ព័ត៌មានអន្ដរជាតិ

ភ្ញៀវទេសចរវៀតណាម៦នាក់ស្លាប់ ក្នុងសណ្ឋាគារប្រទេសថៃសង្ស័យដោយសារការបំពុល

បានផុស

៧ ខែ មុន

នៅ

ថ្ងៃអង្គារ ១៦ កក្កដា ២០២៤

ដោយ

ជនជាតិវៀតណាម៦នាក់សង្ស័យស្លាប់ដោយការបំពុលក្នុងសណ្ឋាគារក្នុងទីក្រុងបាងកកនៅវេលាម៉ោង៥និង៣០នាទីល្ងាចថ្ងៃអង្គារនេះ ខណៈសមត្ថកិច្ចថៃកំពុងតែសាកសួរសាក្សីនិងត្រួតពិនិត្យមើលកាមេរ៉ាសុវត្ថិភាពដើម្បីប្រមូលភស្តុតាង។

ប៉ូលិសបានកំណត់អត្តសញ្ញាណអ្នកស្លាប់ទាំង៦នាក់នោះ ដែលមាន៣នាក់ជាស្ត្រី និង៣នាក់ជាបុរស ហើយមានរងគ្រោះ២នាក់ក្នុងចំណោមនោះជាជនជាតិវៀតណាមសញ្ជាតិអាមេរិក២នាក់ ខណៈ៤នាក់ផ្សេងទៀតជាជនជាតិវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការផ្សាយរបស់បាងកកប៉ុស្តិ៍ ប៉ូលិសរកមិនឃើញពីការរងរបួសលើរាងកាយរបស់អ្នកស្លាប់នោះទេ ប៉ុន្តែពួកគេត្រូវបានបញ្ជាក់ថា ស្លាប់ដោយសារការបំពុល។

ករណីស្លាប់ដោយសារថ្នាំពុលនេះកើតឡើងនៅសណ្ឋាគារ Grand Hyatt Erawan នៅសង្កាត់ Pathum វេលាម៉ោង៥កន្លះល្ងាច។

ប៉ូលិសថៃកំពុងតែត្រួតពិនិត្យមើលរូបភាពដែលថតដោយកាមេរ៉ាសុវត្ថិភាព (CCTV) និងបានសាកសួរសាក្សីដើម្បីប្រមូលភស្តុតាង។ មន្ត្រីប៉ូលិសបានប្រទះឃើញអ្នកស្លាប់ទាំង៦នាក់នោះនៅក្នុងបន្ទប់១ ដោយគ្មានបន្សល់ដាននៃការរើសបម្រាស់ ហើយវ៉ាលីរបស់ពួកគេត្រូវបានឃើញនៅជិតទ្វារខាងមុខ៕