ព័ត៌មានអន្ដរជាតិ
រុស្ស៊ី ចោទប្រកាន់រដ្ឋបាលលោក បៃដិន ថាបង្កើតបរិយាកាសនាំឲ្យមានការប៉ុនប៉ងធ្វើឃាតលោក ត្រាំ
វិមានក្រឹមឡាំង បានប្រកាសថា ខ្លួនមិនជឿការប៉ុនប៉ងធ្វើឃាតលោក ដូណាល់ ត្រាំ គឺជាការរៀបចំឡើងដោយរដ្ឋបាលរបស់លោក ចូ បៃដិន នោះឡើយ ប៉ុន្តែរុស្ស៊ីបានចោទប្រកាន់ទៅលើការគ្រប់គ្រងរបស់ប្រធានាធិបតីអាមេរិកបច្ចុប្បន្ន ដែលបានបង្កើតឲ្យមានបរិយាកាសលួចវាយប្រហារយ៉ាងដូច្នេះ។
អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មានថា “យើងមិនជឿថាការប៉ុនប៉ងដើម្បីកម្ចាត់ និងធ្វើឃាតលោក ត្រាំ ត្រូវបានរៀបចំឡើងដោយអាជ្ញាធរបច្ចុប្បន្ននោះទេ។ ប៉ុន្តែបរិយាកាសជុំវិញបេក្ខភាពលោក ត្រាំ… បង្កឲ្យមានអ្វីដែលអាមេរិកកំពុងប្រឈមមុខនៅថ្ងៃនេះ»។ លោក Peskov បានបន្ថែមថា មានការប៉ុនប៉ងជាច្រើនដើម្បីដកបេក្ខជនលោក ត្រាំ ចេញពីឆាកនយោបាយ ដោយជាជំហានដំបូងបានប្រើផ្លូវច្បាប់ បន្ទាប់មកតុលាការ ព្រះរដ្ឋអាជ្ញា និងការធ្វើឲ្យខូចកិត្តិយសផ្នែកនយោបាយ ជាដើម ដែលកត្តាទាំងអស់នេះហើយធ្វើឲ្យជីវិតរបស់លោក ត្រាំ បានស្ថិតនៅក្នុងគ្រោះថ្នាក់។
លោក Peskov បាននិយាយថា ប្រទេសរុស្ស៊ីបានថ្កោលទោសចំពោះអំពើហិង្សាណាមួយដែលកើតមានឡើងនៅក្នុងចលនាតស៊ូផ្នែកនយោបាយ។ ទន្ទឹមនោះ លោក ក៏បានបញ្ជាក់ដែរថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន មិនមានគម្រោងហៅទូរស័ព្ទទៅលោក ត្រាំ ជុំវិញឧប្បត្តិហេតុនោះទេ។
ការលើកឡើងរបស់អ្នកនាំពាក្យរុស្ស៊ី បានធ្វើឡើងបន្ទាប់ពីសម្ព័ន្ធមិត្តបក្សសាធារណៈរដ្ឋមួយចំនួនរបស់លោក ត្រាំ បានបន្ទោសភ្លាមៗទៅលើលោក បៃដិន ក្រោយហេតុការណ៍ត្រូវខ្មាន់កាំភ្លើងលួចបាញ់ប្រហារ កាលពីថ្ងៃសៅរ៍ទី១៣ ខែកក្កដា ឆ្នាំ២០២៤។
មេដឹកនាំរុស្ស៊ី លោក ពូទីន ធ្លាប់បាននិយាយថា លទ្ធផលនៃការបោះឆ្នោតប្រធានាធិបតីអាមេរិក ទំនងជាមិនផ្លាស់ប្តូរអ្វីទាំងអស់សម្រាប់រុស្ស៊ី ហើយថា កាលអាណត្តិលោក ត្រាំ ធ្វើជាប្រធានាធិបតី ក៏មិនបានធ្វើឲ្យទំនាក់ទំនងអាមេរិក និងរុស្ស៊ី ល្អប្រសើរអ្វីនោះឡើយ។
យ៉ាងណាមិញ មេដឹកនាំរុស្ស៊ី បានបង្ហាញពីការចាប់អារម្មណ៍ចំពោះសេចក្តីថ្លែងការណ៍របស់លោក ត្រាំ ពាក់ព័ន្ធនឹងការបញ្ចប់សង្រ្គាមនៅអ៊ុយក្រែន។ លោក ពូទីន បាននិយាយថា លោកមិនដឹងពីព័ត៌មានលម្អិតពីគម្រោងបញ្ចប់សង្គ្រាមនៅអ៊ុយក្រែនរបស់លោក ត្រាំ ទេ ប៉ុន្តែលោកគាំទ្រគំនិតនៃគោលការណ៍បញ្ចប់សង្រ្គាមនេះ។
សូមបញ្ជាក់ជាថ្មី លោក ត្រាំ ត្រូវខ្មាន់កាំភ្លើង លបបាញ់ប្រហារចំនួន៩គ្រាប់ ខណៈពេលលោក ចូលរួមក្នុងពិធីជួបជុំអ្នកគាំទ្រសម្រាប់យុទ្ធនាការឃោសនាបោះឆ្នោតនៅទីក្រុង Butler នៃរដ្ឋ Pennsylvania។ មនុស្ស២នាក់ត្រូវបានសម្លាប់ ក្នុងនោះមានម្នាក់ជាខ្មាន់កាំភ្លើង និងម្នាក់ជាអ្នកចូលរួមពិធីជួបជុំ ខណៈ២នាក់ទៀត រងរបួសធ្ងន់។ យ៉ាងណា លោក ត្រាំ មិនគ្រោះថ្នាក់ដល់អាយុជីវិតទេ គ្រាន់តែរបួសត្រង់ត្រចៀកប៉ុណ្ណោះ៕
ដោយ៖ ឈាង
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់