គ្រូពេទ្យ​អាមេរិកម្នាក់ ព្រមានពី​​រោគសញ្ញាលើ​ស្បែក​មួយ​ប្រភេទ ​មានឱកាសកើត​មហារីក

កាលពីពេលថ្មីៗនេះ វេជ្ជបណ្ឌិត Scott Walter ដែលជាគ្រូពេទ្យជំនាញខាងសើស្បែកមកពីទីក្រុង Denver ​សហរដ្ឋអាមេរិក បានបង្ហោះវីដេអូព្រមានទៅកាន់អ្នកតាមដាន ១.២ លាននាក់របស់ខ្លួននៅលើ TikTok ឈ្មោះ denverskindoc ថាសូមឲ្យប្រុងប្រយ័ត្នចំពោះរោគសញ្ញាចម្លែកៗ ដែលអាចជាសញ្ញាព្រមាននៃជំងឺធ្ងន់ធ្ងរនៅក្នុងខ្លួន។

រោគសញ្ញាគឺការរីកលូតលាស់យ៉ាងឆាប់រហ័សនៃសក់ពណ៌សរាងសសៃឆ្មា និងនៅកន្លែងដែលជាធម្មតាគ្មានសក់អាចមានន័យថាអ្នកមានជំងឺស្បែកដ៏កម្រមួយហៅថា acquired hypertrichosis lanuginosa (HLA)។ ដុំពកទាំងនេះ ជាធម្មតាដុះនៅលើត្រចៀក ថ្ពាល់ និងច្រមុះ ហើយត្រូវបានផ្សារភ្ជាប់ទៅនឹងមហារីកសួត សុដន់ ស្បូន និងមហារីកពោះវៀនធំ មហារីកក្រពះពោះវៀន មហារីកផ្លូវទឹកនោម និងមហារីកអូវែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Walter​ បានបញ្ចាក់ទៀតថា គួរឲ្យភ្ញាក់ផ្អើលបំផុតរោគសញ្ញានេះអាចកើតឡើងរហូតដល់ ២ឆ្នាំកន្លះ មុនពេលធ្វើរោគវិនិច្ឆ័យមហារីក មានន័យថា វាអាចជាសញ្ញាដំបូងដែលបង្ហាញថា អ្នកមានជំងឺមហារីក “ប៉ុន្តែខ្ញុំសូមបញ្ជាក់ម្តងទៀត នេះគឺជាលក្ខខណ្ឌដ៏កម្រមួយ ហើយខ្ញុំមិនមានបំណងចង់បំភ័យអ្នកទេ។ ខ្ញុំគ្រាន់តែចង់ឲ្យគ្រប់គ្នាដឹងថា ស្បែករបស់យើងអាចប្រាប់យើងនូវអ្វីដែលកំពុងកើតឡើងនៅក្នុងខ្លួន។”

យោងតាមមជ្ឈមណ្ឌលព័ត៌មានហ្សែន និងជំងឺកម្រ ជនជាតិអាមេរិកតិចជាង ១,០០០នាក់ មានរោគសញ្ញាទូទៅផ្សេងទៀតរួមមានអណ្តាតរលាក និងហើមនៅលើអណ្តាត។ ការផ្លាស់ប្តូររសជាតិ រាគ និងស្រកទម្ងន់ជាដើម។

ទោះ​ជា​យ៉ាង​ណា កន្លង​មក​មាន​ករណី​ស្ត្រី​អាយុ ៦៨ ឆ្នាំ​ម្នាក់ ដែល​មាន​អារម្មណ៍​ថា​អណ្តាតក្ដៅដូចជាមាន​ភ្លើង​ឆេះ រួមទាំងសក់សសៃឆ្មារដុះពេញផ្ទៃមុខ ហើយបន្ទាប់ពីពិនិត្យយ៉ាងម៉ត់ចត់ នាងត្រូវបានគេធ្វើរោគវិនិច្ឆ័យថាមានជំងឺមហារីករន្ធគូថនិងត្រូវបានបញ្ជូនទៅព្យាបាលដោយវិទ្យុសកម្ម។​ វេជ្ជបណ្ឌិតកត់សម្គាល់ថាសក់អាចឈប់លូតលាស់ប្រសិនបើពួកគេអាចព្យាបាលជំងឺមហារីកមូលដ្ឋាន៕

អត្ថបទ៖​ សាង ស្រីល័ក្ខ

ចុចអាន៖ស្រ្តី តៃវ៉ាន់ ទម្ងន់៤៨គីឡូ បែរកើតជំងឺខ្លាញ់រុំថ្លើម ដោយសារផឹកទឹកផ្លែស្រស់ជំនួសបាយរាល់ថ្ងៃ