទ៖ សាង ស្រីល័ក្ខ
ចុចអាន៖ស្រ្តី អាមេរិក ម្នាក់បំពុលប្ដី ដោយសារខឹងមិនសរសើរដែលនាងខំរៀបចំខួបកំណើតឲ្យ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២០ ម៉ោង ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ១ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច២ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៥ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ២ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១ សប្តាហ៍ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ៣ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
សន្តិសុខសង្គម២ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ