ព័ត៌មានអន្ដរជាតិ
លោក បៃដិន ឆ្លងជំងឺកូវីដ-១៩ បង្កក្តីបារម្ភ
តាមការបញ្ជាក់ពីអ្នកនាំពាក្យសេតវិមានកាលពីថ្ងៃពុធទី១៧ខែកក្កដាឆ្នាំ២០២៤, ប្រធានាធិបតីសហរដ្ឋអាមេរិក លោក ចូ បៃដិន បានឆ្លងជំងឺកូវីដ១៩ ប៉ុន្តែចេញរោគសញ្ញាស្រាលប៉ុណ្ណោះ។ យ៉ាងណា ការធ្វើតេស្តវិជ្ជមាននេះ បានបង្កជាក្តីបារម្ភខ្លាំងមែនទែន ដោយសារតែកត្តាអាយុរបស់លោក។
ឆ្លើយតបចំពោះក្តីបារម្ភនេះ អ្នកនាំពាក្យសេតវិមាន Karine Jean-Pierre បានចេញមុខបញ្ជាក់ថា លោក បៃដិន ទទួលបានវ៉ាក់សាំងគ្រប់គ្រាន់ ថែមទាំងលេបថ្នាំព្យាបាលកូវីដទៀតផង។
BBC ផ្សាយថា មុនពេលលោកធ្វើតេស្តវិជ្ជមានជំងឺនេះ លោកបានជួបអ្នកគាំទ្រក្នុងទីក្រុង Las Vegas ហើយថ្លែងនៅឯព្រឹត្តិការណ៍មួយ។ ក្រោយមក លោកក៏បានលុបចោលកម្មវិធីថ្លែងសុន្ទរកថា នៅឯយុទ្ធនាការឃោសនាបោះឆ្នោតរួចទៅហើយដែរ។
ទន្ទឹមនោះ បើតាមការចុះផ្សាយរបស់ CNA, ការរកឃើញឆ្លងជំងឺនេះ កើតឡើងត្រឹមប៉ុន្មានម៉ោងប៉ុណ្ណោះ បន្ទាប់ពីការចេញផ្សាយបទអត្ថាធិប្បាយរបស់លោក បៃដិន នៅក្នុងកិច្ចសម្ភាសមួយកាលពីថ្ងៃអង្គារ ដែលក្នុងនោះលោកនិយាយថា លោកអាចដកខ្លួនលែងឈរឈ្មោះជាបេក្ខជនបោះឆ្នោតប្រជែងតំណែងប្រធានាធិបតីខែវិច្ឆិកា ប្រសិនបើលោកកើតជំងឺធ្ងន់។
នេះត្រូវបានគេមើលឃើញថា ជាឧបសគ្គមួយទៀតចំពោះប្រធានាធិបតីអាមេរិក បន្ទាប់ពីលោក ត្រូវបេក្ខជនតែងតាំងខាងគណបក្សសាធារណរដ្ឋ ដូណាល់ ត្រាំ វាយប្រហារយ៉ាងស្ពឹកមុខ នៅក្នុងការជជែកដេញដោលគ្នាលើដំបូងកាលពីខែមុន។
ដោយសារតែមើលទៅឃើញថាធ្វើមិនបានល្អ អ្នកគាំទ្រគណបក្សប្រជាធិបតេយ្យបានជំរុញឲ្យលោក បៃដិន ដកបេក្ខភាព ហើយជំនួសដោយអ្នកថ្មី ដែលល្អប្រសើរជាងនេះ ហើយឥឡូវ មានសមាជិករដ្ឋសភាប្រហែល២០នាក់និង ព្រឹទ្ធសមាជិកម្នាក់ បានអំពាវនាវឲ្យលោក ដកខ្លួនចេញ។
មិនត្រឹមប៉ុណ្ណឹង បើយោងតាមការស្ទង់មតិភាគច្រើនបានបង្ហាញថា លោក បៃដិន កំពុងមានសំឡេងគាំទ្រ តិចជាងលោក ត្រាំ ក្នុងការឈ្នះតំណែងជាប្រធានាធិបតីសហរដ្ឋអាមេរិក៕
អត្ថបទ៖ សុខ សុវណ្ណ
ចុចអាន៖ បៃដិន បញ្ជាសេវាសម្ងាត់ ដាក់កម្លាំងការពារមន្ត្រីជាន់ខ្ពស់មួយរូប ក្រោយ ត្រាំ ត្រូវគេលបប្រហារ
-
សន្តិសុខសង្គម២ ថ្ងៃ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ២ ថ្ងៃ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច៧ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ១ សប្តាហ៍ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ១ សប្តាហ៍ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ព័ត៌មានអន្ដរជាតិ៣ ថ្ងៃ ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៦ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានអន្ដរជាតិ៦ ថ្ងៃ ago
រកឃើញមនុស្សស្លាប់បន្ថែមទៀត នៅរដ្ឋ Florida ដោយសារព្យុះ Milton