ព័ត៌មានអន្ដរជាតិ
វៀតណាម ដាក់គុកមនុស្ស៣នាក់ ជាមេអណ្តើក នាំបវរកញ្ញានិងតារាៗ លក់ខ្លួនឲ្យអ្នកមាន
យោងតាមការចេញផ្សាយរបស់សារពត៌មាន VN Express នៅថ្ងៃទី០៩ខែកក្កដា, បុរសម្នាក់នៅទីក្រុងទីក្រុងហូជីមិញ ត្រូវបានកាត់ទោសឲ្យជាប់ពន្ធនាគារ ពីបទជួញដូរនិងបើកសេវាកម្មពេស្យាចារ ដោយធ្វើមេអណ្តើកនាំតារាបង្ហាញម៉ូដ និងបវរកញ្ញា យកទៅលក់ខ្លួនឲ្យអ្នកមានៗ។
លោក Huynh Thanh Thuan អាយុ៣៤ឆ្នាំត្រូវបានតុលាការប្រជាជនទីក្រុងហូជីមិញ កាត់ទោសឲ្យជាប់ពន្ធនាគារ៤ឆ្នាំ ខណៈមនុស្សពីរនាក់ទៀតដែលជាប់ពាក់ព័ន្ធក្នុងសំណុំរឿងនេះមានឈ្មោះ Pham Do Nhat Duy និង Le Thi Thu Thao ក៏ត្រូវជាប់ពន្ធនាគារផងដែរ ក្នុងបទចោទប្រកាន់ដូចគ្នានេះ។
ក្នុងអំឡុងពេលសវនាការ លោក Thuan និយាយថា កាលពីថ្ងៃទី ២២ ខែតុលា ឆ្នាំមុន លោកបានចេញទៅទទួលទានអាហារជាមួយបុរសបីនាក់នៅតំបន់ Sala នៃទីក្រុង Thu Duc។ បុរសទាំងនោះបានស្នើឱ្យលោកណែនាំមនុស្សស្រីបីនាក់ដើម្បីផ្តល់សេវាពេស្យាចារនៅថ្ងៃទី ២៣ និង ២៤ ខែតុលា។
Thuan ក៏យល់ព្រម ហើយផ្ញើរូបថតស្ត្រីមួយចំនួនទៅឲ្យបុរសនោះតាមរយៈកម្មវិធី Zalo។ បន្ទាប់មក គាត់ក៏បានទាក់ទងទៅនារីពីរនាក់ ដើម្បីធ្វើអាជីវកម្មពេស្យាចារដោយផ្ទាល់ ហើយបានទាក់ទងនារីម្នាក់ទៀត តាមរយៈ Duy និង Thao។ Thuan បានព្រមព្រៀងផ្តល់សេវាពេស្យាចារក្នុងតំលៃពី ៣០ ទៅ ៥០ លានដុងក្នុងមួយថ្ងៃ ហើយផ្តល់ឲ្យស្ត្រីទាំងនោះចន្លោះពី ២០ ទៅ ៣០ លានដុង ហើយមន្ត្រីប៉ូលិសបានចាប់បុរស និងស្ត្រីទាំងនោះកាលពីថ្ងៃទី ២៤ ខែតុលាឆ្នាំ ២០២៣។
គួរបញ្ជាក់ថា ក្នុងអំឡុងពេលរស៊ើបអង្កេតរបស់ប៉ូលិស លោក Thuan បានសារភាពថា ខ្លួនពិតជាបានប្រាក់ពីសេវាកម្មពេស្យាចារតាមរយៈបេក្ខនារីបវរកញ្ញា និងអតិថិជននៅប្រទេសសិង្ហបុរីក្នុងតម្លៃ ៣ ០០០ដុល្លារក្នុងមួយថ្ងៃ និងបានសារភាពថាបានជាប់ពាក់ព័ន្ធនឹងករណីស្រដៀងគ្នាមួយចំនួនផ្សេងទៀតផងដែរ៕
អត្ថបទ៖ ប៊ុន សុភាព
-
ព័ត៌មានជាតិ៤ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៤ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ១៨ ម៉ោង ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច៥ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ៥ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៥ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ២ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
-
ព័ត៌មានជាតិ៦ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤