ព័ត៌មានអន្ដរជាតិ
អតីតរដ្ឋមន្ត្រីកសិកម្មឥណ្ឌូណេស៊ី ត្រូវជាប់ពន្ធនាគារ១០ឆ្នាំ ពាក់ព័ន្ធអំពើពុករលួយ
តុលាការប្រឆាំងអំពើពុករលួយឥណ្ឌូណេស៊ី នៅថ្ងៃព្រហស្បតិ៍ទី១១ ខែកក្កដា នេះ បានកាត់ទោសអតីតរដ្ឋមន្ត្រីក្រសួងកសិកម្មឲ្យជាប់ពន្ធនាគាររយៈពេល ១០ឆ្នាំ បន្ទាប់ពីរកឃើញថាមានពិរុទ្ធពាក់ព័ន្ធនឹងអំពើពុករលួយ ដូចជា ការជំរិតទារប្រាក់ ការរំលោភអំណាច និងការស៊ីសំណូក។
តុលាការក្នុងរដ្ឋធានីហ្សាការតា បានសម្រេចបញ្ជាឲ្យអតីតរដ្ឋមន្ត្រីកសិកម្ម លោក Syahrul Yasin Limpo បង់ប្រាក់ពិន័យចំនួន ៣០០លានរូពី ឬស្មើនឹង ១៨ ៥០០ដុល្លារ តែបើក្នុងករណីមិនបានបង់ប្រាក់ពិន័យ នោះនឹងលោក Limpo ត្រូវជាប់ពន្ធនាគាររយៈពេល ៤ខែបន្ថែមទៀត។
លោក Limpo ត្រូវបានចាប់ខ្លួន កាលពីខែតុលាឆ្នាំមុន ដោយគណៈកម្មការលុបបំបាត់អំពើពុករលួយឥណ្ឌូណេស៊ី។ នៅពេលនោះ លោក Limpo បានបដិសេធមិនព្រមទទួលស្គាល់កំហុសនោះឡើយ។
យ៉ាងណាមិញ នៅក្នុងដំណើរការសវនាការ មន្ត្រីក្រសួងជាច្រើន បានផ្តល់សក្ខីកម្មថា លេខាធិការដ្ឋាន អគ្គនាយកដ្ឋាន និងទីភ្នាក់ងារនានាក្នុងក្រសួង ត្រូវបានតម្រូវឲ្យបង់ថវិកាចំនួន ២០% របស់ពួកគេទៅឲ្យលោក Limpo ហាក់ដូចជាពួកគេជំពាក់បំណុលគាត់ ហើយគាត់បានគំរាមកំហែងដកការងាររបស់ពួកគេ ប្រសិនបើពួកគេបដិសេធការទាមទាររបស់គាត់។ កាន់តែអាក្រក់ជាងនេះទៅទៀត អាជីវករ និងអ្នកចែកចាយកសិកម្ម ក៏ត្រូវបានស្នើសុំឲ្យទុកប្រាក់មួយឡែក ដើម្បីបំពេញតាមការទាមទាររបស់រដ្ឋមន្ត្រីនាពេលនោះដែរ។
លោក Limpo បានប្រើប្រាស់លុយពុករលួយលើរថយន្តប្រណិត អំណោយ អាផាតមិន ការជួលយន្តហោះឯកជន កម្មវិធីជប់លៀងគ្រួសារ ព្រមទាំងសម្រាប់ពិធីសាសនា និងធម្មយាត្រា ជាដើម។ ប្រាក់សំណូកផ្សេងទៀតត្រូវលោក Limpo បានប្រើ ដើម្បីផ្តល់ជំនួយមនុស្សធម៌សម្រាប់ជនរងគ្រោះដោយគ្រោះមហន្តរាយ និងខ្លះទៀតយកទៅជូនដល់គណបក្សនយោបាយ Nasdem របស់លោក។
ប្រាក់សំណូកដែលលោក Limpo ទទួលបាន មានចំនួនសរុបប្រមាណ ២,៧លានដុល្លារ នៅចន្លោះពីខែមករា ឆ្នាំ២០២០ ដល់ខែតុលា ឆ្នាំ២០២៣។
លោក Limpo គឺជាអ្នកនយោបាយទី២ហើយនៅក្នុងគណបក្ស Nasdem ដែលត្រូវចោទប្រកាន់ពីអំពើពុករលួយ។ កាលពីមុន តុលាការឥណ្ឌូណេស៊ី បានកាត់ទោសលោក Johny G.Plate អតីតរដ្ឋមន្ត្រីទំនាក់ទំនង ឲ្យជាប់ពន្ធនាគារចំនួន ១៥ឆ្នាំ ពាក់ព័ន្ធអំពើពុករលួយក្នុងទំហំទឹកប្រាក់ ៥៣៣លានដុល្លារ សម្រាប់ការសាងសង់បង្គោលអង់តែនសេវាទូរសព្ទនៅតាមតំបន់ដាច់ស្រយាល។
គួរបញ្ជាក់ថា នេះគឺជាការអនុវត្តមួយនៅក្នុងយុទ្ធនាការប្រយុទ្ធប្រឆាំងនឹងអំពើពុករលួយរបស់ប្រធានាធិបតីឥណ្ឌូណេស៊ី លោក Joko Widodo មុនការបញ្ចប់អាណត្តិនាខែតុលាខាងមុខ។ កន្លងមក ធ្លាប់មានសមាជិក៥នាក់ផ្សេងទៀតនៃគណៈរដ្ឋមន្ត្រីរបស់លោក Widodo ត្រូវបានកាត់ទោសឲ្យជាប់ពន្ធនាគារក្នុងសំណុំរឿងពុករលួយ៕
ដោយ៖ ឈាង
ឧបការីរដ្ឋមន្រ្តីក្រសួងសន្តិសុខសាធារណៈចិនទស្សនៈកិច្ចនៅច្រកទ្វាអន្តរជាតិប៉ោយប៉ែត
មេបញ្ជាការកងទ័ពជើងគោកកម្ពុជា ណែនាំឱ្យកងទ័ព រក្សាទំនាក់ទំនងល្អជាមួយភាគីថៃ មិនបំពានគ្នា
ប្រធានកិត្តិយសនៃសមាគមមូលនិធិអភិរក្សដំរីអៃរាវត្តាខ្មែរ ទៅមើលផ្ទាល់ការថែទាំកូនដំរីឈ្មោះ«លំផាត់» នៅសួនសត្វភ្នំតាម៉ៅ
ជនជាតិចិនម្នាក់ ត្រូវនគរបាលបណ្ដេញចេញពីប្រទេសកម្ពុជា
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យឆះផ្ទះលក់កុំព្យូទ័រ
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
មេណាតូ ជំរុញឲ្យ ហ្សេលេនស្គី ផ្សះផ្សាទំនាក់ទំនងជាមួយលោក ត្រាំ
-
ព័ត៌មានអន្ដរជាតិ៥ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៧ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ agoគ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ