ព័ត៌មានអន្ដរជាតិ
ក្រុមឧទ្ទាមមីយ៉ាន់ម៉ា សម្រុកផលិតគ្រឿងញៀននាំចូលថៃ យកលុយទុកទិញអាវុធ
ក្រុមឧទ្ទាមប្រដាប់អាវុធនៅមីយ៉ាន់ម៉ា កំពុងផលិតគ្រឿងញៀនខុសច្បាប់បន្ថែមទៀត ដើម្បីចរាចរក្នុង ឬក៏ឆ្លងកាត់ប្រទេសថៃ ដើម្បីប្រមូលយកប្រាក់ផ្គត់ផ្គង់ដល់ការប្រយុទ្ធរបស់ពួកគេ ប្រឆាំងនឹងកងកម្លាំងរដ្ឋាភិបាលរបបសឹក។
![](https://www.kampucheathmey.com/wp-content/uploads/2024/07/c1_2825174_790.jpg)
លោក Meechai Nillasart មេបញ្ជាការរងនៃកងកម្លាំង Pha Muang បាននិយាយនៅថ្ងៃចន្ទទី៨ ខែកក្កដា ឆ្នាំ២០២៤ នេះ ថា ក្រុមឧទ្ទាម កំពុងត្រូវការប្រាក់ ដើម្បីទិញអាវុធ និងគាំទ្រយុទ្ធជនរបស់ពួកគេ។ លោក បន្តថា កម្លាំងថៃ បានរឹបអូសថ្នាំញៀនមេតំហ្វេតាមីនចំនួន ១៥១លានគ្រាប់នៅក្នុងឆ្នាំ២០២៤ ដោយតួលេខនេះបានកើនឡើងជាង៣ដង បើធៀបនឹងរយៈពេលដូចគ្នាកាលពីឆ្នាំមុន ដែលរឹបអូសបាន ៤២លានគ្រាប់។ ទន្ទឹមនោះ កងកម្លាំងថៃ ក៏បានរឹបអូសថ្នាំញៀនប្រភេទហេរ៉ូអ៊ីនចំនួន ២៥៦គីឡូក្រាម និងម៉ាទឹកកកចំនួន ១៣៥០គីឡូក្រាមផងដែរ។
បន្ថែមពីនេះ មានការចាប់ខ្លួនជនសង្ស័យចំនួន ៣៤៧នាក់ និងសម្លាប់អ្នកជួញដូរគ្រឿងញៀនចំនួន ២៩នាក់ ក្នុងពេលប៉ះទង្គិចគ្នានៅតាមព្រំដែន។
លោក Meechai បាននិយាយថា គ្រឿងញៀនរាប់លានគ្រាប់ផ្សេងទៀត ត្រូវបានរក្សាទុកនៅជិតព្រំដែនក្នុងប្រទេសមីយ៉ាន់ម៉ា រង់ចាំការរត់ពន្ធចូលទៅក្នុងភាគខាងជើងប្រទេសថៃ តាមបន្ទាត់ព្រំដែនដែលមានចម្ងាយសរុប ៩៣៣គីឡូម៉ែត្រ ស្ថិតនៅក្នុងខេត្តជាច្រើនដូចជា ខេត្ត Chiang Mai ខេត្ត Chiang Rai ខេត្ត Phayao ខេត្ត Nan ខេត្ត Uttaradit និងខេត្ត Phitsanulok ។
គួរបញ្ជាក់ថា ក្រុមឧទ្ទាមនៅមីយ៉ាន់ម៉ា បានប្រមូលផ្តុំគ្នា ដើម្បីប្រយុទ្ធប្រឆាំងនឹងរដ្ឋាភិបាល បន្ទាប់ពីរដ្ឋប្រហារដោយយោធាកាលពីឆ្នាំ២០២១កន្លងទៅ ដែលបានដណ្តើមអំណាចពីរដ្ឋបាលជាប់ឆ្នោតតាមបែបប្រជាធិបតេយ្យរបស់លោកស្រី Aung San Suu Kyi និងគណបក្សសម្ព័ន្ធជាតិដើម្បីប្រជាធិបតេយ្យ៕
ដោយ៖ ឈាង
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៣ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៤ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ១ សប្តាហ៍ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៤ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៤ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ១ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
-
ព័ត៌មានជាតិ៥ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤