Connect with us

ព័ត៌មានអន្ដរជាតិ

ណាតូ ចេញសេចក្តីថ្លែងការណ៍សំខាន់៩ចំណុច នៅថ្ងៃបិទកិច្ចប្រជុំកំពូល

បានផុស

នៅ

សហរដ្ឋអាមេរិក បានធ្វើជាម្ចាស់ផ្ទះនៃកិច្ចប្រជុំកំពូលណាតូឆ្នាំ២០២៤ ដែលប្រព្រឹត្តិទៅចាប់ពីថ្ងៃទី៩ ដល់ ១១ខែកក្កដានៅទីក្រុងវ៉ាស៊ីនតោន ឌីស៊ី ហើយនេះគឺជាការប្រារព្ធខួបលើកទី ៧៥ជាប្រវត្តិសាស្ត្រ នៃសម្ព័ន្ធភាពយោធាដែលដឹកនាំដោយ សហរដ្ឋអាមេរិក។

(រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំកំពូលនៅវ៉ាស៊ីនតោន មានការចូលរួមពីសំណាក់សមាជិកណាតូទាំង៣២ប្រទេស ដើម្បីបង្ហាញពីភាពរឹងមាំ និងការរួបរួមនៃសម្ព័ន្ធអន្តរអាត្លង់ទិកមួយនេះ ហើយនៅចុងបញ្ចប់ ពួកគេបានចេញសេចក្តីថ្លែងការណ៍សំខាន់ៗ ចំនួន៩ចំណុចមានដូចខាងក្រោម៖

១. ប្រទេសជាង២០ ព្រមទាំងសហភាពអឺរ៉ុប (EU) ផងដែរ បានចុះហត្ថលេខាលើឯកសារមួយដើម្បីបង្កើនជំនួយយោធាដល់អ៊ុយក្រែន។

២. ប្រទេសណាតូទាំងអស់ បានសន្យាផ្តល់ជំនួយដល់អ៊ុយក្រែនទឹកប្រាក់ ៤០ពាន់លានអឺរ៉ូ ប៉ុន្តែសម្រាប់តែឆ្នាំ២០២៥ប៉ុណ្ណោះ ខណៈព័ត៌មានលម្អិតបន្ថែម នឹងត្រូវពិភាក្សានៅពេលក្រោយ។

៣. ណាតូនឹងអាប់ដែតព័ត៌មាន អំពីការអភិវឌ្ឍនិងការអនុវត្តប្រព័ន្ធការពារដែនអាកាស របស់អ៊ុយក្រែន ដើម្បីឲ្យមានភាពស៊ីសង្វាក់គ្នាយ៉ាងពេញលេញជាមួយប្លុកនេះ។

៤. ណាតូនឹងតែងតាំងអ្នកតំណាងជាន់ខ្ពស់មួយរូប ប្រចាំនៅទីក្រុងកៀវ ដើម្បីសម្របសម្រួលកិច្ចខិតខំប្រឹងប្រែងជាមួយអាជ្ញាធរមូលដ្ឋាន។

៥. បណ្តាប្រទេសណាតូ នឹងបន្តអញ្ជើញអ៊ុយក្រែន ឲ្យចូលរួមក្នុងប្លុក ហើយនឹងគាំទ្រដល់កិច្ចខិតខំប្រឹងប្រែងរបស់អ៊ុយក្រែន ទាំងដែលខ្លួនបន្តកំណែទម្រង់នៅក្នុងប្រទេស។ ទោះបីជាយ៉ាងណាក៏ដោយ ចំពោះរឿងនេះ អ៊ុយក្រែន ក៏ត្រូវតែបំពេញតាមលក្ខខណ្ឌឲ្យបានពេញលេញដែរ។

៦. មជ្ឈមណ្ឌលបណ្តុះបណ្តាលណាតូថ្មីសម្រាប់អ៊ុយក្រែន ដែលមានទីតាំងនៅប្រទេសប៉ូឡូញ នឹងត្រូវបានរៀបចំសម្រាប់ការសិក្សាអំពីជម្លោះ។

៧. ប្រធានាធិបតីបារាំងលោក Emmanuel Macron បានប្រកាសអំពីការគាំទ្ររបស់គាត់ចំពោះអ៊ុយក្រែនជារៀងរហូត។

៨. ប្រធានាធិបតីតួកគី Recep Tayyip Erdogan យល់ឃើញថា វាជារឿងដែលមិនអាចទទួលយកបានទាល់តែសោះ ដែលណាតូគួ នឹងក្លាយជាភាគីនៃជម្លោះអ៊ុយក្រែន។

៩. អធិការបតីអាល្លឺម៉ង់លោក Olaf Scholz សន្យាថា នឹងពិចារណាផ្តល់គ្រាប់ សម្រាប់យន្តហោះចម្បាំង F-16 របស់អ៊ុយក្រែន ប្រសិនបើត្រូវបានស្នើសុំ។

(រូបថត៖ AP)

សូមបញ្ជាក់ថា កិច្ចប្រជុំកំពូលណាតូឆ្នាំ២០២៥ នឹងប្រព្រឹត្តទៅនៅវេទិកាពិភពលោកក្នុងទីក្រុងឡាអេ ប្រទេសហូឡង់ ចាប់ពីថ្ងៃទី២៤ដល់ថ្ងៃទី២៦ខែមិថុនា៕

អត្ថបទ៖ សុខ សុវណ្ណ

ចុចអាន៖ លោក បៃដិន ខ្មាសគេលើឆាក ដោយច្រឡំហៅលោក ហ្សេលេនស្គី ថា “ពូទីន”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២៥ នាទីutes មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ៣០ នាទីutes មុន

កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម

ព័ត៌មានជាតិ៤៥ នាទីutes មុន

១៧ ខេត្តក្នុង​ចំណោម ២៥ រាជធានីខេត្ត ​បញ្ចប់​ចុះ​​តាមដាន​ការ​អនុវត្ត​យានយន្តកែច្នៃខុសលក្ខណៈបច្ចេកទេស

ព័ត៌មានអន្ដរជាតិ៤៧ នាទីutes មុន

អ៊ីស្រាអែល​​សម្លាប់​មនុស្ស​ជិត ៩០០​នាក់ ចាប់​តាំង​ពី​​​លែង​អនុវត្ត​​បទ​ឈប់​បាញ់​នៅ​តំបន់ហ្គាហ្សា

ព័ត៌មានជាតិ១ ម៉ោង មុន

វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា

ព័ត៌មានអន្ដរជាតិ២១ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៩ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ២១ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ២០ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ៤ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

Sokha Hotels

ព័ត៌មានពេញនិយម