ព័ត៌មានអន្ដរជាតិ
រុស្ស៊ី ព្រមានថា ល្បែងសង្គ្រាមអ៊ុយក្រែន អាចបង្កជម្លោះគ្រោះថ្នាក់ រវាងមហាអំណាចនុយក្លេអ៊ែរ
ថ្លែងក្នុងកិច្ចពិភាក្សាស្តីពីសន្តិសុខយោធានិងការគ្រប់គ្រងអាវុធ នៅទីក្រុង វីយែន នៃប្រទេសអូទ្រីស, លោក Konstantin Gavrilov ប្រធានគណៈប្រតិភូរុស្ស៊ីបានព្រមានថា ការដកខ្លួនរបស់លោកខាងលិចចេញពីកិច្ចព្រមព្រៀងគ្រប់គ្រងសព្វាវុធ និងការលេងល្បែងសង្គ្រាមចង់ឲ្យរុស្ស៊ី បរាជ័យនៅអ៊ុយក្រែន អាចបង្កឲ្យមានជម្លោះដ៏គ្រោះថ្នាក់ រវាងមហាអំណាចនុយក្លេអ៊ែរ។
តាមការចុះផ្សាយរបស់ Sputnik កាលពីថ្ងៃពុធទី១០ខែកក្កដាឆ្នាំ២០២៤, អ្នកការទូតរុស្ស៊ីរូបនេះ លើកឡើងថា “អ្នកអាចសង្កេតឃើញនៅថ្ងៃនេះថា ព្រោះតែកាន់ជើងអ៊ុយក្រែន, សម្ព័ន្ធមិត្តឆ្លងមហាសមុទ្រអាត្លង់ទិក កំពុងធ្លាក់ចូលទៅក្នុងរណ្តៅនៃការប្រឈមមុខដាក់គ្នាជាមួយរុស្ស៊ីហើយ។ ពួកគេបំភ្លេចចោលឯកសារទាំងអស់ ដែលអនុម័តនៅក្នុងវេទិកាស្តីពីការគ្រប់គ្រងអាវុធនិងការកសាងទំនុកចិត្ត។ ពួកគេចង់ឲ្យយើងបរាជ័យ ហើយទាំងអស់នេះ នឹងនាំមកនូវហានិភ័យនៃការប៉ះទង្គិចគ្នាដោយផ្ទាល់តែម្តង រវាងមហាអំណាចនុយក្លេអ៊ែរ ជាមួយនឹងផលវិបាកដែលមិនអាចទាយទុកជាមុនបាន”។
ទោះបីជាយ៉ាងណាក៏ដោយ នេះមិនមែនជារឿងថ្មីទេដែលទីក្រុងមូស្គូ ព្រមានពីការផ្ទុះជម្លោះជាមួយលោកខាងលិច។ ជាក់ស្តែងកាលពីខែមិថុនា អនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev ក៏បានបង្ហាញកត្តា២យ៉ាងផងដែរ ដែលរុស្ស៊ីអាចប្រកាសសង្គ្រាមជាមួយលោកខាងលិច នោះគឺបើសហរដ្ឋអាមេរិកនិងសម្ព័ន្ធមិត្តដាក់ទណ្ឌកម្ម និងកំណត់គោលដៅលើទ្រព្យសម្បត្តិរបស់រុស្ស៊ី។
កាលពីខែឧសភា បុរសដដែលនេះក៏គំរាម ផ្ទុះសង្គ្រាមលោកលើកទី៣ផងដែរ ប្រសិនបើសហរដ្ឋអាមេរិក ហ៊ានវាយប្រហារចំគោលដៅរុស្ស៊ីណាមួយនៅក្នុងប្រទេសអ៊ុយក្រែន។
មិនត្រឹមប៉ុណ្ណឹង កាលពីឆ្នាំមុន អតីតប្រធានាធិបតីរុស្ស៊ីរូបនេះក៏គំរាមដែរថា បស្ចិមប្រទេស កំពុងរុញពិភពលោកឲ្យខិតទៅជិតជម្លោះសកល ដែលមិនធ្លាប់ឃើញសោះ ចាប់តាំងពីសង្គ្រាមលោកលើកទី២មក ដោយសារការផ្គត់ផ្គង់អាវុធធុនធ្ងន់ដល់អ៊ុយក្រែន៕
អត្ថបទ៖ សុខ សុវណ្ណ
-
ព័ត៌មានជាតិ៥ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៦ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ២ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សុខភាព២៣ ម៉ោង ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
សេដ្ឋកិច្ច៧ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ២ ថ្ងៃ ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
-
ព័ត៌មានអន្ដរជាតិ៧ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៤ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស