ព័ត៌មានអន្ដរជាតិ
ហ្វីលីពីន ច្រានចោលការចោទប្រកាន់របស់ចិន ដែលថា ខ្លួនធ្វើឲ្យខូចថ្មប៉ប្រះទឹក
ប្រទេសហ្វីលីពីន បានច្រានចោលការចោទប្រកាន់របស់ចិនកាលពីថ្ងៃអង្គារដែលថា មូលដ្ឋាននាវាចម្បាំងរបស់ខ្លួននៅ ក្នុងសមុទ្រចិនខាងត្បូង បានបំផ្លាញប្រព័ន្ធអេកូឡូស៊ីថ្មប៉ប្រះទឹកនៅតំបន់នោះ និងបានទម្លាក់កំហុសទៅលើទីក្រុងប៉េកាំងវិញ។ នេះបើយោងតាមការចេញផ្សាយរបស់ទូរទស្សន៍ជាតិជប៉ុន នៅថ្ងៃពុធទី១០ខែកក្កដាឆ្នាំ២០២៤។
![](https://www.kampucheathmey.com/wp-content/uploads/2024/07/South-China-Sea-fisherman-wc.jpg)
ការច្រានចោលនេះ គឺឆ្លើយតបទៅនឹងរបាយការណ៍របស់ក្រសួងធនធានធម្មជាតិចិនដែលថា កប៉ាល់ចម្បាំងហ្វីលីពីន បានចូលចតដោយខុសច្បាប់ជុំវិញថ្មប៉ប្រះទឹក Second Thomas Shoal នៅជិតកោះ Nansha ដែលធ្វើឲ្យខូចដល់ ប្រព័ន្ធអេកូឡូស៊ីនៅទីនោះយ៉ាងធ្ងន់ធ្ងរ។
ស្របពេលជាមួយគ្នានោះ ក្រុមការងារហ្វីលីពីននៅសមុទ្រចិនខាងត្បូង ក៏អំពាវនាវឲ្យមានការវាយតម្លៃផ្នែកវិទ្យាសាស្ត្រសមុទ្រដោយឯករាជ្យ អំពីមូលហេតុនៃការខូចខាតផ្កាថ្មប៉ប្រះទឹកនៅសមុទ្រចិនខាងត្បូងផងដែរ ហើយហ្វីលីពីន ថែមទាំងអះអាងទៀតផងថា ប្រទេសចិនទៅវិញទេ ដែលបង្កការខូចខាតដល់បរិស្ថានសមុទ្រ ហើយធ្វើឲ្យប៉ះពាល់ដល់ជម្រកធម្មជាតិ និងជីវភាពរស់នៅរបស់ប្រជានេសាទហ្វីលីពីនរាប់ពាន់នាក់ នោះ។
![](https://www.kampucheathmey.com/wp-content/uploads/2024/07/eaa88e0b-ff1c-45a0-9e08-2ee6a43f1982_c9ae43bd.jpg)
ហ្វីលីពីនអះអាងថា ចិនបានបូមខ្សាច់និងផ្កាថ្ម ដើម្បីសាងសង់កោះសិប្បនិម្មិតនៅសមុទ្រចិនខាងត្បូង ដែលខ្លួននិយាយថា ជាសកម្មភាពសាងសង់ធម្មតានៅលើទឹកដីរបស់ខ្លួន ប៉ុន្តែទង្វើនេះត្រូវបានប្រជាជាតិផ្សេងទៀតអះអាងថា មានគោលបំណងទាមទារយកផ្លូវទឹកនេះ។ ជាក់ស្តែង របាយការណ៍របស់មជ្ឈមណ្ឌលសម្រាប់ការសិក្សាយុទ្ធសាស្ត្រ និងអន្តរជាតិកាលពីឆ្នាំមុនបានរកឃើញថា សកម្មភាពសាងសង់របស់ចិន បានកប់ថ្មប៉ប្រះទឹកទំហំជាង ៤ ៦០០ ហិកតា ៕
![](https://www.kampucheathmey.com/wp-content/uploads/2024/07/IMG_1496.jpeg)
អត្ថបទ៖ ប៊ុន សុភាព
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៥ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៥ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ២ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច៦ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ៦ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ២៣ ម៉ោង ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
-
ព័ត៌មានជាតិ៣ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
-
សន្តិសុខសង្គម៦ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ