ព័ត៌មានអន្ដរជាតិ

ការដាច់បច្ចេកវិទ្យារំខានដល់សកម្មភាពអាជីវកម្មនិងកុំព្យូទ័ររាប់លានលើសកលលោក

បានផុស

១៤ នាទី មុន

នៅ

ថ្ងៃសៅរ៍ ២០ កក្កដា ២០២៤

ដោយ

ការដាច់បច្ចេកវិទ្យា (Technology outage) បណ្តាលឱ្យសកម្មភាពអាជីវកម្ម និងកុំព្យូទ័ររាប់លានគ្រឿងនៅទូទាំងពិភពលោករងផលប៉ះពាល់នៅថ្ងៃទី១៩ខែកក្កដា ដែលការតំណរភ្ជាប់បច្ចេកវិទ្យាដ៏ធំនេះរំខានដល់សេវាកម្មសំខាន់ៗដែលពឹងផ្អែកបច្ចេកវិទ្យាចាំបាច់ផុត រួមមានធនាគារ ក្រុមហ៊ុនអាកាសចរណ៍ ផ្លូវរថភ្លើង ក្រុមហ៊ុនប្រព័ន្ធផ្សព្វផ្សាយ និងផ្សារទំនើប។

អ្នកដំណើររង់ចាំការចុះឈ្មោះនៅអាកាសយានដ្ឋាន Changi របស់សិង្ហបុរីនៅល្ងាចថ្ងៃទី១៩ខែកក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេវាកម្មនៅអាកាសយានដ្ឋាន រួមមានទាំងការចុះចត និងការហោះហើរត្រូវបានពន្យាពេល។ សេវាកម្មនៅស្ថានីយរថភ្លើង ក៏រងផលប៉ះពាល់នាំឱ្យរំខានដល់ការធ្វើដំណើរ ហើយផ្សារទំនើបខ្លះក៏ត្រូវបិទជាបណ្តោះអាសន្ន ដោយសារផលប៉ះពាល់ដល់ប្រព័ន្ធបង់ប្រាក់។

ការរំខាននេះកើតចេញពីការដំឡើង (update) សូហ្វវែរ របស់ក្រុមហ៊ុនសន្តិសុខបច្ចេកវិទ្យា CrowdStrike របស់អាមេរិក សម្រាប់កុំព្យូទ័រដែលប្រើប្រាស់កម្មវិធីរបស់ Microsoft។

តាមការចុះផ្សាយរបស់សារព័ត៌មាន The Strait Times ការដាច់បច្ចេកវិទ្យានេះត្រូវបានរាយការណ៍ជាលើកដំបូងនៅក្នុងប្រទេសអូស្ត្រាលីបន្ទាប់ពីធ្វើបច្ចុប្បន្នភាពកម្មវិធីនៅលើកុំព្យូទ័រត្រូវបានរុញចេញ ដែលបណ្តាលឱ្យអ្នកប្រើប្រាស់កុំព្យូទ័រមើលឃើញ អេក្រង់កុំព្យូទ័រឡើងពណ៌ខៀវហាក់ដូចជាខូច លែងដំណើរការគួរឱ្យបារម្ភ។

តាមការចុះផ្សាយដដែល អ្នកជំនាញបាននិយាយថា វាអាចចំណាយពេលជាច្រើនថ្ងៃ មុនពេលអ្វីៗទាំងអស់ត្រលប់មកធម្មតាវិញ ដោយសារកុំព្យូទ័រត្រូវតែជួសជុលកម្មវិធីឡើងវិញ និងមិនមែនតាមរយៈការដំឡើងកម្មវិធីថ្មីតាមបច្ចេកវិទ្យាពីចម្ងាយនោះទេ។

អ្នកដំណើរកកកុញរង់ចាំការចុះឈ្មោះធ្វើដំណើរនៅអាកាសយានដ្ឋាននៅអាល្លឺម៉ង់នៅល្ងាចថ្ងៃទី១៩កក្កដា។ រូបភាព AP

តាមសេចក្តីរាយការណ៍នានា រួមមានទាំងបាងកកប៉ុស្តិ៍ និង New York Times ក្រុមហ៊ុននៅតាមបណ្តាអាកាសយានដ្ឋាននៅអាស៊ី ដូចជា អាកាសយានដ្ឋាន Changi របស់ប្រទេសសិង្ហបុរី អាកាសយានដ្ឋានសុវណ្ណភូមិរបស់ប្រទេសថៃ និងក្រុមហ៊ុនដែលបម្រើការដឹកជញ្ជូននៅតាមបណ្តាលអាកាសយានដ្ឋានទាំងនោះក៏រងផលប៉ះពាល់ដែរ។

Related Topics: