ព័ត៌មានអន្ដរជាតិ
រុស្ស៊ី ចោទ អ៊ុយក្រែន ចូលដៃអាមេរិក ផលិតអាវុធគីមី បាញ់លើទាហានរបស់ខ្លួន
អនុរដ្ឋមន្ត្រីការបរទេសរុស្ស៊ី លោក Sergey Ryabkov បានចោទប្រកាន់ថា កងកម្លាំងអ៊ុយក្រែន កំពុងប្រើប្រាស់អាវុធគីមីនៅលើសមរភូមិ ហើយទីក្រុងមូស្គូ ថែមទាំងប្រមូលបានព័ស្ដុតាងគ្រប់គ្រាន់ ដើម្បីបញ្ជាក់ថា ទីក្រុងកៀវ កំពុងចូលដៃធ្វើការជាមួយទីក្រុងវ៉ាស៊ីនតោន ដើម្បីផលិតសមាសធាតុសម្រាប់ផលិតអាវុធជីវសាស្ត្រ បាញ់លើទាហានរុស្ស៊ីទៀតផង។
ថ្លែងប្រាប់ទូរទស្សន៍ Zvezda និងត្រូវបានផ្សាយបន្តដោយ RT កាលពីថ្ងៃព្រហស្បតិ៍ទី១៨ ខែកក្កដា ឆ្នាំ២០២៤, លោក Ryabkov អះអាងថា ទីក្រុងកៀវ ពិតជាបានចូលរួមក្នុងសកម្មភាពខុសច្បាប់ទាក់ទងនឹងសង្គ្រាមគីមីនិងជីវសាស្រ្តមែន។
ស្របពេលជាមួយគ្នានោះដែរ អ្នកការទូតខាងលើនិយាយថា រុស្ស៊ីកំពុងជូនដំណឹងដល់ទីភ្នាក់ងារអន្តរជាតិពាក់ព័ន្ធអំពីបញ្ហាទាំងនេះរួចអស់ហើយ ហើយក៏បញ្ជូនរបាយការណ៍ទៅអង្គការហាមឃាត់អាវុធគីមី (OPCW) រួចហើយដែរ។
ទាក់ទងនឹងការរំលោភលើអនុសញ្ញាអាវុធជីវសាស្រ្ត លោក Ryabkov និយាយថា ក្នុងអំឡុងពេលជម្លោះជិតពីរឆ្នាំកន្លះមកនេះ យោធារុស្ស៊ី ប្រមូលបានព័ស្តុតាងយ៉ាងច្រើន ដែលបង្ហាញពីកិច្ចសហប្រតិបត្តិការយ៉ាងស៊ីជម្រៅរវាងទីក្រុងវ៉ាស៊ីនតោន និងទីក្រុងកៀវនៅក្នុងរឿងនេះ។
មិនត្រឹមប៉ុណ្ណឹង លោកថែមអះអាងថា ទង្វើរបស់អ៊ុយក្រែននិងអាមេរិក មិនគួរទទួលបានការថ្កោលទោសត្រឹមតែរុស្ស៊ីប៉ុណ្ណោះទេ ពោលគឺគួរក៏តែទទួលការថ្កោលទោសពីសំណាក់សមាគមអន្តរជាតិជាច្រើនផងដែរ។
សូមបញ្ជាក់ថា ការអត្ថាធិប្បាយរបស់លោក Ryabkov ធ្វើឡើងបន្ទាប់ពីក្រសួងការពារជាតិរុស្ស៊ី ប្រកាសកាលពីដើមខែនេះថា ខ្លួនបានរកឃើញមន្ទីរពិសោធន៍គីមីរបស់អ៊ុយក្រែន ដែលមានទីតាំងនៅមិនឆ្ងាយប៉ុន្មានពីទីក្រុង Avdeevka នៃតំបន់ Donbass ដែលរុស្ស៊ី វាយយកបាន ហើយទីនោះទៀតសោត ត្រូវបានប្រើដើម្បីផលិតសារធាតុពុលខ្លាំង “អ៊ីដ្រូសែនស្យានីត”។
ទីក្រុងមូស្គូក៏អះអាងដែរថា ទីក្រុងកៀវ បានប្រើប្រាស់ភ្នាក់ងារគីមី ដើម្បីផលិតយន្តហោះគ្មានមនុស្សបើក Kamikaze៕
អត្ថបទ៖ សុខ សុវណ្ណ
ចុចអាន៖ រុស្ស៊ី ព្រមានថា អ៊ុយក្រែន កំពុងរៀបចំការបង្កហេតុ ដោយប្រើប្រាស់អាវុធគីមី
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា