ព័ត៌មានអន្ដរជាតិ
អតីតប្រធានាធិបតីរុស្ស៊ី៖ ឆ្នាំ២០៣៤ អ៊ុយក្រែននឹងបាត់វត្តមានពីពិភពលោក
ជំនួយការជិតស្និទ្ធរបស់លោក ពូទីន និងជាអតីតប្រធានាធិបតីរុស្ស៊ី លោក Dmitry Medvedev បានអះអាងថា នាពេលឆាប់ៗខាងមុខ វត្តមានរបស់ប្រទេសអ៊ុយក្រែន នឹងរលាយបាត់ពីលើលោកនេះ។ ការលើកឡើងរបស់លោក Medvedev បានធ្វើឡើងនៅអំឡុងពេលផ្ដល់បទសម្ភាសន៍មួយជាមួយសារព័ត៌មានរុស្ស៊ី AIF.ru កាលពីថ្ងៃទី១៦ខែកក្កដា ឆ្នាំ២០២៤។
មន្ត្រីជាន់ខ្ពស់ក្រុងមូស្គូរូបនេះ បានបញ្ជាក់ថា ការបាត់វត្តមានរបស់អ៊ុយក្រែន នឹងកើតឡើងនៅក្រោយឆ្នាំ២០៣៤ខាងមុខ ជាឆ្នាំដែលអ៊ុយក្រែនធ្លាប់អះអាងថា ខ្លួននឹងក្លាយជាសមាជិកអង្គការណាតូ។ លោក Medvedev បាននិយាយថា៖«វាមិនមែនជារឿងចៃដន្យទេ ដែលអគ្គលេខាធិការអង្គការណាតូ លោក Jens Stoltenberg បាននិយាយដោយបើកចំហថា វានឹងក្លាយជាសេណារីយ៉ូវិជ្ជមាន ប្រសិនបើអ៊ុយក្រែនចូលរួមជាមួយសម្ព័ន្ធមិត្តនៅឆ្នាំ២០៣៤។ នោះមានន័យថា វានឹងមិនកើតឡើងទេ។ ដល់ពេលនោះ គ្មានមេដឹកនាំបច្ចុប្បន្នណាម្នាក់នៃណាតូ អាចនៅតែកាន់តំណែងរបស់ពួកគេដដែលឡើយ។ វាអាចទៅរួចដែលថា អ៊ុយក្រែន នឹងលែងមានវត្តមានទៀតផងដែរ»។
បន្ថែមពីនេះ លោក Medvedev ក៏បានចោទប្រកាន់អង្គការណាតូដែលជាស្ថាប័នយោធាកំពូលរបស់អឺរ៉ុបនិងអាមេរិកថា ពួកគេបានព្យាយាមប្រើប្រាស់អ៊ុយក្រែនជាមធ្យោបាយដើម្បីកម្ទេចរុស្ស៊ី។ ទន្ទឹមនោះ លោកបានស្ដីបន្ទោសទៅលើរដ្ឋាភិបាលក្រុងកៀវ ចំពោះរឿងដែលមិនអាចឈានទៅដល់កិច្ចចរចាបទឈប់បាញ់មួយដែលគេចង់បានបំផុត។
លោក បាននិយាយថា៖«ដរាបណា យើងអាចបង្ការមហន្តរាយសកលបាន យើងនឹងព្យាយាមធ្វើដូច្នេះទៀត។ គួរឲ្យសោកស្ដាយ សត្រូវរបស់យើងបច្ចុប្បន្ន មិនអាចចែករំលែកនូវមហិច្ឆតារបស់ពួកយើង ហើយយើងមិនអាចជឿជាក់លើឧត្ដមគតិ ឆន្ទៈ និងសេចក្តីប្រាថ្នាចង់បានសន្តិភាពរបស់ពួកគេបានឡើយ។ នេះមានន័យថា អ្វីៗគ្រប់យ៉ាងគឺអាចទៅរួច»។
សូមបញ្ជាក់ថា សម្ដីរបស់លោក Medvedev ធ្វើឡើងស្របពេលដែលភាពតានតឹងរវាងអង្គការណាតូ និងរុស្ស៊ី បានកើនកម្ដៅខ្លាំងដល់ចំណុចខ្ពស់បំផុតមិនធ្លាប់មាននាពេលកន្លងមក ពាក់ព័ន្ធនឹងសង្គ្រាមនៅអ៊ុយក្រែន។ លោក វ៉្លាឌឺមៀរ ពូទីន ប្រធានាធិបតីរុស្ស៊ី បានព្រមានម្ដងហើយម្ដងទៀតចំពោះការប្រើប្រាស់អាវុធនុយក្លេអ៊ែរសម្រាប់ការការពារខ្លួន ហើយរដ្ឋាភិបាលក្រុងមូស្គូបានចោទប្រកាន់ទៅលើសម្ព័ន្ធមិត្តលោកខាងលិចរបស់អ៊ុយក្រែនថា បានជំរុញឲ្យពិភពលោកឆ្ពោះទៅរកការប្រឈមមុខនឹងសង្គ្រាមនុយក្លេអ៊ែរ៕
ដោយ៖ ឈាង
គម្រោងរេដបូកកែវសីមា ជួយសហគមន៍ជនជាតិដើមភាគតិចភូមិពូត្រុំ ដាំដុះបន្លែលក់បានថ្លៃ ថែមទាំងមិនពិបាករកទីផ្សារ
ជោគជ័យជីវិតគូ! គង់ ច័ន្ទស្រីមុំ ចែករំលែកបទពិសោធរឿងជីវិតគ្រួសារ
តារាចម្រៀង G.NA បង្ហោះរូបភាពនិងសារ «លាពិភពលោក» ខណៈអ្នកគាំទ្រកំពុងភ័យព្រួយ
តារាចម្រៀង ខេម ថា ការគាំទ្រពីដៃឯកស្ពតជាឱកាសបង្កើនការងារដល់ប្រជាជនកម្ពុជា
ក្រសួងសុខាភិបាលពិនិត្យសេចក្តីព្រាងចុងក្រោយ សេវាព្យាបាលជំងឺផ្លូវចិត្តនឹងគ្រឿងញៀន
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
៦ខេត្តរបស់ថៃ នៅតែរងគ្រោះ ដោយទឹកជំនន់
រលកយក្សស៊ូណាមិតូចមួយវាយប្រហារប្រជុំកោះ Izu របស់ជប៉ុន
វត្តព្រះពុទ្ធសាសនានៅថៃត្រូវគ្រូបរទេសបង្រៀនអង់គ្លេស ប្រែក្លាយជាការបង្រៀនទ្រឹស្តីសាសនាផ្សេង
-
ព័ត៌មានជាតិ៥ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៤ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ agoរដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ២០ ម៉ោង agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ