ព័ត៌មានអន្ដរជាតិ
មន្ត្រីទូតជាន់ខ្ពស់កូរ៉េខាងជើង លួចរត់ពីគុយបា ចូលទៅកូរ៉េខាងត្បូង
មន្ត្រីការទូតជាន់ខ្ពស់កូរ៉េខាងជើងម្នាក់ ដែលមានមូលដ្ឋាននៅប្រទេសគុយបា បានរត់ភៀសខ្លួនចូលទៅកូរ៉េខាងត្បូងកាលពីខែវិច្ឆិកា ដែលនេះគឺជាករណីរត់ចោលស្រុកចុងក្រោយ និងថ្មីបំផុតរបស់មន្ត្រីទូតជាន់ខ្ពស់របស់ក្រុងព្យុងយ៉ាង គិតចាប់តាំងពីឆ្នាំ២០១៦។ នេះបើយោងតាមការចុះផ្សាយរបស់សារព័ត៌មានកូរ៉េខាងត្បូង Chosun Ilbo នៅថ្ងៃអង្គារទី១៦ ខែកក្កដា ឆ្នាំ២០២៤។
![](https://www.kampucheathmey.com/wp-content/uploads/2024/07/ad76fdc1-north-korea-anniversary-1.webp)
មន្ត្រីជាន់ខ្ពស់ដែលលួចរត់ចោលស្រុក មានឈ្មោះថា Ri Il Kyu អាយុ៥២ឆ្នាំ មានតួនាទីជាមន្ត្រីទីប្រឹក្សានៅឯស្ថានទូតកូរ៉េខាងជើង ប្រចាំប្រទេសគុយបា។ លោក Ri បានប្រាប់ថា ក្នុងចំណោមការងាររបស់លោកនៅស្ថានទូត គឺរារាំងកូរ៉េខាងត្បូង និងគុយបា ផ្សារភ្ជាប់ទំនាក់ទំនងនឹងគ្នា។ យ៉ាងណាមិញ ការរារាំងនេះមិនបានសម្រេចនោះទេ ពោលគឺកូរ៉េខាងត្បូង និងគុយបា បានបង្កើតទំនាក់ទំនងការទូតជាមួយគ្នា កាលពីខែកុម្ភៈកន្លងទៅ។
លោក Ri បានចូលបម្រើការងារនៅក្រសួងការបរទេសកូរ៉េខាងជើងក្នុងឆ្នាំ១៩៩៩ ហើយបានទទួលការសរសើរពីមេដឹកនាំកូរ៉េខាងជើងលោក គីម ជុងអ៊ុន សម្រាប់ការចរចាដោយជោគជ័យជាមួយប៉ាណាម៉ា ដើម្បីដោះលែងកប៉ាល់កូរ៉េខាងជើងមួយគ្រឿងដែលត្រូវបានឃាត់ទុក ពាក់ព័ន្ធនឹងការលួចដឹកអាវុធចេញពីគុយបា កាលពីឆ្នាំ២០១៣។
អតីតមន្ត្រីកូរ៉េខាងជើងរូបនេះ បានបញ្ជាក់ថា មូលហេតុដែលលោកលួចរត់ ព្រោះតែការមិនពេញចិត្តនឹងរបបដឹកនាំកូរ៉េខាងជើង និងការវាយតម្លៃអយុត្តិធម៌ចំពោះការងាររបស់លោក។
ករណីរត់ចោលស្រុកទៅកូរ៉េខាងត្បូងរបស់មន្ត្រីជាន់ខ្ពស់កូរ៉េខាងជើង កាលពីលើកមុន គឺលោក Tae Yong-ho អតីតឯកអគ្គរដ្ឋទូតរងប្រចាំចក្រភពអង់គ្លេស កាលពីឆ្នាំ២០១៦។
សូមបញ្ជាក់ថា រាល់ព័ត៌មានលម្អិតទាក់ទិននឹងការរត់ចោលស្រុករបស់កូរ៉េខាងជើង រមែងចាយពេលរាប់ខែទម្រាំត្រូវបានទម្លាយឲ្យសាធារណជនបានដឹងឮ នេះក៏ព្រោះតែជនរត់ចោលស្រុកទាំងនោះត្រូវតម្រូវឲ្យស្ថិតនៅក្រោមការស៊ើបអង្កេតពីអាជ្ញាធរ ព្រមទាំងត្រូវឆ្លងកាត់វគ្គបណ្ដុះបណ្ដាលអំពីប្រព័ន្ធ និងសង្គមកូរ៉េខាងត្បូងជាមុនសិន។
កូរ៉េខាងជើង កាលពីឆ្នាំ២០២៣ បានបិទស្ថានទូតមួយចំនួន ដើម្បីរៀបចំឡើងវិញនូវប្រសិទ្ធភាពមន្ត្រីការទូតរបស់ខ្លួន ហើយការបិទនេះទៀតសោត ត្រូវកូរ៉េខាងត្បូងនិយាយថា វាពាក់ព័ន្ធនឹងការដាក់ទណ្ឌកម្មរបស់អន្តរជាតិទៅលើកូរ៉េខាងជើង៕
ដោយ៖ ឈាង
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៥ ថ្ងៃ ago
អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ២ ថ្ងៃ ago
គម្រោងសាងសង់ផ្លូវជាតិលេខ ៧១C សម្រេចលទ្ធផល១០០% ត្រៀមដាក់សម្ពោធឆាប់ៗនេះ
-
ព័ត៌មានជាតិ១៣ ម៉ោង ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ២ ថ្ងៃ ago
សមាជិក ប.ស.ស ចំនួន ៣២០ នាក់ ហើយ បានដាក់ឯកសារស្នើសុំប្រាក់សោធន
-
ព័ត៌មានជាតិ១ សប្តាហ៍ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
ជីវិតកម្សាន្ដ១៨ ម៉ោង ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
ព័ត៌មានជាតិ៤ ថ្ងៃ ago
ម្ចាស់Camcar collection លុបវីដេអូ និងសំណេរចេញពីបណ្តាញសង្គម ដើម្បីបញ្ចប់រឿងជាមួយអ្នកឧកញ៉ា លី សុភ័ក្ត
-
សុខភាព៦ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ