ព័ត៌មានអន្ដរជាតិ
ព្រះនាងម្ចាស់ Sheikha Mahra នៅឌូបៃ ប្រកាសលែងលះស្វាមី ក្រោយអភិសេកត្រឹមពេល១ឆ្នាំ
ព្រះនាង Sheikha Mahra បុត្រីរបស់នាយករដ្ឋមន្ត្រីនៃទីក្រុងឌូបៃនិងជាស្ដេច Sheikh Mohammed bin Rashid Al Maktoum បានប្រកាសលែងលះស្វាមី ដែលជាជំនួញឧស្សាហ៍កម្ម Sheikh Mana bin Mohammed នៅលើ Instagram ផ្ទាល់ខ្លួន។ នេះបើយោងតាមការចុះផ្សាយពីកាសែត unilad នៅថ្ងៃទី១៩ ខែមិថុនា។
តាមរយៈការបង្ហោះ Instagram របស់ព្រះនាងផ្ទាល់ដែលត្រូវបានបង្ហោះកាលពីថ្ងៃពុធថា ” លោកប្ដីជាទីស្រឡាញ់ដែលអ្នកកំពុងកាន់កាប់ជាមួយដៃគូផ្សេងទៀត ខ្ញុំសូមប្រកាសពីការលែងលះរបស់យើង! ខ្ញុំលែងលះអ្នកហើយ សូមថែរក្សាខ្លួន! ពីអតីតប្រពន្ធរបស់អ្នក”។

យោងតាមសារព័ត៌មាន The Independent ក៏បានដកស្រង់នូវសំណេររបស់ព្រះនាងដោយពន្យល់ថា ការបង្ហោះនេះគឺជាដូចជាឆ្លុះបញ្ជាំងពីការអនុវត្តបែបប្រពៃណីរបស់ឥស្លាម រួមទាំងពាក្យអារ៉ាប់ដែលសរសេរភាសា Talaq ចំនួនបីដង (ការលែងលះភ្លាមៗ) ដែលអនុញ្ញាតឲ្យបុរសមូស្លីមអាចលែងលះប្រពន្ធរបស់គាត់ដោយស្របច្បាប់។
ការប្រកាសជាសាធារណៈនេះនៅលើ Instagram បានធ្វើឡើងបន្ទាប់ពីភាគីទាំងពីរមិនតាមដានគ្នាទៅវិញទៅមក និងលុបរូបថតអាពាហ៍ពិពាហ៍របស់ពួកទ្រង់ចេញពីគណនីប្រព័ន្ធផ្សព្វផ្សាយសង្គម។ គេក៏បានកត់សម្គាល់ផងដែរថា រូបភាពរបស់ស្វាមីរបស់ព្រះនាងត្រូវបានលុបចេញពី Instagram របស់នាង ហើយរូបថតរបស់នាងត្រូវបានដកចេញពីគណនីរបស់ស្វាមីដូចគ្នា។
ទន្ទឹមនោះដែរ ងាកទៅកាន់ប្រតិកម្មរបស់មហាជនលើ Instagram ដោយអ្នកប្រើមួយចំនួនបានប៉ាន់ស្មានថាគណនីរបស់ព្រះនាងអាចត្រូវបានគេលួចចូល។ យ៉ាងណាក៏ដោយ គ្មានភ័ស្តុតាងណាមួយនៃការលួចចូលបានលេចឡើងចាប់តាំងពីការបង្ហោះនេះត្រូវបានផ្សព្វផ្សាយ។ អ្នកប្រើប្រាស់ជាច្រើនបានបង្ហាញការគាំទ្រចំពោះព្រះនាង ដោយសរសើរពីភាពក្លាហានរបស់ទ្រង់ និងបានជូនពរឲ្យទ្រង់មានអនាគតល្អ។ អ្នកខ្លះក៏ងឿងឆ្ងល់ដែរថាតើភាពមិនស្មោះត្រង់មានជាប់ពាក់ព័ន្ធឬអត់ ក្នុងពេលដែលព្រះនាងនាងជ្រើសរើសពាក្យ Talaq សរសេរ៣ដងបែបនេះ។
ទោះបីជាយ៉ាងណាក៏ដោយ សែរាជវង្សអារ៉ាប់ក៏មិនបានបញ្ចាក់ជាសាធារណៈអំពីស្ថានភាពនេះទេ។ គូស្នេហ៍នេះត្រូវបានគេដឹងថា បានអភិសេកយ៉ាងអធិកអធមក្នុងខែមិថុនា ឆ្នាំ២០២៣ ហើយបានស្វាគមន៍បុត្រីម្នាក់ក្នុងខែឧសភា ឆ្នាំដដែល។
គួរបញ្ចាក់ដែរថា ព្រះនាង Sheikha Mahra មានព្រះជន្មអា៣០ វស្សា ស្ថិតក្នុងចំណោមបុត្រ ២៦ អង្គរបស់ ស្ដេច Sheikh Mohammed bin Rashid Al Maktoum ។ ដោយឡែក ស្វាមី Sheikh Mana bin Mohammed មានអាយុ ២៦ ឆ្នាំគឺជាសហគ្រិន ដោយបានដឹកនាំក្រុមហ៊ុន និងការបណ្តាក់ទុនពាណិជ្ជកម្មជាច្រើនរួមមាន AlBarada Trading, Dubai Tech, GCI Real Estate Development Company និង MM Group of Companies៕

អត្ថបទ៖ សាង ស្រីល័ក្ខ
ចុចអាន៖មង្គលការកូនប្រុសពៅសេដ្ឋី Ambani ជាពិធីចំណាយប្រាក់ខ្ជះខ្ជាយបំផុត

-
សន្តិសុខសង្គម៦ ថ្ងៃ ago
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៦ ថ្ងៃ ago
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម២ ថ្ងៃ ago
អគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៦ ថ្ងៃ ago
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៤ ថ្ងៃ ago
យន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៥ ថ្ងៃ ago
ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៤ ថ្ងៃ ago
អាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍៦ ថ្ងៃ ago
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង