ព័ត៌មានអន្ដរជាតិ
មនុស្ស១៦នាក់បាត់បង់ជីវិតក្នុងឧបទ្ទវហេតុឆេះផ្សារទំនើបមួយកន្លែងនៅចិន
មនុស្សចំនួន១៦នាក់បានបាត់បង់ជីវិតក្នុងហេតុការណ៍អគ្គិភ័យឆាបឆេះនៅមជ្ឈមណ្ឌលលក់ទំនិញមួយកន្លែង នៅទីក្រុង Zigong ខេត្ត Sichuan ភាគនិរតីនៃប្រទេសចិន កាលពីល្ងាចថ្ងៃពុធ។
យោងតាមការចុះផ្សាយរបស់ទីភ្នាក់ងារសារព័ត៌មានរដ្ឋចិន Xinhua អគ្គិភ័យនេះបានឆាបឆេះអគារកម្ពស់១៤ជាន់ ហើយត្រូវពន្លត់បានសម្រេចនៅម៉ោងប្រមាណជា ៨ និង២០នាទីយប់។ ចំណែកឯប្រតិបត្តិការជួយសង្គ្រោះវិញ បានបញ្ចប់រួចរាល់នៅម៉ោងប្រហែល៣ទៀបភ្លឺថ្ងៃទី១៨ ខែកក្កដា ដោយក្នុងនោះមានមនុស្សប្រហែល៣០នាក់ ត្រូវបានជួយសង្គ្រោះចេញពីអគារ។
យ៉ាងណាមិញ មូលហេតុនៃហេតុការណ៍អគ្គិភ័យលើកនេះ នៅមិនទាន់ដឹងច្បាស់នៅឡើយទេ។
សូមបញ្ជាក់ថា អគ្គិភ័យកើតមានជាញឹកញាប់នៅក្នុងប្រទេសចិន ដោយសារស្តង់ដារសុវត្ថិភាពធូររលុង និងការអនុវត្តមិនល្អ។ តួយ៉ាងដូចជាកាលពីខែមករា មនុស្សរាប់សិបនាក់បានស្លាប់ បន្ទាប់ពីអគ្គិភ័យបានឆាបឆេះហាងមួយកន្លែងនៅកណ្តាលទីក្រុង Xinyu ដែលបណ្តាលមកពីការប្រើប្រាស់ភ្លើង «ខុសច្បាប់» ដោយកម្មករនៅក្នុងបន្ទប់ក្រោមដីរបស់ហាង។ ក្នុងខែមករាដដែលនោះ ករណីភ្លើងឆេះអគារលំនៅឋានមួយកន្លែងដែលបានសម្លាប់មនុស្សយ៉ាងហោចណាស់១៥នាក់។ អគ្គិភ័យនេះ បានកើតឡើងតែប៉ុន្មានថ្ងៃបន្ទាប់ពីមានការឆាបឆេះនៅសាលារៀនមួយក្នុងខេត្ត Henan ភាគកណ្តាលប្រទេសចិន ដែលបានប្រល័យជីវិតកុមារចំនួន ១៣នាក់។
ចំណែកកាលពីខែមិថុនាឆ្នាំមុន ការផ្ទុះនៅភោជនីយដ្ឋានសាច់អាំងមួយកន្លែងនៅភាគពាយព្យនៃប្រទេសចិន បានធ្វើឲ្យមនុស្ស ៣១នាក់ស្លាប់ ហើយបានជំរុញឲ្យមានការអំពាវនាវថ្នាក់ជាតិសម្រាប់យុទ្ធនាការទូទាំងប្រទេស ដើម្បីលើកកម្ពស់សុវត្ថិភាពនៅកន្លែងធ្វើការ។
មួយករណីទៀតកើតឡើងក្នុងខែមេសា ឆ្នាំ២០២៣ នៅមន្ទីរពេទ្យទីក្រុងប៉េកាំង ហើយបានឆក់យកជីវិតមនុស្ស ២៩នាក់ និងបានបង្ខំអ្នកជំងឺមួយចំនួនឲ្យសម្រេចចិត្តលោតចេញតាមបង្អួចអគារដើម្បីរត់គេចខ្លួន៕
ដោយ៖ ឈាង
លោក ត្រាំ ប្រកាសគម្រោងតម្លៃ៥០០ពាន់លានដុល្លារលើហេដ្ឋារចនាសម្ព័ន្ធ AI
២០២៥ ស្វាយកែវរមៀតខេត្តក្រចេះ ប្រមូលផលបានមុនគេបង្អស់ ខណៈតម្លៃទីផ្សារធ្លាក់ចុះខ្លាំង
លោក ឈាង រ៉ា អំពាវនាវដល់អង្គការជាតិ និងអន្តរជាតិ បន្តជួយវិស័យសុខាភិបាលសម្រាប់បង្ការការធ្វើអត្តឃាត
តម្លៃប្រេងអន្តរជាតិធ្លាក់ចុះ ជុំវិញគម្រោងបង្កើនផលិតកម្មប្រេងអាមេរិក របស់ ត្រាំ
ខ្យល់ពុលនៅថៃ ធ្ងន់ខ្លាំង ដល់ថ្នាក់ក្រសួងសុំឲ្យប្រជាជនធ្វើការពីផ្ទះ ឯបាងកក ក៏បិទសាលារៀន
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ