ព័ត៌មានអន្ដរជាតិ
លោក ពូទីន សរសើរនាយករដ្ឋមន្ត្រីឥណ្ឌា មិនដាច់ពីមាត់
ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានស្វាគមន៍នាយករដ្ឋមន្ត្រីឥណ្ឌា ណារិនដ្រា ម៉ូឌី យ៉ាងកក់ក្តៅជាទីបំផុត ហើយពេលថ្នាក់ដឹកនាំទាំងពីរជួបគ្នាដើម្បីទទួលទានអាហារពេលល្ងាចនៅវិមាន Novo-Ogaryovo របស់លោក ពូទីន, ប្រមុខដឹកនាំរុស្ស៊ី បានសរសើរលោក ម៉ូឌី មិនដាច់ពីមាត់ចំពោះភាពជាអ្នកដឹកនាំយ៉ាងស្ទាត់ជំនាញរបស់គាត់។
ក្នុងជំនួបនោះផងដែរ លោក ពូទីន បានសាទរយ៉ាងក្រៃលែងចំពោះការជាប់ឆ្នោត៣អាណត្តិជាប់គ្នារបស់លោក ម៉ូឌី ដោយនិយាយថា គ្រប់យ៉ាងមិនមែនកើតឡើងដោយឯកឯងនោះទេ, វាគឺកើតចេញពីកិច្ចខិតខំប្រឹងប្រែងរបស់គាត់ក្នុងនាមជាប្រមុខរដ្ឋ អស់រយៈពេលជាច្រើនឆ្នាំមកនេះ។
ស្របពេលជាមួយគ្នានោះ លោក ម៉ូឌី ក៏បានថ្លែងអំណរគុណលោក ពូទីន ផងដែរ ដែលបានទទួលស្វាគមន៍យ៉ាងកក់ក្តៅ ហើយនិយាយថា ចំណងមិត្តភាពឥណ្ឌា-រុស្ស៊ី ប្រាកដជាបន្តទៅមុខលើផ្លូវដ៏វែងឆ្ងាយ ជាមួយភាពរឹងមាំ។
បើតាមរបាយការណ៍នៅក្នុងកាសែត Economic Times, មេដឹកនាំទាំងពីរ បានពិភាក្សាអំពីបញ្ហានានាដូចជា “ទិដ្ឋភាពអឺរ៉ាស៊ី”, សក្តានុពលនៃការវិនិយោគរបស់ឥណ្ឌានៅក្នុងប្រទេសរុស្ស៊ីដើម្បីកាត់បន្ថយអតុល្យភាពពាណិជ្ជកម្មរបស់ខ្លួន, កិច្ចប្រជុំកំពូល BRICS នៅទីក្រុង កាហ្សាន់ នាពេលខាងមុខ, ជំរុញការផលិតផ្នែកការពាររួមគ្នាក្រោមកម្មវិធី “Make in India” និងពង្រីកវត្តមានរបស់ឥណ្ឌានៅតំបន់ចុងបូព៌ា តាមរយៈច្រករបៀងសមុទ្រ Vladivostok-Chennai។
ឥណ្ឌា បានវ៉ាដាច់ចក្រភពអង់គ្លេសក្លាយជាមហាអំណាចសេដ្ឋកិច្ចលំដាប់ទីប្រាំរបស់ពិភពលោកក្នុងឆ្នាំ២០២២ ហើយកំពុងស្ថិតនៅលើផ្លូវ វ៉ាដាច់ប្រទេសជប៉ុននិងអាល្លឺម៉ង់ ឡើងដល់ចំណាត់ថ្នាក់ទីបីនៅត្រឹមឆ្នាំ២០២៧។ ក្រសួងហិរញ្ញវត្ថុរបស់ប្រទេសនេះព្យាករថា សេដ្ឋកិច្ចឥណ្ឌានឹងមានតម្លៃជាង ៧ពាន់ពាន់លានដុល្លារនៅចុងទសវត្សរ៍នេះ។
សូមបញ្ជាក់ថា ដំណើរទស្សនកិច្ចរបស់លោក ម៉ូឌី ទៅកាន់ប្រទេសរុស្ស៊ី គឺជាលើកដំបូងចាប់តាំងពីការផ្ទុះជម្លោះនៅអ៊ុយក្រែន និងកើតឡើងចំពេលបណ្តាប្រទេសលោកខាងលិច កំពុងតាមដានយ៉ាងយកចិត្តទុកដាក់ ជាពិសេសអាមេរិកតែម្តង ដែលកំពុងសម្លឹងមិនដាក់ភ្នែក៕
អត្ថបទ៖ សុខ សុវណ្ណ
-
ព័ត៌មានជាតិ៤ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៤ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ១៨ ម៉ោង ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច៥ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ៥ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៥ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ២ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
-
ព័ត៌មានជាតិ៦ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤