ព័ត៌មានអន្ដរជាតិ
អ៊ីស្រាអែល បញ្ជាឲ្យពលរដ្ឋប៉ាឡេស្ទីន ចាកចេញពីទីក្រុងហ្គាហ្សា ខណៈកិច្ចចរចាឈប់បាញ់នៅ ដូហាកំពុងដំណើរការ
យោធាអ៊ីស្រាអែលបានបញ្ជាឲ្យប្រជាជនប៉ាឡេស្ទីនទាំងអស់ រួសរាន់ចាកចេញពីទីក្រុងហ្គាហ្សា ឆ្ពោះទៅភាគខាងត្បូង ខណៈខ្លួនបន្តការវាយលុកថ្មីនៅទូទាំងភាគខាងជើង និងកណ្តាលតំបន់ហ្គាហ្សា ដោយសម្លាប់មនុស្សរាប់សិបនាក់ក្នុងរយៈពេល ៤៨ម៉ោងចុងក្រោយ។ នេះបើយោងតាមការចេញផ្សាយរបស់សារពត៌មាន Al Jazeera នៅថ្ងៃទី ១១ខែកក្កដា។
អ៊ីស្រាអែល បានទម្លាក់់ខិត្តប័ណ្ណពីលើអាកាសកាលពីថ្ងៃពុធ ជំរុញឲ្យពលរដ្ឋហ្គាហ្សាចាកចេញ និងធ្វើដំណើរតាមផ្លូវដែលមានសុវត្ថិភាព នៅភាគខាងត្បូងឆ្ពោះទៅកាន់តំបន់ Deir el-Balah និង az-Zawayda។
ទោះបីជាយ៉ាងណាក៏ដោយ ក្រសួងមហាផ្ទៃហ្គាហ្សា បានអំពាវនាវឲ្យប្រជាជនខ្លួន កុំស្តាប់បញ្ជាជម្លៀសនេះដោយអះអាងថា វាគឺគ្រាន់តែជាផ្នែកមួយនៃសង្គ្រាមចិត្តសាស្ត្ររបស់កងទ័ពអ៊ីស្រាអែលប្រឆាំងនឹងប៉ាឡេស្ទីនប៉ុណ្ណោះ។ ចំណែកអង្គការសហប្រជាជាតិ ក៏បានឲ្យដឹងដែរថា ការជម្លៀសចុងក្រោយនេះ គឺអ៉ីស្រាអែលគ្រាន់តែចង់បញ្ឆេះការឈឺចាប់ដល់ប្រជាជនប៉ាឡេស្ទីនបន្ថែមទៀត ដែលភាគច្រើនបានផ្លាស់ទីលំនៅរួចហើយក៏ដោយ។
មួយរយៈចុងក្រោយនេះ ស្រាអែលបានបង្កើនការវាយលុកនៅហ្គាហ្សា បន្ទាប់ពីការវាយប្រហារតាមអាកាសរបស់អ៊ីស្រាអែលទៅលើសាលា al-Awdah បានសម្លាប់មនុស្សយ៉ាងតិច៣០នាក់ និងរបួស៥៣នាក់ ភាគច្រើនជាស្ត្រី និងកុមារ។
គួរបញ្ជាក់ថា អ៊ីស្រាអែលបានបង្កើនសកម្មភាពយោធាស្របពេលអ្នកសម្រុះសម្រួលរបស់សហរដ្ឋអាមេរិក អេហ្ស៊ីប និងកាតា កំពុងជួបជាមួយមន្ត្រីអ៊ីស្រាអែលនៅរាជធានីដូហា សម្រាប់កិច្ចពិភាក្សាស្វែងរកកិច្ចព្រមព្រៀងបទឈប់បាញ់ដែលអូសបន្លាយយូរមកហើយ និងការដោះដូរឈ្លើយសឹករបស់ក្រុមហាម៉ាស ដែលកំពុងជាប់នៅក្នុងពន្ធនាគារអ៊ីស្រាអែល។
មន្ត្រីក្រុមហាម៉ាសលើកឡើងពីក្តីបារម្ភថា ការវាយប្រហាររបស់អ៊ីស្រាអែលយ៉ាងធ្ងន់ធ្ងរក្នុងរយៈពេលប៉ុន្មានថ្ងៃថ្មីៗនេះអាចរារាំងការចរចា ខណៈក្រុមហាម៉ាសនៅតែចង់ឲ្យអ្នកសម្រុះសម្រួលអន្តរជាតិធានាថា កិច្ចចរចាបទឈប់បាញ់នៅទីក្រុងដូហា ត្រូវតែសម្រេចជាមួយបទឈប់បាញ់ជាអចិន្ត្រៃយ៍។
យ៉ាងណាក្តី នាយករដ្ឋមន្ត្រីអ៊ីស្រាអែល លោក Benjamin Netanyahu ទទូចថា លោកនឹងមិនយល់ព្រមចំពោះកិច្ចព្រមព្រៀងណាមួយដែលបង្ខំឲ្យអ៊ីស្រាអែល បញ្ចប់យុទ្ធនាការរបស់ខ្លួននៅហ្គាហ្សា ទាំងដែលមិនទាន់កម្ចាត់បាន ក្រុមហាម៉ាសឡើយ៕
អត្ថបទ៖ ប៊ុន សុភាព
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៥ ម៉ោង ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៨ ម៉ោង ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan