ព័ត៌មានអន្ដរជាតិ
គ្រូសាសនាកេនយ៉ា ដែលបំភ័យប្រជាជនអំពីថ្ងៃរលាយផែនដី រងការចោទប្រកាន់ពីបទភេរវកម្ម
តាមសេចក្តីរាយការណ៍របស់ RT កាលពីថ្ងៃអង្គារទី៩ខែកក្កដា, មេដឹកនាំសាសនាកេនយ៉ា លោក Paul Mackenzie ដែលបំផុសបំផុលនិងបំភ័យប្រជាជនអំពីថ្ងៃរលាយផែនដី បានឡើងសវនាការហើយ លើបទចោទប្រកាន់ប្រព្រឹត្តអំពើភេរវកម្ម ពាក់ព័ន្ធការស្លាប់អ្នកជឿគាត់ស៊ប់ ជាង៤៣០នាក់ នៅក្នុងតំបន់ព្រៃក្បែរព្រះវិហាររបស់គាត់។
លើសពីនេះ គាត់ក៏រងការចោទប្រកាន់ពីបទឃាតកម្ម ចាប់ពង្រត់ ធ្វើទារុណកម្មលើកុមារ និងអំពើឃោរឃៅនៅក្នុងករណីដាច់ដោយឡែកពីគ្នា ផងដែរ។
លោក Mackenzie បានបង្ហាញខ្លួននៅក្នុងតុលាការក្រុង Mombasa ជាមួយភរិយា និងសហចុងចោទចំនួន៩៣នាក់ទៀត សរុបទាំងអស់ ពួកគេមានគ្នា៩៥នាក់។
រម្លឹកទៅសវនាការកាលពីខែមករា លោក Mackenzie និងសហចុងចោទរបស់គាត់ មិនបានសារភាពទោសកំហុសអ្វីឡើយចំពោះការចោទប្រកាន់ពីបទភេរវកម្ម ត្បិតគាត់បានណែនាំអ្នកមានជំនឿ ឲ្យបង្អត់អាហារដល់ស្លាប់ ដើម្បីទៅជួបព្រះយេស៊ូវគ្រិស្ត មុនពេលពិភពលោក រលាយក៏ដោយ។
យ៉ាងណាក្តី ការធ្វើកោសល្យវិច័យបង្ហាញថា អ្នកខ្លះស្លាប់បែរជាស្លាប់ដោយសារការច្របាច់ក ឬថប់ដង្ហើមទៅវិញ។
គាត់ត្រូវបានចាប់ខ្លួនកាលពីខែមេសាឆ្នាំមុន បន្ទាប់ពីប៉ូលិស បើកប្រតិបត្តិការជួយសង្គ្រោះបានមនុស្ស១៥នាក់ ដែលមានសភាពស្លេកស្លាំងនៅក្នុងព្រះវិហារ ហើយរកឃើញសាកសពកប់ក្នុងផ្នូររាក់ៗ នៅតំបន់ព្រៃ Shakahola ក្បែរឆ្នេរសមុទ្រ Kilifi។
មិនត្រឹមប៉ុណ្ណឹង លោក Mackenzie ត្រូវគេចោទប្រកាន់ថា បានបង្ខំអ្នកមានជំនឿលើគាត់ឲ្យបំផ្លាញឯកសារអត្តសញ្ញាណរបស់ពួកគេ ហើយហាមឃាត់មិនឲ្យប្រាស្រ័យទាក់ទងជាមួយនរណាម្នាក់នៅខាងក្រៅសហគមន៍ផងដែរ៕
អត្ថបទ៖ សុខ សុវណ្ណ
ចុចអាន៖ ជនជាតិកេនយ៉ា ជាង២០០នាក់ បង្អត់អាហារដល់ស្លាប់ ព្រោះជឿគេថា នឹងបានឡើងឋានសួគ៌ មុនពិភពលោករលាយ
-
ព័ត៌មានជាតិ៦ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៦ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៣ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច៧ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
សុខភាព១ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានជាតិ២ ថ្ងៃ ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
-
ព័ត៌មានអន្ដរជាតិ១ សប្តាហ៍ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១៧ ម៉ោង ago
ខែមិថុនា៖ ឧកញ៉ា ជាសមាជិកសមាគមឧកញ៉ា៨រូប ត្រូវដំឡើងងារជា អ្នកឧកញ៉ា