ព័ត៌មានអន្ដរជាតិ
រកឃើញគ្រឿងផលិតគ្រាប់បែក ក្នុងរថយន្តនិងផ្ទះខ្មាន់កាំភ្លើង ដែលបាញ់លោក ត្រាំ
តាមការបញ្ជាក់ពីមន្ត្រីច្បាប់ប្រាប់ទៅ AP នៅថ្ងៃចន្ទទី១៥ខែកក្កដាឆ្នាំ២០២៤, គ្រឿងផលិតគ្រាប់បែក ត្រូវបានរកឃើញក្នុងរថយន្តនិងផ្ទះរបស់ខ្មាន់កាំភ្លើង Thomas Matthew Crooks។
គ្រឿងទាំងនេះ ត្រូវបានរកឃើញក្នុងប្រតិបត្តិការឆែកឆេរផ្ទះរបស់ខ្មាន់កាំភ្លើងបាញ់លោក ដូណាល់ ត្រាំ នៅឯភូមិ Bethel Park នៃរដ្ឋ Pennsylvania។ ទោះបីជាយ៉ាងណាក៏ដោយ FBI មិនទាន់បញ្ចេញព័ត៌មានលម្អិតថាតើពួកគេរកឃើញគ្រឿងអ្វីខ្លះទេ គ្រាន់តែថា ពេលនេះ FBI កំពុងវិភាគលើអ្វីដែលពួកគេរកឃើញ។
បច្ចុប្បន្ន ក៏មានការចោទជាសំណួរដែរថាតើ ខ្មាន់កាំភ្លើងអាចចូលទៅជិតលោក ត្រាំ បានដោយរបៀបណា ព្រោះដំបូលដែលខ្មាន់កាំភ្លើងប្រើជាទីតាំងបាញ់ប្រហារ គឺស្ថិតនៅចម្ងាយមិនដល់១៥០ម៉ែត្រផង ពីកន្លែងដែលអតីតប្រធានាធិបតីកំពុងថ្លែងទៅកាន់អ្នកគាំទ្រ។
ស្របពេលជាមួយគ្នានោះ ក្រុមអ្នកស៊ើបអង្កេតរកឃើញថា អាវុធដែល Crooks ប្រើគឺត្រូវបានទិញដោយឪពុករបស់គាត់ កាលពី៦ខែមុន ហើយក្រុមមន្ត្រីនៅតែកំពុងស៊ើប ដើម្បីរកឲ្យឃើញថាតើ Crooks ទទួលបានកាំភ្លើងដោយរបៀបណា និងពេលណាឲ្យប្រាកដ។
ទោះបីជាយ៉ាងណាក៏ដោយ មូលហេតុដែលជំរុញចិត្តខ្មាន់កាំភ្លើង ឲ្យបាញ់ប្រហារប៉ងយកជីវិតលោក ត្រាំ នៅមិនទាន់ត្រូវបានគេដឹងច្បាស់នៅឡើយទេ។
សូមបញ្ជាក់ជាថ្មី លោក ត្រាំ ត្រូវខ្មាន់កាំភ្លើង លបបាញ់ប្រហារចំនួន៩គ្រាប់ ខណៈពេលលោក ចូលរួមក្នុងពិធីជួបជុំអ្នកគាំទ្រសម្រាប់យុទ្ធនាការឃោសនាបោះឆ្នោតនៅទីក្រុង Butler នៃរដ្ឋ Pennsylvania។ មនុស្ស២នាក់ត្រូវបានសម្លាប់ ក្នុងនោះមានម្នាក់ជាខ្មាន់កាំភ្លើង និងម្នាក់ជាអ្នកចូលរួមពិធីជួបជុំ ខណៈ២នាក់ទៀត រងរបួសធ្ងន់។ យ៉ាងណា លោក ត្រាំ មិនគ្រោះថ្នាក់ដល់អាយុជីវិតទេ គ្រាន់តែរបួសត្រង់ត្រចៀកប៉ុណ្ណោះ៕
អត្ថបទ៖ សុខ សុវណ្ណ
ចុចអាន៖ ចូ បៃដិន អំពាវនាវឲ្យប្រជាជនអាមេរិក កុំដុតកម្តៅនយោបាយ ក្រោយការវាយប្រហារលោក ត្រាំ
-
ព័ត៌មានអន្ដរជាតិ៤ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម៦ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ៦ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១ សប្តាហ៍ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ព័ត៌មានអន្ដរជាតិ៣ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
សន្តិសុខសង្គម១ សប្តាហ៍ ago
ផ្គររន្ទះបាញ់សម្លាប់ស្ត្រីវ័យ៣០ឆ្នាំម្នាក់ ខណៈកំពុងឃ្វាលគោតាមវាលស្រែ
-
ជីវិតកម្សាន្ដ៤ ថ្ងៃ ago
មិនមែនជាការស្លាប់ធម្មតា ប៉ូលីសបានរកឃើញថ្នាំជាច្រើន ក្នុងបន្ទប់ Liam ដែលមានភាពរញ៉េរញ៉ៃ
-
ព័ត៌មានអន្ដរជាតិ៧ ថ្ងៃ ago
ហេតុអ្វីឆ្នាំនេះ ព្យុះសាហាវៗម្ល៉េះ?