ព័ត៌មានអន្ដរជាតិ
បារាំង ដឹកជនអនាថាទាំងឡានៗចេញពីប៉ារីស មុនព្រឹត្តិការណ៍កីឡាអូឡាំពិក
រដ្ឋាភិបាលបារាំង បានដាក់ជនអន្តោប្រវេសន៍អនាថារាប់ពាន់នាក់នៅលើឡានក្រុង ហើយបញ្ជូនពួកគេចេញពីទីក្រុងប៉ារីស។ ការបញ្ជូនចេញនេះ ធ្វើឡើងនៅមុនព្រឹត្តិការណ៍អូឡាំពិក ដែលត្រៀមនឹងប្រារព្ធចាប់ពីថ្ងៃទី២៦ ខែកក្កដា រហូតដល់ថ្ងៃទី១១ ខែសីហាខាងមុខ។
ជនអន្ដោប្រវេសន៍ដែលត្រូវបានបញ្ជូនចេញ បាននិយាយថា រដ្ឋាភិបាលបានសន្យានឹងឲ្យពួកគេមានកន្លែងស្នាក់នៅផ្សេង ដោយត្រូវបញ្ឈប់ការរស់នៅលើដងផ្លូវពាសវាសពាសកាល និងនៅតាមកន្លែងហាមឃាត់បន្តទៀត។
ប្រធានាធិបតីបារាំង លោក Emmanuel Macron បានសន្យាថា ព្រឹត្តិការណ៍កីឡាអូឡាំពិកនឹងបង្ហាញពីភាពអស្ចារ្យរបស់ប្រទេស។ ប៉ុន្តែបើក្រឡេកមើលភូមិអូឡាំពិកវិញ បែរជាត្រូវបានសាងសង់នៅជាយក្រុង ដែលជាកន្លែងដ៏ក្រីក្របំផុតមួយរបស់ទីក្រុងប៉ារីស ខណៈទីនោះមានមនុស្សរាប់ពាន់នាក់រស់នៅតាមដងផ្លូវ តង់ ឬអគារដែលគេបោះបង់ចោល។
លោក Mohamed Ibrahim ជាជនអន្តោប្រវេសន៍អនាថាម្នាក់ មកពីប្រទេសឆាដ ដែលត្រូវបានបណ្តេញចេញពីរោងចក្រស៊ីម៉ងត៍ដែលគេបោះបង់ចោលនៅជិតភូមិអូឡាំពិក បាននិយាយថា “យើងត្រូវបានគេបណ្តេញចេញដោយសារតែការប្រកួតកីឡាអូឡាំពិក”។ កាលពីខែមេសាកន្លងទៅ លោក Ibrahim ត្រូវបានផ្លាស់ឲ្យទៅរស់នៅអគារទំនេរមួយនៅទីក្រុង Orléans ស្ថិតនៅភាគខាងត្បូងទីក្រុងប៉ារីស ដោយធ្វើដំណើរតាមឡានក្រុងអស់រយៈពេល២ម៉ោង។
ពាក់ព័ន្ធនឹងការជម្លៀសជនអនាថាចេញពីទីក្រុងប៉ារីសនេះ រដ្ឋាភិបាលរបស់លោក Macron បាននិយាយថា នេះជាកម្មវិធីស្ម័គ្រចិត្តដែលមានបំណងកាត់បន្ថយការខ្វះខាតលំនៅឋានបន្ទាន់របស់ទីក្រុងប៉ារីសប៉ុណ្ណោះ។
យោងតាមលោក Christophe Noël du Payrat មន្ត្រីរដ្ឋាភិបាលជាន់ខ្ពស់នៅទីក្រុងប៉ារីស បានឲ្យដឹងថា នៅជុំវិញទីក្រុងកាលពីឆ្នាំមុន ប៉ូលិស និងតុលាការបានបណ្តេញជនអនាថាប្រហែល ៥០០០នាក់ ដែលភាគច្រើនគឺជាក្រុមបុរសៗនៅលីវ។ មន្ត្រីទីក្រុង បានលើកទឹកចិត្តជនអនាថាទាំងនោះឲ្យឡើងឡានក្រុងទៅកាន់កន្លែងផ្សេងដូចជា ទីក្រុង Lyon ឬទីក្រុង Marseille ជាដើម។
សូមបញ្ជាក់ថា ប្រតិបត្តិការជម្លៀសជនអនាថាទៅកាន់តំបន់ផ្សេងក្រៅក្រុងប៉ារីស មិនមែនទើបតែធ្វើឡើងកាលពីពេលថ្មីៗនោះទេ។ កាលពីឆ្នាំ២០២៣ ជនអនាថាចំនួន ១០ម៉ឺននាក់ដែលរស់នៅក្នុង និងជុំវិញទីក្រុងប៉ារីស ត្រូវបានរដ្ឋាភិបាលបារាំងផ្លាស់ឲ្យទៅរស់នៅតាមជម្រកបណ្ដោះអាសន្នចំនួន១០កន្លែងនៅទូទាំងប្រទេស៕
ដោយ៖ ឈាង
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ