Connect with us

ព័ត៌មានអន្ដរជាតិ

លោក បៃដិន ខ្មាសគេលើឆាក ដោយច្រឡំហៅលោក ហ្សេលេនស្គី ថា “ពូទីន” 

បានផុស

នៅ

តាមការចុះផ្សាយរបស់ BBC នៅថ្ងៃសុក្រទី១២ខែកក្កដា, ប្រធានាធិបតី​អាមេរិក លោក ចូ បៃដិន បានច្រឡំហៅ​មេដឹកនាំ​អ៊ុយក្រែន​ វ្ល៉ាឌីមៀរ ហ្សេលេនស្គី ថា ​ប្រធានាធិបតី​រុស្ស៊ី វ្ល៉ាឌីមៀរ ពូទីន ក្នុង​ព្រឹត្តិការណ៍​មួយ​នៅ​ទីក្រុង វ៉ាស៊ីនតោន ឌីស៊ី។

(រូបថត៖ Getty)

ភាពអាម៉ាស់នេះកើតឡើង នៅពេលលោកបៃដិន ទទួលធ្វើជាម្ចាស់ផ្ទះ នៃពិធីបើកព្រឹត្តិការណ៍គំនិតផ្តួចផ្តើម Ukraine Compact ដើម្បីចុះហត្ថលេខាលើកិច្ចព្រមព្រៀងសន្តិសុខទ្វេភាគីជាមួយទីក្រុងកៀវ។

អមដោយមេដឹកនាំណាតូនិងសហភាពអឺរ៉ុប ប្រធានាធិបតីអាមេរិក បានថ្លែងសុន្ទរកថាខ្លីមួយ ហើយត្រៀមឲ្យលោកហ្សេលេនស្គី ឡើងវេទិកាដើម្បីថ្លែងសុន្ទរកថាបន្ត។

ពេលអញ្ជើញលោក ហ្សេលេនស្គី ឡើងឆាក, លោកបៃដិន និយាយថា “​ឥឡូវ​នេះ ខ្ញុំ​ចង់​ប្រគល់នាទីនេះទៅ​ឲ្យ​ប្រធានាធិបតី​អ៊ុយក្រែន​ ដ៏​ក្លាហាន”។

(រូបថត៖ PA)

ទោះបីជាយ៉ាងណាក៏ដោយ ទស្សនិកជនមានការហួសចិត្តជាខ្លាំង ព្រោះលោក បៃដិន មិនមែនហៅលោក ហ្សេលេនស្គី ប៉ុន្តែបែរជាហៅឈ្មោះប្រធានាធិបតីរុស្ស៊ី វ្ល៉ាឌីមៀរ ពូទីន ទៅវិញ! “សុភាពបុរសសុភាពនារីទាំងឡាយ សូមស្វាគមន៍ប្រធានាធីបតី ពូទីន” ប៉ុន្តែភ្លាមៗនោះ លោកក៏បានកែតម្រូវវិញ។

រឿងនេះធ្វើឲ្យអ្នកគាំទ្រជាពិសេសសមាជិកគណបក្សប្រជាធិបតេយ្យផ្ទាល់ កាន់តែយកចិត្តទុកដាក់អំពីបញ្ហាសុខភាពផ្លូវចិត្តរបស់លោក បៃដិន ហើយព្រួយបារម្ភខ្លាំងចំពោះសមត្ថភាពរបស់គាត់ក្នុងការទៅប្រជែងជាមួយលោក ដូណាល់ ត្រាំ ក្នុងការបោះឆ្នោតខែវិច្ឆិកា។

(រូបថត៖ UPI)

ជាក់ស្តែង ក្រោយពេលធ្វើមិនបានល្អក្នុងការជជែកដេញដោល កាលពីខែមុនជាមួយបេក្ខជនខាងគណបក្សសាធារណរដ្ឋ, អ្នកនយោបាយគណបក្សប្រជាធិបតេយ្យជាច្រើន និងអ្នកផ្តល់ជំនួយសំខាន់ៗ ក៏ដូចជាបណ្តាញសារព័ត៌មានឈានមុខរបស់សហរដ្ឋអាមេរិកផងដែរ បានជំរុញឲ្យលោក បៃដិន ដកបេក្ខភាពទៅ ហើយជំនួសដោយអ្នកថ្មីដែលខ្លាំងជាងនេះ។

យ៉ាងណា លោក បៃដិន បានច្រានចោលក្តីកង្វល់ទាំងឡាយអំពីអាយុ និងបញ្ហាផ្លូវចិត្តរបស់គាត់ ដោយទទូចថា គ្មាននរណាល្អជាងគាត់ទេ ដើម្បីផ្តួលលោក ត្រាំ នៅខែវិច្ឆិកា៕

សូមទស្សនាវីដេអូ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សុខ​ សុវណ្ណ

ចុចអាន៖ លោក បៃ ដិន ប្តេជ្ញាបន្តឈរឈ្មោះតទល់ជាមួយលោក ត្រាំ ទោះមានការអំពាវនាវឲ្យដកខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២៨ នាទីutes មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ៣៣ នាទីutes មុន

កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម

ព័ត៌មានជាតិ៤៨ នាទីutes មុន

១៧ ខេត្តក្នុង​ចំណោម ២៥ រាជធានីខេត្ត ​បញ្ចប់​ចុះ​​តាមដាន​ការ​អនុវត្ត​យានយន្តកែច្នៃខុសលក្ខណៈបច្ចេកទេស

ព័ត៌មានអន្ដរជាតិ៥០ នាទីutes មុន

អ៊ីស្រាអែល​​សម្លាប់​មនុស្ស​ជិត ៩០០​នាក់ ចាប់​តាំង​ពី​​​លែង​អនុវត្ត​​បទ​ឈប់​បាញ់​នៅ​តំបន់ហ្គាហ្សា

ព័ត៌មានជាតិ១ ម៉ោង មុន

វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា

ព័ត៌មានអន្ដរជាតិ២១ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៩ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ២១ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ២០ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ៤ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

Sokha Hotels

ព័ត៌មានពេញនិយម