ក្មេងប្រុសចិន វ័យ ១៤ ឆ្នាំ ខូចតម្រងនោម និងក្រលៀន ដែលបណ្ដាលពីម្ហូប៣មុខញ៉ាំសឹងរាល់ថ្ងៃ

រឿងរ៉ាវនេះ​កើត​ឡើង​នៅ​ក្នុង​គ្រួសារ​មួយ​ក្នុង​ប្រទេស​ចិន ក្មេង​ប្រុស​ម្នាក់ឈ្មោះ Zhang Hua ​ដែលកាលណោះរូបគេមានវ័យត្រឹម១២ឆ្នាំប៉ុណ្ណោះ ហើយបានចូល​រៀន​វិទ្យាល័យ​មួយឆ្ងាយពីផ្ទះ រហូតត្រូវផ្លាស់ទៅរស់​​​នៅអន្តេវាសិកដ្ឋានជុំគ្នាជាមួយមិត្តថ្មី។

យោងតាមសារព័ត៌មាន soha បានបញ្ចាក់ថា ក្រោយមក ដោយសារតែកាលវិភាគថ្នាក់រៀនកាន់តែរវល់ ទាំងនេះធ្វើឲ្យការញ៉ាំរបស់គេមិនធ្វើតាមគោលការណ៍នៃអាហាររូបត្ថម្ភត្រឹមត្រូវ។ វា​មិន​ដូច​ជា​ការ​នៅ​ផ្ទះ និង​ទទួល​ទាន​អាហារ​ពី​ក្រុម​អាហារ​ទាំង ៥ រួម​គ្នា​ជាមួយ​ឪពុក​ម្តាយ​របស់​គេឡើយ។ ពេលខ្លះ Zhang Hua​ មានអារម្មណ៍មិនស្រួលចិត្ត ដោយសារ​តែ​រសជាតិ​អាហារ​សាលា​មិន​ត្រូវ​តាម​ចិត្ត​ចង់បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​មិនយូរប៉ុន្មាន នៅពេលដែល​ឪពុក​ម្តាយ​ឃើញ​រាង​កាយ​របស់​កូនប្រុស​កាន់តែ​ស្គម​ទៅៗ នោះ​ពួក​គាត់​មិនបានគិតជ្រៅឬ​ខ្វល់​ខ្វាយ​អ្វី​ឡើយ គ្រាន់តែម្តាយ​បាន​សម្រេច​ចិត្ត​ជួល​ផ្ទះ​នៅ​ក្បែរ​សាលា ​នឹង​ងាយស្រួល​ក្នុង​ការ​ថែទាំ​អាហារ​​កូនប្រុស​ដោយ​ខ្លួនឯង។ ដោយសារតែបែបនេះហើយ ទើបក្មេងប្រុសអាយុ១២ឆ្នាំម្នាក់នេះ អាចញ៉ាំអាហារបានច្រើន មុខរបស់គេកាន់តែភ្លឺថ្លា ហើយមើលទៅកាន់តែសប្បាយចិត្ត ចាប់តាំងពីម្តាយរបស់គាត់មកមើលថែធ្វើឲ្យក្មេងមានអារម្មណ៍កក់ក្តៅក្នុងចិត្តម្តងទៀត។

ពេល​វេលា​កន្លង​ផុត​ទៅ ក្មេង​ប្រុសបានឈានដល់​អាយុ​១៤​ឆ្នាំ ហើយ​មើល​ទៅ​ចាស់​ទុំ​ជាង​ពេល​ដែល​គាត់​ផ្លាស់​មក​ទី​នេះ​ដំបូង។ ប៉ុន្តែ​ម្តាយ​សង្កេតឃើញ​មាន​អ្វី​ប្លែក​ពី​រាង​កាយ​កូន ភ្លាមៗកូន​ស្រាប់តែ​ហូប​មិនសូវ​ស្រួល អស់កម្លាំង​មិន​សប្បាយចិត្ត​ដូច​មុន មាន​ទឹកមុខ​ស្លេកស្លាំង និង​ហើម​ភ្នែក ក៏​នាំ​កូន​ទៅមន្ទីរពេទ្យដើម្បីពិនិត្យ។

បន្ទាប់ពីទទួលបានការពិនិត្យរាងកាយយ៉ាងម៉ត់ចត់ វេជ្ជបណ្ឌិតបានកត់សម្គាល់ឃើញ ស្បែករបស់ Zhang Hua ស្ងួត ប្រេះ ហើយមានស្នាមពេញខ្លួន​ ហើយតំបន់ជើងក៏ហើមមិនធម្មតា។ លទ្ធផលឈាមបានបង្ហាញថា ក្មេងមានមុខងារខ្សោយតម្រងនោម ហើយ creatinine ក្នុងឈាមកើនឡើង វេជ្ជបណ្ឌិតបានសន្និដ្ឋានថា ខ្សោយតំរងនោមរ៉ាំរ៉ៃ ត្រូវការការលាងឈាមជាបន្ទាន់។

វេជ្ជបណ្ឌិតបានពន្យល់បន្ថែម ថ្វីត្បិតតែជំងឺខ្សោយតម្រងនោមកើតមានជាទូទៅចំពោះមនុស្សចាស់ក៏ដោយ ប៉ុន្តែនោះមិនមានន័យថា មនុស្សវ័យក្មេងមិនកើតជំងឺនេះទេ។ ឥរិយាបថ​ចូល​គេង​យឺត អាន​សៀវភៅ អង្គុយ​យូរ វាក៏ជាហេតុផលមួយដែលបង្កើនបន្ទុកលើតម្រងនោមផងដែរ។ ជាពិសេស ការទទួលទានអាហារ​ ក៏ជាមូលហេតុសំខាន់ដែលនាំឲ្យខ្សោយតម្រងនោមផងដែរ។

ក្នុងនោះផងដែរ វេជ្ជបណ្ឌិតបាន​ប្រាប់ពីម្ហូប៣មុខ ប្រៀបដូចជាឃាតកសម្ងាត់ដែលបំផ្លាញតម្រងនោមរួមមាន ៖

ស៊ុតត្រាំទឹកស៊ីអ៊ីវចិន៖ ទោះបីជាមានភាពងាយស្រួល និងជីវជាតិក៏ដោយ ប៉ុន្តែ​ម៉ឺនុយ​ស៊ុតនេះ​មាន​ជាតិ​សំណ​ច្រើន​។ បើ​ទទួល​ទាន​ជា​ប្រចាំ វា​នឹង​មាន​ផល​អវិជ្ជមាន​ដល់​ក្រលៀន។

ភេសជ្ជៈ៖ បរិមាណអាស៊ីតផូស្វ័រនៅក្នុងភេសជ្ជៈ ក៏ជាមូលហេតុអាចបណ្តាលឲ្យគ្រួសក្នុងតម្រងនោម។

សាច់កែច្នៃ៖ អាហារទាំងនេះច្រើនតែមានអំបិលច្រើន។ វាប៉ះពាល់ដល់សម្ពាធឈាម និងបង្កើនបន្ទុកលើតម្រងនោម។

យ៉ាងណាមិញ គេជឿថាតាមរយៈរឿងរ៉ាវខាងលើ នឹងធ្វើជាមេរៀនដ៏ល្អសម្រាប់ឪពុកម្តាយដែលគួរតែយកចិត្តទុកដាក់បន្ថែមទៀតលើអាហារូបត្ថម្ភរបស់កូន។ ដើម្បីចៀសវាងហានិភ័យនៃជំងឺខ្សោយតម្រងនោម គ្រាន់តែជ្រើសរើសអាហារដែលមានជីវជាតិ, ធ្វើលំហាត់ប្រាណឲ្យទៀងទាត់ និងការពិនិត្យសុខភាពជាប្រចាំ ដើម្បីឲ្យរាងកាយមានសុខភាពល្អ ជៀសផុតពីជំងឺផ្សេងៗ៕

អត្ថបទ៖ សាង ស្រីល័ក្ខ

ចុចអាន៖វាំងននខ្មៅនៅពីក្រោយ​​ជីវិតស្រី​ស្នំ​​សម័យ​បុរាណ ចិន ​ច្រើនតែងាយឈឺថ្កាត់ និង​​រស់​មិន​បាន​យូរ